بنااات و اخيرا هادي قصه ولادتي المتعبه
واللي سار معايا .... رحت الاحد موعدي وطلع الرحم مفتوح 1 1\2 سم و ليا في العاشر 4 ايام ..قالتلي خلاص بكرا 8 الصباح تعالي عشان نولدك يكون الرحم فتح اكتر افتحلك مويه الراس و اديكي طلق صناعي بس اتوقع يفتح معاكي اكتر اليوم و ماتحتاجي
و رحت اليوم التاني و على 9 الصباح جت كشفت نفس الشي 1 1\2 ادتني تحميله مدي ايش عشان يتوسع اكتر ..طبعا انا كان يجيني طلق من اول بس خفيف و يزيد شووويه شوويه عشان كدا اتوقعت انو يفتح الرحم اكتر
و بعد التحميله بدء يقوووى اكتر بس كل ما يكشفو يلاقوه ما بيفتح الا شي بسيييط كل فتره و على الساعه 5 كشفت لقيتو اخيرا 2 1\2 - 3 قالتلي يلا على غرفه الولاده رحت و فتحتلي مويه الراس و حطولي طلق صناعي و بدء الوجع يقوووووووووى.. على الساعه 6 1\2 خلااااص بدئت اتعب و ابغى انااااام اتهد حيلي من الطلق اللي شغال من 9 الصباح و اناا اصلان ماني نايمه كويس و اللي اكلتو طلعتو من الالم و اخد مسكنات من غير فايده يعني مررررره قوتي خلصت سرت لما تجيني الطلقه اقوم احط الكمامه و اصرخ اقلهم خلاااص بطلت اولد(ياريت كان كدا) و لما تروح ارجع انام
طبعا كمان هما كانو من يوم ما جيت حاطين ليا جهاز التخطيط يشوفو قلب البيبي و الطلق....شويه كدا اشوف الدنيا فجأه انقلبت...بدء قلب البنت و نفسها يبطء ...و بسرعه ينادو دكتور استشاري غير دكتورتي ...و يجي طيران و يقيس يلاقيه مفتوح 8 سم بس البيبي ما راح يقدر يتحمل التعب و شافني انا مرره تعبانه و سويتلو فلم هندي اترجاه خلااص يسويلي عمليه....و على السريع كل القسم عندي كل مين يسوي شي و شالوني على العمليات و الدكتور يقولي لا تدفعي لو جاكي الدفع(حسيت بدفعتين و مسكت نفسي بالقوه) و هناك حسيت نفسي كاني بفلم اكشن كل مين ماسكلو يد و رجل فيا و يتكلمو و يحوسو و يجرو و يضغطو و بعدين ...............
صحيت على الفلبينيه تقولي مدام كلاس بينيس ... طبعا ما استوعبت ايش هوا اللي بينيس الا لما حسيت انهم طلعوني من غرفه العمليات... و ياا قلبي اول شي سألت عنو بنتي 50 مره سألت ...لما رحت الغرفه لقيت كل اهلي هناك حالتهم حاله و شويه جابولي بنتي زينه كل الزينات ماشاء الله زي القمر الله يحفضها ليا و لابوها
و اللي طلعت فيه اني خرطي ما عندي سالفه و انا على بالي اني بطله....بس ان شاءالله بعد كدا ماني والده الا بأبره ظهر او قيصري (انا طلبت ابره ظهر بس قالولي اتأخرت ما يقدرو)
و مدري ليش انتو مهوليين القيصريه كلهم متعبين الطبيعي و القيصري ....لو على الربط و الكرشه الدكتوره قالتلي لما افكلك الجرح اربطي عادي بس لا تشدي مره على طوول..و بعد 6 اسابيع ابدئي رياضه عادي ..... على الا قل ما اتغير فيا شي من تحت (بس ما بقي احد و قت الولاده ما دخل ايده يقيس) و هدا اللي كنت شايله همه
التجمع 23 لمواليد ****اكتوبر *** نوفمبر *** ديسمبر والتباشير باذن الله
متابعة النقاش، صفحة 352