صبـــــاح الخير ياحلوين ياكروشات...
صـــــــــــامدة معاكم لاتخافو ماعملت خيانة...
بس مادخلت ليا يومين بالزبط.. مرررره مشغولة في الدوام اخلص اموري واسلم.. ولما ارجع البيت جالسه ازبط برنامج سياحي لماليزيا لأخو زوجي الكبير.. واعمل لهم حجوزات التذاكر والإقامة والرحلات البحرية والجوية والمواصلات.. من.... إلى...
ماشاء الله عليه اخو زوجي الكبير في مكانة ابوه يعني.. اول مره يطلب مننا طلب انا وزوجي قلنا لازم خلاص.. مافي مجال لازم نساعدهم.. وبس اليوم راح اخلص البرنامج السياحي بإذن الله..
ومتفائلة اني اشطب اليوم على شغلي في المكتب.. ياااااااااااارب..
وبالنسبة للكرشة صااااامدة معاكم..
موعدي بعد بكره يوم الأربعاء حيكون 27 اكتوبر.. وانا موعد ولادتي 30 اكتوبر.. يعني شكلي بعوشر.. والله أعلم..
امس كمان نزلت مشيت ساعة مع زوجي.. رجعت البيت استحميت بمويا دافئة وجلس اخلص البرنامج..
بس يابنات
ذاااااااااااابحني تنفخ رجولي.. صارت كأنها فقمة ( أو فيل) استغفر الله عن جد ما أمزح...
شي مو طبيعي وبزياااااادة طبعاً ولا أي صندل ولا اي جزمة عندي اقدر البسها اضطريت اني اشتري مثل الصندل الرياضي مقاس كبيييييييير...
الدكتورة لما رحت لها الثلاثاء الي فات..قالت لي طبيعي.. بس اهل زوجي خوفوني.. يقولو ايش دا روحي عند واحدة ثانية شكلو فيكي شي... ( يماااااااامي.. الله يهديهم بس) ماعرفت انام من كلامهم داك اليوم..
وقررت اني ماراح اطلع لهم فوق حتى أولد.. مافيني يجلسو يخوفوني كدا انا ناقصة........
احس النونو بزيادة ضاغط على تحت.. وبدأت احس بشيء جديد.. تعرفو لما حتجيكم الدورة (الالامها ) الحرارة اسفل وفي ظهرك..
امس بدأ يجيني دا الشي.. امس جلس معايا من 11 الصبح حتى 6 المغرب .. بعد المشي والإ‘ستحمام راح..
وصحيت الصبح مافيني شي.. ( هل هو دا الطلق؟..؟؟؟؟؟؟)
يلاه اشئر عليكم بعدين..
مرررررره شكراً لكل الحلوين الي سألو عني ابتسامة امل، ام ريماس، أنامل، سترونج جيرل..... الكللللللل.. ( على فكرة مامداني اقرأ كل الي فاتني اعذروني)...
ومرررررررره مبرووووووك للي ولدو.. وعملو خيانة ليا ( عذبة البسمة) معايا في نفس التاريخ....
في أخبار عن أم بلقيس هل ولدت؟
التجمع 23 لمواليد ****اكتوبر *** نوفمبر *** ديسمبر والتباشير باذن الله
متابعة النقاش، صفحة 326