شاركي في النقاش

سجلي الدخول لإضافة تعليق.

التعليقات

2,134
  1. @dhkt_bnty

    الله يتمم عليج على خير ويثبت حملج وتعدي العملية على خير ونفرح بخبر حملج بعد اسبوع لانه انتي اكيد من بكرة راح تبدين تسوين تحاليل بس امانة لا تسوي الا لين تخلصين 8 ايام عشان احسن لج والنفسية ما تتعب ذكرتيني يوم سويت تحليل في اليوم السابع تحليل في البيت ونطرت عشر دقايق وماطلعت النتيجة ورميت التحليل في الزبالة وزعلت وقلت مافي حمل وتميت اتقلب على السرير لين ما نمت كنت مسويه التحليل 9 الصبح ولين قمت الساعة 3 رحت الحمام كرمج الله فقلت بشوف التحليل وطلعته من الزبالة والصدمة انه طلع خط خفيف ما صدقت نفسي الحمدلله على هذي النعمة والله يرزقج انتي وكل خواتي بالذرية الصالحة


    كود اليحن لازم ندلعج انتي الوحيد الحين الي مرجعه
  2. @dhkt_bnty

    وااااااااااااااااو
    ان ضحكني الحمد لله من اخلص دوامي السعة 3 اوصل البيت 3وتص والله يعني على السواقة ارقد بنتي واتغدى واصلي بعدين انام لين 6 ونص ومن بعدها ارقد على الكرسي لين الساعة 12 او وحدة لين بنتي تبي تنام ارقدها واروح انام \



    انتي اخبارج حياتي
  3. ضحكت بنتي
    الله يتمم عليج على خير ويثبت حملج وتعدي العملية على خير ونفرح بخبر حملج بعد اسبوع لانه انتي اكيد من بكرة راح تبدين تسوين تحاليل بس امانة لا تسوي الا لين تخلصين 8 ايام عشان احسن لج والنفسية ما تتعب ذكرتيني يوم سويت تحليل في اليوم السابع تحل…
    الحمد لله كما ينبغي لجلال وجهك و عظيم سلطانك ..
    الحمد لله حمدا طيبا مباركا فيه ..
    الحمد لله الذي يسير لي هذا و لولا فضل الله و رحمته ما تيسر امري .


    عدت مرحلة و لله الحمد و باقي مرحلة :27:
    رحت الساعة تسع اليوم و دخلت و لبست فستان العرس مال العمليات و شربت ماي لين ما طلع من جبدي ..و زفوني الممرضات لغرفة العمليات ..
    هناك شفت الدكتورة ريم و عرفتني بنفسها ..
    طبيب الاجنة جاني و قالي فكينا ٣ كم تبين نرجع قلت اكيد ٣ خخخ ضحك علي ..
    المهم جات الدكتورة و قالت انتي رحمج يمكن ما يتحمل ٣ لو صار حمل ثلاثي ..
    و طبيب الاجنة قالي ان كلهم وصلوا مرحلة المضغة فرحت لما قالي جذي قلت قالولي ان ما كانوا مضغة قال لا احنا اصلا جمدناهم مضغه قالت ريم اصلا مع المضغة فرصة الحمل اكبر فممكن يصير ٣ قلتله كم درجتهم راح و رجع قال برجع لج ٣ لان واحد ممتاز ما شاء الله وواحد درجة ثانية وواحد مب وايد زين بس بنرجعه ..المهم الله يسير لي و ما شاء الله عليها ريم شااااااطره و حليوه نصيحة اللي تحصل فرصة تتابع عندها لاني حسيتها متمكنة قلتلها انا من كم يوم اقول مابقى الا ريم ما جربتها قالي مال الاجنة صدقيني ما راح تندمين و فعلا الله يحرم ايدها على النار كانت ممتازة .و قلتلها قالولج على المشكلة اللي صارت المرة اللي طافت قالت اي مريم كلمتني و قالتلي على حالتج . و طلبت منها اسبرين و كتبت لي قالت حبة بعد الاكل .

    و الله يابنات كان خاطري احضن كل اللي موجودين من الفرحة يوم خلصت و اكيد قبلهم الحمد لله رب العالمين ..

    و اللحين بديت العد التنازلي ..خاصة انهم رجعوا الاجنة مضغه يعني مب محتاجين انقسامات خلاص تقريبا مفروض اليوم او بكرة ينغرسون في الرحم ان شاء الله يارب .


    ضحكت بنتي انا اصلا ما احلل الا عاشر يوم في كل المحاولات و سالفة التحليل اللي صارت معاج صارتلي في ولدي نفس الشي طلع الخط متأخر بس هالمرة يمكن احلل بعد اسبوع لان المفروض الاجنة اكبر و النتيجة تطلع اسرع لو في شي ان شاء الله ..يعتمد اشكثر راح اقاوم:35:

    وايد متفائلة و وايد نفسيتي عالية الله يديمها يارب ..
    و الحمد لله اولا و اخيرا ..


تابعي تجارب أخرى من هذا القسم.