كيفكم ياصبايا <<<<مصدقه اني من الربع الحلوين
ان شاء الله انكن طيبات وبخيير
ياحبي لكم والله انكن شقرديات
راعيات فزعه
شقرديه في اللغه العربيه <<المراه التي تنفع خويتها وتبرد خاطرها
\
المهم ياحبيباتي
المشكله اللي اعاني منها بنتي \رجاء رجاء ركزوا عدل عدل
لا احد يقولني كلام ما قلته وابي حل اهم شي الحل جد بنات ابي اطلع بنتيجه الله يارب من بردت خاطري ذا الليل جعلها تشرب من نهر الكوثر يارب مع من تحب
ياخواتي جد والله اني اتعب معها
الله يصلحها حالتها غريبه والا احكموا
البنت تدرس 5 ابتدائي
بنتي الوحيده
تحب البنات اللي احوالهم الماديه تعبانه
طبعا احنا نفس الحكايه ماديا عادييين جدا جدا
يعني عايشين مستورين
لكن تحب البنات اللي مره مره ماديتهم دمار ولا تاخذ فسحه كثيير طبعا شرف لي انها تمشي مع ذا البنات لا نهم مؤدبات ومحترمات لكن فيه بعضهن شيعيات واحنا الشيعه عندنا في المنطقه على قد حالهم ماديتهم دماااار وهذا اللي رافع ظغطي مقدر اقول شيعيه اخاف على بنتي وتسوي زوبعه في المدرسه
المشكله مش هذا شريت لها شنطه حقت هذي السنه ولا داومت فيها كله تعتذر بسبب
لما اشتريت لها جزم اكرمكم الله والله انها رفضت راحت السوق مع ابوها وشرت جزمه سوداء ما فيها اي موديل من محل بسطه
ياربي والله ان دموعي نزلت ما ادري خايفه عليها رحت مره لها في المدرسه بنات انصدمت ماقالت لي عن مجلس الامهات لا يوم شفتها البكل والحركات اللي في شعرها فاكتها بغيت اموووت شكلها مرره بسيط
وانا لابسه وكاشخه تخيلوا انصدمت ماتت يوم شافتني تدرووون ليش
ماتبي تحسس اللي معها يعني صديقاتها ثنتين على قد حالهم والله اني مبسوطه خااصه هم عاقلات ومحترمات وبنات متربيات
بس بنتي غريبه انا اخاف عليها وجارتي قالت اعرضيها على دكتور ؟؟؟؟
شدعوه احس ما يستدعي
امانه احد مر عليه مثل بنتي خاصه انها وحيدتي والبنت تكبببر وانا افكر فيها
شاركي في النقاش
سجلي الدخول لإضافة تعليق.
التعليقات
28- بنتك طبيعيه
اذا كانت بالمدرسه مع صديقاتها
وبالعكس هذا شي حلو في شخصيتها
اتركيها على راحتها بس لاتتعمق قوه بالصداقه علشان المذهب
بس اذا كان هذا طبعها حتى في المناسبات العائليه والاعياد فهذي مشكله
وان شا الله ماتكون كذلك ، واذا كانت كذلك خبريني اشوف لك رد ثاني - الله يحمي لك بنتك وتتقبل وضعها وضعا صديقتها وتعيش على وضعها الطبيعي
- حبيبتي
بنتك انسانه
يالله وش كثر هالكلمه صرنا مانحس فيها
بنتك انسانه كلها احاسيس وكلها شعور
بنتك ينضرب المثل فيها بصراحه بالحب والتأخي
بنتك ماعليها اى خوف ابدا بالذات انها تراعي مشاعر الاخرين
وتبي تكون حالها حالهم من الناحيه الماديه.
وترى الاطفال مايعرفون شيعه وسنه .
هم اطفال صغار مايعرفون غلى اللعب والصداقه.
اتمنى تصقلين هالصفه الحلوه في بنتك .
ولا تنمي بقلبها الغرور والكبر او الكرهه للغير.
هم غيرنا صحيح لكن مدامهم ماكلموها بهالسوالف
حقت شيعه وسنه هي تعتبر بأمان ان شاء الله.
الله يحفظ بنتك يارب وخلي كشختها ولبسها في البيت او اذا
طلعتوا عن الاصدقاء والاهل وفي المدرسه خليها براحتها - هذي صفه حلوه فيها تحب ماتحرج غيرها
وتحسسهم انها افضل منهم
الله يخليها لك ان شاءالله - الله يهديك مافيها الا العفيه بالعكس افخري فيها وتقربي من الي تحبه الله يحفظها
مواضيع مشابهة
تابعي تجارب أخرى من هذا القسم.