ياحليل أسواق أول ولبس أول

عندنا مناسبات في اجازة الحج
وأمس رحت للمول قلت أتنقى على كيفي وأدور على المحلات محل محل
وأشوف الفساتين الجاهزه:icon28:

دخلت بحدا المحلات مسكت تنوره عاديه جدا ولافيها شي...
ساده
تقولين قطعة قماش مخيوطه الا اللهم ازارير من ورا........
الا بسم الله علي يجي البياع
قال: هايدي القطعه جايه عليك تمام وسعرها كتير حلو ومخفضين عليها من شانك!
<< كنه يعرفني :mad:
قلت : اخلص بكم؟
قال: هايدي ألف واتلات ميه بس!!

مسكت قلبي وانا ارتجف وربي ماتستاهل ولا 100
والله بذيك اللحظه جاني شعور
ودي أطخّه بأكبر ماعندي!!
تقولين داخله محل مجوهرات!!
8
8
8


طلعت وأنا متضايقه دخلت على محل أحذيه وأنتم بكرامه
شفت جزمه عاديه جدا موب هذاك الزود
قلت بكم؟ قال: ماما هازا آخر موديل وعليه كصم كمسين بالميه

قلت طيب بكم؟ قال 470 بعد الكصم

قلت: هاه؟ قصدك 470 هلله؟
قال: ماما أيس هلله هازا مهل ماركه وكله بيع سعر الجمله
سعر سوا سوا راس مال!!

قال أيش قال ماركه!!
الكعب مرصع بالذهب والجواهر مثلاً؟؟!
أجل قبل الخصم 940 :09: يالله إني داخلتن عليك!
8
8
8
دخلت على محل اكسسوارا وأخذت شباصه مابها زود عن اللي عند ابو ريالين
قلت : بكم؟

قال: هذا عليه خصم 70%
ويجيب الحسّابه طق طقطقطق <<كن عندي علم!!

قال: هذا بعد الخصم 180 ريال بس!!

هااااااااااااااه؟؟؟؟

وش السالفه وش فيهم الناس



8
8
قسم بالله طار عقلي وش شايفيننا ؟ كن يصرف لنا رواتب!!
بس بينهبون والا عندهم ان السعودي تاجر
الاسعار كلها دبل
آخرتها رحت للبوفيه ابي ابلّ ريقي
وقلت: واحد شاورما و2 ببسي <<ترا لزوم اخذ 2 ببسي علشان السعر يصير 3 ريال هع...
المهم عطيته : 5 ريال
على خبري الشاورما بريالين والببسي 2 بثلاثه
الا ويقول ماما باقي 3 ريال
قلت: هاه؟ خير ان شاء الله؟
قال : شاورما 4 ريال وببسي 1 بريالين!!!!


8
8
أتوقع الله اعلم إن البياعين يدبلون الاسعار علشان ياخذون بخشيش بدون مايدري صاحب المحل!!



وقفه بسيطه:

ودي أعرف الملابس المعروضه في المولات
فيه أحد يلبسها؟
استغفر الله
الله لايواخذن <<أدري بتقولون وين هي فيه هذي أكيد من العصر الحجري!
بس صدق
أشوف ملابس مشرشبه ومتعريه وخيوط نازله وسلاسل طالعه
واليدين ماعليها شي والرجلين ماعليها شي والصدر ماعليه شي والظهر ماعليه شي
والسرّ شفاف !!

حشا موب لبس للستر ذا.........
يازين الحلال بس وربي راحه وطهر وحيا...
8
8
8
مره أمشي انا واختي في حدا المولات الا اشوف شي معروض من برى
مدري وشو
مدري فستان والا بدي والا بنطلون!!
شكله متعبّط
وقفت عنده 10 دقايق أفكر وشلون ينلبس!
بصراحه اذا شفت هالمنيكان أقول المفروض يحطون كروكي
كل لبس وشلون يلبس كككككك
8
8
استغفر الله الله يستر علينا وعلى بنات المسلمين
ولايبلانا ويعافي كل من ابتليت بالتفصخ واللبس العاري...:(



سلامتكم