شاركي في النقاش

سجلي الدخول لإضافة تعليق.

التعليقات

70
  1. @tolynal

    ام رغدواسيل
    اناعندي 3بنات وولد واحد وحااااامل الاخ يبغى اخ لولده يعني مايشبعوا ابدا جبتي واحد حراام جيبي له اخ وسند كانه بكيفك لاتتعبي نفسك اللي كاتبه الله يجيك لو حملتي ورى بعض او ريحتي ماتفرق
    انا عندي بنتين 6سنوات و4 سنوات
    ومايجي من السماء تسعه الارض
    البنت والولد واحد
  2. @noor_34

    الحمدلله عندي 3 بنات والرابعه بالطريق

    حاولت اسوي تحديد جنس فتره طويله الله ماكتب (( كان زوجي مب راضي عليها يقول اللي ربي كاتبه يجيبه لاتطلبين شي بالقوه )) ... كل مره تفشل او اسقط ...
    وماسويتها الا بسبب ام زوجي وام يقعدون يحنون على راسي جيبي ولد
    بس كل مره تفشل
    وهالمره حملت بدون مااخطط بالعكس كنت ابي ارتاح من العلاجات وغيرها ...

    لكن ربي كتب لي الحمل بالبنت الرااابعه

    ولله الحمد والشكر اولا واخيرا ... كنها رساله من رب العالمين ان الولد ممكن يكون لي نغمه سعيت اني احصل على الولد لكن ربي ماكتبه لي

    وبرمضان كنت اقول اللي فيه خير ربي يكتبه لي وكتب لي البنت عساها خير وبركه

    والحمدلله انا وابوهم مقتنعين جدا فيهم وفرحانين فيهم وااااايد عسى ربي يطرح فيهم البركه

    وبيني وبينكم

    (( ودي اجيب 6 بنات )) >>> والله شاهد ان هذي رغبتي

  3. @koytyh79

    شوفي اعرف وحده عندها 8 اولاد وما عندها بنات والله طاح زوجها بجلطه وحطوه بغرفه على جنب الصاله واقسم اني اذا مريته قلبي يعورني محد يمره لاعياله ولا احفادة ولا حتى ام عياله بس اخو له بمنطقه بعيده يمره كل فتره ومات على يد ((الصبي)) يعني الهندى ماله اسعفة للمستشفى ودق عليهم وقال بابا موت ما انفعوه الثمانيه
    والحين اذا حرمة ولدها جابت ولد اذبحت عقيقه واذا حفيدتها بنت وزعتها صدقات شوفي المفروض انها تحب البنات لان ما عندها لكن هذا نقص وقلت ايمان بالحريم
    يارب يرزق كل محرومه من البنات بالبنت ومن الاولاد بالولد ومن الاثنين بالتوأم يا رحم الراحمين ويكونون باريييين فيها
  4. @tranym_alofaaa

    الله واخير سار عندنا تجمع والله الناس ماهموني اهمشي نفسي ودي بولد عشاني وزوجي وبس

    والناس مالهم دخل كانهم بيربونه معاي

    انا ضد ان الوحدة تحمل وري بعض لازم يكون بينهم فترة ترتاح فيها اقل شي 3 سنوات

    انا كان عندي 3 بنات وبينهم 3سنوات وماتت وحدة والله اني حالا افكر بالحمل

    مع ان الناس استغربوا مني يوم اخذت حبوب منع حمل بعد حملي الاخير جبت بنت وماعاشت الا 3 اسابيع

    كل مااتكلم عن الحبوب يبقبقون عيونهم يقولون على بالنا بتحملين على طول

    خيرررررررررررر ان شاء الله توني نفاس وماني مستعدة لا جسميا ولا نفسيا

    والان بعد 7 شهور افكر بالحمل باشاور زوجي واشوف

تابعي تجارب أخرى من هذا القسم.