شاركي في النقاش

سجلي الدخول لإضافة تعليق.

التعليقات

2,084
  1. @zynb_abrahym_1

    توتا
    تروحي وترجعي بألف سلامة
    متنسيش الكمامات والديتول الجل خليه معاكي على طول
    وفي سجادات صلاة صغيرة ياريت تخدي منها
    ال3 حاجات دول مهمين
    وخلي بالك كمان يكون معاكي جاكت
    الأمر مايسلمش وأنت في منى بيكون بالليل الجو ساقعه
    خديه احتياطي
    وزوجك كمان كده كده هايتحلل أول يوم العيد ويقدر يلبس مخيط
    حج مبرور وذنب مغفور
    طبعاً الدعاء يوم عرفه موصكيش
    وأنا اسمي زينب فعلاً
    ولو عايزه اسم مامتي ابعتوهولك هههههههههه
    لو عايزه نصحتي
    صنفي البنات عشان متنسيش حد
    يعني اللي الحمد لله ربنا كرمهم بالأطفال
    ريمو -- مسلمه ---شوشو --كوكر --- مشمشة----- وهكذا
    والحوامل بفضل الله
    أم اياد -- أم أنس -- بوبا --
    واللي بيجهضوا
    زيييييييييييينب وتوفي وطمطم -----
    واللي منتظرين فرج ربنا
    اوكسي--دوعه ---نيفو --نانوسه--نادو--مصريه--عزيزه--
    وكده يعني طبعاً دي امثله حاولي تكمليهم
    وربنا يجعلك بكل دعوة بظهر الغيب دعوة من الملائكة بمثلها يارب
    يارب يارب ياتوتا ترجعي بالسلامة وربنا يرزقك بتوأم صالحين معافين آمين
  2. @zynb_abrahym_1

    بتدقة حمد الله على سلامتك يا قمر وسلامة جوزك
    الكلوجوفاج بيعمل كده في الأول بس
    معلش استحملي شويه وإن شاء الله كله هايبقى تمام
  3. @zynb_abrahym_1


    أما بقى عن أخباري
    اليومين اللي فاتوا كنت تعبانه أوي
    المغص مبيفارقنيش حتى مع المسكنات
    وكل شوية أدوخ واترمي على الأرض
    وكمان زاد الدم اليومين دول
    بس الحمد لله أنا حاسه إني النهارده قايمه أحسن
    ربنا يعدي الأيام دي على خير يارب
    وامبارح اتعورت بالسكينه تعويره صغيرة
    نزلت دم بالهبل
    بس أنا عارفه ده م الهيبارين
    بس حسيت إن اليومين اللي فاتوا دول دمي اتصفىىىىىىىىىىىىى
    والغريب إنه نازل زي الميه بالظبط خفييييييييييف ولونه بمبي
    عشان تعرفوا أنا دمي أخف من نيفو ههههههههه
  4. @mikomiko

    زينب: ازيك يا قمراية.
    شيمو. ازيك انتي كمان.
    علي فكرة عايزة اقولكم حاجة الاحسن انكم تبقم عايشين في غربة ومن حاسين بوحدة عن انكم تبقوا عايشين في وس ناس و برضه حاسيين بغربة او انكم لوحدكم. انا ساعات كتير بحس بكده.
    ححكيلكم موقف, احنا اربع اصدقاء طالعين مع بعض من المدرسة, يعني حوالي 25 سنة صداقة. بعد الزواج 2 سكنوا في المعادي و اختي سكنت في المقطم و انا في حدائق الاهرام. واحدة صحبتنا من اللي سكنوا في المعادي من اول ما حملت في توائم كانت علي طول انا تعبانة انا مش عارف ايه (هوا نوع من الدلع) و احنا كنا علشان نريحها كنا ساعات كتير نروحلها البيت, ده لدرجة انها ماجتش تباركلي في البيت علشان الطريق وبعد كده الاقيها و هيا في السابع و كانت كل شوية تقول الدكتور قال مافيش حركة و هيا اول تلات شهور حمل اخدت اجازة من الشغل و رجعت شهر و اخدت اجازة تاني للولادة و راحت مسافرة الساحل و تروح هنا و هنا, طب منين تعبانة وكده و كل مانيجي نخرج تقول مش قادرة اخرج, تعالولي البيت و مش عايزة اقولكم المشوار من المعادي للحدائق قد ايه و ساعتها ماكنش فيه وصلة الدائري الجديدة, يعني كنت اخد الدائري بتاع المعادي و انزل عند القرية الفرعونية و بعد كده اروح المهندسين و اخد الدائري بتاع المهندسين علشان ارجع او اخد الدائري بتاع المعادي و انزل نزلة المريوطية و اخد شارع الهرم بغلاسته و بعد كده اطلع حدائق الاهرام. كنت باجي علي نفسي وامشي الطريق ده بليل علشان اقابلها و نريحها و افوجاء انها طلعت الساحل او انها نزلت السينيما و حجات كده. طبعا اتفقعت. الموقف الجديد.ان صحبتنا التالتة معاها عربية بسواق وهما كلهم حيجولي يوم السبت لاني بقالي سنتين متجوزة و لسه ماجتش تباركلي!!! وهيا مخلفة من اكتر من سنة!! يعني حجتها الطريق خلاص انتهت, فكمت صحبتي اللي معاها سواق و قولتلها ممكن تاخدوا اختي معاكم و هيا حتجيلكم من المقطم للمعادي و تركب معاكم لان المسافة بعيدة عليها و هيا عندها 2 انزلاق غضروفي قالتلي مافيش مشكلة. الاقي اختي النهاردة تكلمني متضايقة جدا, ان صاحبتنا اياها كلمتها و قالتلها انها حتيجي مع صحبتنا اللي معاها سواق و حتجيب ولادها معاها (عمرهم سنة) فالعربية حتبقي زحمة و انتي بقي شوفي حتيجي ازاي!!! تخيلي؟ ده اختي كانت تبقي ماشية من شغلها في نفس خروج البنت ديه تروح واخداها موصلاها المعادي علشان ماتقفش تستنا تاكسي و بعدها تطلع بيتها في المقطم و ساعات كانت توديها المعادي عند مامتها علشان تاخد ولادها من عند مامتها و ترجعها بيتها جوه في المعادي و بعد كده اختي تطلع المقطم. يعني كانت بتشتغلها سواقة, يبقي ده جزاتها في الاخر. مش عايزة اقولكم صعبت عليا قد ايه........
    واسمها عشرة عمر... لا حول ولا قوة الا بالله العلي العظيم.....
  5. @mikomiko

    شوفتي يا زينب اللي بقولك عليه, اهيه ام دود ازاي عايشة بين اهلها وحاسة بالوحدة. ده اصعب حاجة.
    ميزو: سلامة احمد.
    انا نفسي اسافر علشان ابعد عن الناس شوية لان القرب منهم ساعات بيعل مشاكل بين الزوجين و لما نبقي لوحدنا الحال بيبقي احسن. بجد كتير جدا لما بنرجع من عند حماتي بنكون شادين, لدرجة اني اتخنقت من المرواحة ليها.

تابعي تجارب أخرى من هذا القسم.