السلام عليكم ورحمة الله وبركاته
كيفكم ياأحلى حوائيات ان شاء الله كلكم طيبين وبصحه وسلامه سامحوني من زمان مازرت المنتدى لأنه حاكمتني ظروف اشتقت لكم كثيرا
اليوم جايبه لكم موضوع غريب من نوعه اتمنى انه يعجبكم .
في يوم رحت عند احدى صديقاتي وكنت اول مره ازورها بعد جهد جهيد مع الوالد لأنه عنده عيب البنت تزور صديقاتها كان دايما يقولي هما يجوا انتي تروحي :mad:لالالالالالالالالالالالا اوامر وعلينا تطبيقها الله يعين.المهم مااطول عليكم السالفه وجلست انا وصديقتي وتقهوينا واذن المغرب وطبعا ابغى اصلي وكالعاده انتظر تجيب لي سجادة الصلاه وانتظر وانتظر الا هي تقولي تعالي معايا استغربت وقلت يمكن تبغاني اصلي في الصاله المهم الا تفتح باب غرفه من الغرف حقتها واي الاقي ؟؟
شنو تتوقعون؟؟؟
طولت عليكم السالفه ههههههههه سامحوني زمان عنكم يابنات الاقي مسجد صغير نعم مسجد صغير اكيد الكل استغرب يعني مصلى فارشته فرش مساجد ومسويه ركن حاطه فيه قرآن وكتب دينيه وكتب اذكار وشرايط قرآن ومسجل صغير حقا فكره اعجبتني كثيرا واستغربت منها قلت لها ليه مسويه كده قالت بيتي كبير 6غرف وصاله مسويه مجلس رجال ومجلس حريم وغرفة نومها وغرفة جلوس وغرفه لعيالها قالت فكرت وفكرت ايش اسيوي الغرفه واستفيد منها قالت قلت لزوجي مسجد صغير قام ضحك عليها وقال لها ويجوا الناس ويصلوا عندنا وانا اصير الأمام هههههههههههه ثم اخذ الفكره بمحمل الجد وقالت له نفرش فرش مساجد واسوي ركن احط فيه الكتب والشرايط ووافق ابو العيال :27:الحرمه يطلع منها كل شي ههههه لكن لااستطيع ان اوصف لكم شعوري يابنات لما دخلت الغرفه والله راحه نفسيه كبييييره حتى ريحة الغرفه زي عود المساجد حتى لما صليت حسيت بخشوع مو طبيعي ولما سجدت كسبت مني دعاوي كثيره الله يجزيها خير على الفكره الرائعه حتى اني قلت لها خلينا جالسين هنا من كثر الراحه اللي حسيت فيها قالت لي انا كمان جيرانها في رمضان كانوا يجون عندها ويصلوا التراويح واوقات اللي زوجها بالشغل يستأذنوها يصلوا مع بعض جماعه صارت مسويه يوم بالأسبوع حلقة ذكر حتى اهالي جاراتها صاروا يجوا حلقة الذكر وانه بعض جاراتها لما تكون متضايقه دق عليها طبعا مو في الليل وتقولها ابغلى اجلس في المصلى قليلا تصليلها ركعتين وتبكي وتريح نفسها وتخرج كم اكتسبت من الأجر صديقتي هنيئا لكي ياصديقتي على المصلى الله يسعدك فيه ويوفقك .
فقلت ياليت كل وحده فينا عندها بيت كبير مو صغير زي حالتي لما اتزوج اكثر من 3غرف مافي المهم وللي عندهم فلل وغرف زياده ياليت تفكر في الفكره هاذي اوحتى لو نسوي ركن صغير نحط فيه كتب دينيه وقرآن وسجادة صلاة اساسيه ونحط ريحة عود يعني نشعر انا وانتي فيه بالراحه والخشوع اكثر ان شاء الله يكون الموضوع عجبكم وارجوا تقييمي على الموضوع والفكره اذا عجبتكم واعطوني ارآكم ياعسولات.
شاركي في النقاش
سجلي الدخول لإضافة تعليق.
التعليقات
282مواضيع مشابهة
تابعي تجارب أخرى من هذا القسم.