عطوني حل في زوجي اللي مايغير

السلام عليكم

انا حابه ادخل في الموضوع على طول

انا مشكلتي زوجي مايغير علي ابدااا

انا عارفه تقولون احمدي ربك المشاكل ماتجي الا من الغيره
لكن والله لو تجربون الحياه بدون غيره وش لون هي سقيمه ومالها معنى

انا اخوي كان غيووور مره علي قبل مااتزوج وكنت ابكي من غيرته الزايده
لكن والله اللحين احسها جنه جمب برود اعصاب زوجي

بالتلفزيون اذا جات بنت حلوه ينجن ويوصفها وصف لي كاني مااغير مثله
واذا جاء ولد حلو امدحه يقول ماتنلامين ويمدحه معي وانا اعصابي بتنفجر وهو موب حاس

تعبببت والله منه

ابي احرك غيرته باي شي الصيدليه اللي جمب بيتنا الدكتور اللي فيه وسيم مرره دخلت مع زوجي الصيدليه وشفته قلت لزوجي ماشالله وش هالدكتور يرد علي يقول والله انك صادقه ماشالله وسيم

وكل مره بيروح الصيدليه ياخذني معه عشان اشوف هذا الدكتور:icon33:

كرهت حياتي
احيانا احس مايحبني لاتقولون ثقه على الاقل يغار اني امدح رجال جمبه

ويوم كنت بشهر العسل كنت متحجبه يعني وجهي كاشفته وشفنا خويه
وطوووول الرحله مقهور شلون شافني خويه وهو ماشاف زوجة خويه

يعني مو غيران علي بس مقهور ان خويه شافني وهو ماشاف زوجة خويه

انا اعترف هو حنون علي ومايقصر معي في شي لو اطلب المستحيل يجيبه لي
بس في هذي النقطه متعبتني

ماشالله حياة امي وابوي على كبر سنهم ف الاربعينات الا انه يغار اذا شافت رجال حلو او رفعت عينها عليه امي تقول انا مبسوطه من غيرت ابوك احس انه على هذا العمر مازال يحبني ويغار علي واني مازلت مراه مرغوبه
وانا من اول ماتزوجني ماعمره حسسني بهذا الشي

والله بمووووت قهر
حياة المره اذا ماعندها زوج يغير عليها شوي ويحسسها بانوثتها وقيمتها عنده والله مثل القبر

طبعا عكسي تماما انا غيووووره مررررره عليه لدرجة الشك احيانا اراقبه واراقب نظراته لانه ماتفوته بنت الا وجاني يركظ ويوصف لي البنات كاني واحد من الربع مو زوجه تغار اصلا يستغرب اذا قلت لاتمدح البنات قدامي

والله تعبانه نفسيا


اللي عندها حل بلييز لاتبخل علي

29 تعليق 9,569 مشاهدة

شاركي في النقاش

سجلي الدخول لإضافة تعليق.

التعليقات

29
  1. @msz_dloaah

    اسمحي لي حبيبي
    زوجك غريب الاطوار .. اول مره اسمع برجال كذا
    الواحد اذا ماغار على زوجته بالله على منو يغار
    على بنت جيرانهم.. لازم لازم تفهميه انو كذا مايصير
    او يمكن قلبه مافيه غيره من الاساس
  2. @skyn_1

    انا اشوف الغيره تسبب مرض

    لاتشكين انه مايحبكـ بالعكس يمكن نشأته كذا انتي ساعديه بكلامكـ واسلوبكـ وراح يتغير بإذن الله

    الله يرزقكـ ماتمنين فيه يااارب
  3. @mshaaar_kthab

    الغيره حلوة انا مثلك احس زوجي مايغار علي

    بس مو مثل زوجك طبعاً

    ودايما اقوله انت ماتغار مايرد علي

    والله يعيننا على الرجال
  4. @ansh_mnshn_obs

    يمكن مايحب ينكد عليك وماشاء الله انى كاشفه وجهك متعود يعني ان وجهك مكشوف وش الجديد
    اختى الشيطان قاعد يخرب عليك قومي اقري لش قران احسن لك

تابعي تجارب أخرى من هذا القسم.