شاركي في النقاش

سجلي الدخول لإضافة تعليق.

التعليقات

2,134
  1. @bnt_althhrat

    وش اخباركم بنااااااااااااااات والله اشتقت لكم حبيباتي انا الحين في الاسبووووووووووووع الخامس عشر يعني توني داشه الرابع
  2. @dhkt_bnty

    بنت الظهران

    الله يتمم لج على خير وينج طولتي علينا الغيبة لا يكون النساه ملعوزج الله يتمم عليج على خير
  3. مرحبا ياحلوين
    طبعا انا كتبت رد اشطوووول بس طار :06:
    المهم موعدي كان اليوم وصلت على الساعة ٨ بعد وصلت العيال المدرسة من اول دخلتي حسيت بهددددوووووء في القسم قلت شكله الامن مستتب ..
    خذت رقم التصوير كان رقمي ١٣ رحت اشتري شاي من الصبح اتفرفر في السيارة و انام و اقوم لحد ما وصلت .. لما رجعت توني مرتزة قاعدة و اسأل رقم كم قالوا ١٢ قلت خير ليش مافي زحمة قالوا مخففين المواعيد قبل العيد .. قلت خير و بركة ( أنانية :hahaha:)
    قمت بسرعة ادور الله يعزكم حمام علشان ما يتحججون علي مالقيت رجعت و قلت امري إلى الله بدخل و باستعبط هاوشوني و اطردوني بروح وبرجع .. دخلت الحمد لله عدت السالفة بسلام .. صورت قالت بطانة الرحم اوكي وصلت ١٠ في الجهتين و هم يبون عشرة ..
    عاد مالت التصوير صديقتي تذكرني من أيام الغوص اول ما بديت و احسها تشفق علي خخخ سألتها اوكي جذي قالت اي اوكي هم يبون ١٠ اقل شي و انتي ١٠ قلت بالنسبة لفك الاجنة صج في ناس يفكون اجنتهم و ما يتم لهم و لا واحد قالت تصير بس وايد نادر( قلت في خاطر انا تخصص الحالات النادرة ) و يمكن ذيله عندهم عدد قليل وايد علشان جذي ما صمد شي ..و دعت لي دعوتين قبل ما اطلع ما ادري مستجابين و الا لا ..
    توكلت على الله طلعت خذت رقم عند مريم و هني النطرة المحترمة لان مريم كان عندها عمليات لكن الله رزقنا بكم وحدة حليوين قعدنا نسولف انا كنت فوزية الدريع في الوسط اعطي استشارات مجانية خخخخخ وحدة منهم شكيت فيها معانا اهني بس ما تشارك وايد تقريبا انا متأكدة انها هي بس ما ربطت بين السوالف الا و انا في السيارة كونان كان راقد هناك .
    وان شاء الله يارب يرزقهم جميعا و يسيرلهم يستاهلون كل خير حبوبات تذكرتكم حسيتهم نفس طيبتكم .. و مثل ما انتوا ملاحظين اني اذا فتحت سالفة ما اعرف اسكت احب الوناسة و السوالف :35: سعات في ناس احسهم يتأذون مني خخخ خاطرهم يقولون خلاص اسكتي بس الجماعة اليوم كانوا عسل ..

    دخلت على مريم قلت اوكي يوم الخميس ارجاع بإذن الله يارب . و عطوني اكمل الحبوب الزرقا الكريهه و بديت التحاميل المثبت . :35:
    قالولي اكلمهم يوم الخميس الصبح و اسأل عن حال عيالي و بيخبروني متى اروح لهم حق الارجاع و احط تحميلة قبل ما اروح ..و اصدمتني انها بتكون مسافرة و ان ريم الكردي ..هي اللي بتسويلي الارجاع انا ادري ان ريم شاطره بس كنت ابي مريم علشان هي عارفة حالتي .طبعا قلتلها قالت انا براجع الملف اللحين مع ريم و اخبرها بس قالت انهم بيتبعون طريقة علمية حديثة اول مرة يسونها في قطر و هي طريقة
    مكان ما تدخل قط و اطلع
    و هي طريقة ما استخدمت الا في مستشفى حمد و انا اول وحدة يجربون عليها الطريقة يعني بيريحون راسهم مكان ما قدروا يحذفون الاجنة بيحذفون ما يهم يمين و الا يسار و هذي كانت وصية شحاته لهم بعد معاناتي مع الارجاع المرة اللي طافت .

    المهم طلعت رحت Bhs بناءا على توصيات بيت سعيد بس اول مريت ومين سيكريت خذت فساتين بيت و بجايم حق اسبوعين السعادة :27: و بعدين رحت bhs وكان خاطري اطول.. في اشياء حلوة و اسعارهم روعة خذت قمصان و برمودا خفايف حق البيت و بيت ابوي القميص على ٣٥ او ٤٥ جذي اسعارهم لان عندهم عرض . و رحت خذت حق عيالي بجايم و كان خاطري اوقف عند المفارش بس ما كان في وقت كان لازم اطلع علشان اوصل اخذ العيال من المدرسة .


    و بس هذي يومياتي .. عندي حالة من برود المشاعر غير طبيعية ..بس بصراحة المجمد وايد اسهل و مافيه التوتر اللي في المحاولات الفريش علشان جذي انا عندي برود ..

    دعواتكم ان الله يسير لي الارجاع و ما يصير فيني مثل ما صار اخر مرة و اتبهدل ياربي اشرح لي صدري و يسير لي امري يارب .

    و الحمد لله الذي بنعمته تتم الصالحات ..
  4. يارب ياكود يفكون بيبياتج من الثلج ويصيرون عال العال ويارب تحملين بتوام بنات يفرحون قلبج الطيب اما طريقة قط واطلع هذي احلى تقنيه عشان ماتتشوشرين يارب يارب يكون فالج الحمل وتتهنين بالاغراض والله يحقق لج ولبنات الملف كل اللي يتمنون

تابعي تجارب أخرى من هذا القسم.