شاركي في النقاش

سجلي الدخول لإضافة تعليق.

التعليقات

13
  1. @almslmh

    ياعيوني عندك حملة الجميعة فية ناس اعرفهم حاجين فيها ويمدحونها كثير
    والقرشي بس غالية
    وفية رقم مجاني للحملات اذا تستفسرين عنهم
    1- انصحك بشي مهم انك تكونين على بينة في كل شئ يعني امور الحج كلها من واجبات وراكان وغيرها تكونين فاهمتها زين وبالترتيب
    حتى ما تقعين في محظور او شئ لاني انا شوي تمشكلت في شئ لان ما كنت على علم فية
    يعني افضل شئ انك تقرين كتب الحج وتفهمين كيف الطريقة زين
    2- اي اشكال عليك في اي امور الحج على طول اسالي شيخ الحملة حتى ما تتحسفين بعدين تعرفين حجه الفرض مهمه
    3- تعرفي من خلال قراتك في الكتب على السنن الي يعملها الرسول حتى يتضاعف اجرك مثلا في صلاة الركعتين بعد الطواف خلف مقام ابراهيم تقراين فيها سورة الاخلاص والكافرون
    وبعد رمي الجمرات يشرع طريقة وكذلك الوقوف له طريقة يسن فية الدعاء
    يعني فية اشياء كثيرة حاولي تفهمينها زين
    4- حاولي انك تسجلين كل شي في نوتة معك في الاعمال الي تسوينها
    5- لا تظيعين وقتك بالسواليف حاولي تستغلين وقتك بالقران انا خسارة راحت معي اختي تمنيت انها ما راحت معي افضل شئ تكونين لحالك ولا تنسين توترين وتقومين الليل كل ليلة لا تفوتينها ابدا وخاصة ليلة عرفة
    6-يوم عرفة بعد صلاة العصر على طول خذي سجاتك وافرشيها وانتي طاهرة واجلسي ادعي وادعي بحظور قلب (وادعي لي ربي يفرج همي ) حتى ياذن المغرب وفية اذكار يسن قولها مثل : لااله الا الله وحدة لا شريك لة له الملك و له الحمد وهو على كل شئ قدير
    7- خذي معك ملابس كفاية خارجية واسعه ومريحة وداخلية طويلة حتى ترتاحين مع كثرة المشئ ولبس حلو ومرتب ليوم العيد وشراب وجزيمة مريحة ومقص للتحلل ومعجون وفرشة ومسواك وفوط وصابونة بدون ريحة لان ما يصلح تستخدمين العطر وانتي ما تحللتي ، فية صابونه غير معطرة تلاقينها عند الصيدلية
    8- واكثري من الاستغفار والذكر وخاصة وقت السحر
    9- اهم شي انك ما تغضبين وما تجادلين احد ولا تغلطين على احد ولا تطولين الناقش في اي امر دنيوي يعني حاولي تمسكين نفسك وتكونين خلوقة مع التعامل مع الاخرين بقدر المستطاع ولا تجعلين الشيطان يتغلب عليك لان الحج بلا رفث ولا جدال
    10- تجدين التوبة يعني انتي الان على اكرمك ربي بالحج والحج يجعل المرء يعود كما ولدتة امة يعني من غير ذنوب وبذلك عليك وانتي في الحج تعزمين على التوبة بصدق واصرار على اي ذنب كنت تسوينة يعني تحاولين تجعلين حجك يغير من حياتك للافضل مثلا تتركين المعاصي وتحاولين تبداين في عمل الصالحات ولازم تتغلبين على الشيطان وتنتصرين علية يعني حققي شروط التوبة من الندم على مافعلتية والعزم على عدم العودة والله يتقبل توبتك وتاكدي انك اذا رجعتي بتحسين براحة وانك بتطورين من نفسك لفعل الخير وطلب رضا الخالق وهذا اهم شئ بالدنيا ، انا اتمنى احج واغير من نفسي احس انها انطلاقة لبداية لطريق الخير بس هذا ما يمنع التوبة في اي وقت واي مكان والله تواب رحيم
    11- عليك قبل ما تروحين الحج انك تأدين حقوق الناس والتحلل منهم يعني فكري في اي دين او سلف وحاولي تردينة قبل ما تروحين واي قطيعة رحم تحاولين تصلينها واي تباغض مع اي مسلم تحاولين تزيلينة والله يرجعك للاهلك سالمة غانمة يارب وجيمع المسلمين
    والله يتقبل منا ومنك صالح الاعمال
  2. @alshrok

    انا ابغ اقول علي حمله مخيم النور رائععععععععععععععععععععععععععه في جده 6399993اختي حجت فيها تقولللللللل رائعه(لاتنسينا قولي الله يحسن وقوفك امام الله في الدنيا والاخره يام فيصل ويحسن اخلاقي وشكككككككككككككككككرا
  3. أختي الأخوات كفوا ووفوا ..
    بس عندي ملاحظة هي المجادلة ..لا تجادلين أبداا في أي شيء ولو كنت على حق ..
    وحتى الجدال في البيع والشراء ..لا تكاسرين في السعر وايد ..وبالذات لو شارية شيء في عبادة ..مثل المصاحف .. ونصيحة اشتري مصحف وحطي في الحرم وتكسبين صدقة جارية بإذن الله ..

    والشيء المنتشر بين الحريم كثرة الغيبة ..يغتابون بعضهم البعض ..

    والشيء الثالث كثرة الدعاء للناس ..في يوم عرفة ..بأن يغفر الله لهم ..لأن الملك يقول ولكِ مثل ذلك ..

    وأخيرا .. الله يتقبل منكم الحج ولا تنسينا من دعائج
  4. وأنا برضو نصيحتي إنك تبتعدي عن الكلام مع الحريم وتتفرغي للتسبيح والدعاء وقراءة القرآن..

    والأشياء اللي تاخديها زي مااتفضلوا الأخوات،، أدواتك الشخصية(كأنك مسافرة ،،كل شي تاخديه معاكي في السفر) باضافة لشرشفك وسجادتك ومصحفك ومخدتك وبطانيتك،،،

    على فكرة ،، أنا مو السنة اللي فاتت حجيت لأ اللي قبلها بس كان الجو جدا بارد شرشفي متين ومادفاني كفاية،، يعني خدي احتياطك من ملابس تدفي وبطانية شوية متينة،، وطبعا لا تنسي فيتامين سي وستربسل (حلاوة الحلق) أو حلاوة فكس ومسكن ألم (الله لا يحوجك لهدي الأشياء بس الاحتياط واجب) وعلى فكرة خلي ملابسك تكون مريحة يعني لاتتكلفي في الملابس...

    <<< لاتسوي زيها على بالها رايحة عزيمة،، استغفر الله راحت تستعرض ما راحت تحج..

    وعن الحملات اش ماكان اختيارك المهم تستخيري قبل ما تشتركي فيها..

    الله يتقبل منك ولاتنسي أختك المحتاجة دعاءك من دعواتك..
  5. @am_yosf_5

    ياعمري دخلت ابي اساعدك بس انا ماني من جده

    لاتنسيني من دعاؤك
    والخواااااااااااااااااااااات ما قصروا كفو ما خلو شئ اقوله

    تروحين وتردين بالسلامه

تابعي تجارب أخرى من هذا القسم.