فلنعش هذه اللحظه بكل مافيها(حمله ستغير فيك الكثيربأذن الله)هناالردود والنقاش

متابعة النقاش، صفحة 146

شاركي في النقاش

سجلي الدخول لإضافة تعليق.

التعليقات

896
  1. ابشرك اختي لاوسي استفدت كثيرا من الحمله احسست بااختلاف كبير من بعد مااشتركت فيه كل ماحصل لى موقف تذكرت الخطوات فى الحمله اصبحت كلماتك راكزه فى ذهني كثيرا حاولت ان افيد من حولى والله انهم استجابوا وبدواء فى التغيير اللهم انك تعلم اني استفدت وفدت فى هذا الحمله وفق اختي لاوسي واسعده فى الدارين وارزقه كل ماتريد انك على كل شي قدير ولك كل شكري وتقديري يالغاليه
  2. عاطفية00 بعقل واعي
    أستيقظت لأبدأ يوما مختلفا بعد الحملة00 بدأت بعد أن ذهب الجميع لمدارسهم وأعماالهم00 جلست في مصلاااي خااالية الذهن من كل همووم الدنيا وإلتزاامات الحيااة00جلست إستشعارا لحق نفسي وأداءالمسئوليتي الأولى في الحياااة (( وماخلقت الجن والأنس إلا ل…
    مشاء الله عليك كلامك يشرح الصدر ويدخل القلب لانه صادق الله يشرح صدرك زي ماشرحتي صدورنا ويزيدك من فضله



  3. **3**
    بالنسبه للأثر الطيب
    الخصها في نقاط
    -تعاوني انا واخواتي في تنظيف المنزل وتحظير الغداء والافطار لا سرتنا واراحه امي الحبيبه اطال الله في عمرها على طاعته هذي اكيد لها عظيم الاجر عند الله عزوجل
    -مشاركتي في عالم حواء وتقديم كل مفيد لهذا المنتدى الغالي والذي اعتبره بيتي الثاني اقدم فيه كل ماهو مفيد
    وادعوا الى الله من خلاله اسأل الله ان يوفقني ويوفق الجميع لذلك ولي مع هذه قصه **عندما كنت ادرس في الجامعه كنت اوزع بطاقات دعويه انا وصحباتي بحيث اني اشتري مجموعه من المطويات والبطاقات الصغيره واضعها في حقيبتي
    وعندما ينتهي دوامي واثناء انتظاري لسيارتي انتهز هذه الفرصه واقوم بتوزيع البطاقات على الطالبات وهذه البطاقات بعضها يكون عن الحجاب والاخر عن الغيبه وهكذا لأنه للاسف الشديد اشاهد الكثير من الطالبات يكون حجابها غير ساتر هداهن الله وهكذا واذا خلصت البطاقات اقوم بشراء غيرها او اوصي احد يشتريها لي وادفع المال له لا حقا واوزعها كل ماخلصت من دوامي
    وسبحان الله عندما تخرجت كنت افكر في نفسي واقول ياربي كنت اجد مكان واوزع فيه هذه البطاقات وهو الجامعه وانا ذحين خلصت من الجامعه ولله الحمد والمنه ياربي كيف راح اوزع البطاقات الدعويه لأن المكان الوحيد كان الجامعه وكنت فعلا احس بضيق وسبحان الله ربي يسرلي اني اسوي ايميل واشترك في عالم حواء الذي كنت اراقبه بصمت وكم تمنيت اني اكون احد عضواته لاساهم بنشر الخير وافاده اخواتي المسلمات وكل من يتصفح المنتدي فلك الحمد ياارب لك الحمد لك الحمد لك الحمد ياربي انك يسرتلي الاشتراك لك الحمد ياارب

    والله يا اخواتي اني عندما كنت اوزع المطويات احس بسعاااااااااااااده وراحه عجيبه ماتتتصوروها
    وبعض الطالبات اللي اوزع عليهن المطويات تقولي شكرا اوجزاك الله خير وهذا فعلا يسعدني لا ني يمكن ذكرتها بشئ غافله عنه
    شكرا لك ياربي بانك عوضتني بها لمنتدى اللي استطيع ادعو من خلاله بكل ماهو خير
    اسألك ياربي انك توفقني للدعوه اليك وتوفق جميع المسلمين والمسلمات
    -ايضا يمكن الانسان يكون له اثر بتعليم اخوانه وعيال الجيران الصغار سور القرأن القصيره والصفات الحميده فله الاجر بذلك وكل ماقرأها تكسبين اجر لانك انتي اللي علمتيه اياها يا حظ مدرسي ومدرسات التحفيظ وكمان المعلمين والمعلمات با الاجر
    -ايضن ممكن تكفلي يتيم وسهل جدا 100 ريال كل شهر مبلغ بسيك واجر عظييييم وراحه عجيبه وتكفير للذنوب اللهم اغفرلنا
    -ايضن ممكن تتبرعي لمرضى الغسيل الكلوي باالجوال عن طريق ارسال رقم 1 الى الرقم 5060 مقدار التبرع 12 ريال كل شهر لمده سنه يعني تقريبا 144 ريال ياااااااااالله ياسهل طرق الخير وكبر اجرها واثرها
    واللي ما عندها فلوس ممكن تشحني جوالك ب10 ريال وترسلي رساله فاضيه للرقم 5060 وبكذا تبرعتي ب10 ريال لمرضى الفشل الكلوي
    - بقا يا الغدا لاترميها ابد ولا تستحقريها حطيها في الثلاجه او الفريزر اذا ماعندك احد يوديها على طول للقطط ولما تطلعي من البيت خذي بقايا الكل وضعيها للقطط

    - ايضن في قصه لاختي طريفه اختي من عوايدها انها تملي صحن مويه وتضعه في شباك المطبخ عشلن العصافير تشرب من المويه في فتره كانت تجي الدبابير وتدخل للبيت وتخوفنا لما صارت هذي الدبابير تشرب من المويه اللي في شباك المطبخ سبحان الله شوي شوي وصارت ماتدخل جوه البيت سبحااان الله ردت هذي الحشرات الصغيره بعد قدره الله الاحسان با الاحسان

    -


  4. شكرا لك لاوسي والشكر لله اولا واخيرا اذكر انه من ثلاث سنوات حصل خلاف بين اهلي واهل زوجي تاثرت فيه علاقتي بزوجي بشكل كبيروصار زوجي مو مرحب به في بيت اهلي وانا نفس الشي في بيت اهله المهم في هالفتره كنت حامل ومرضت مرض شديد وكان بنتي البكر عمرها سنه ونص وماعندي احد في نفس المنططقه اللي انا فيها وزوجي دوامه استلامات فكلمت امي وترجيتها تجي عندي ولارضت الله يسامحها وهذا كان قبل يشتد علي المرض لاني ذقت المر في ولادتي الاولى اللي كانت عند اهلي وكل واحد يرمي كلام جهه الله يسامحهم حين حسيت ان امي مارح تجي واشتد علي المرض خليت زوجي يوديني عندهم ومن هنا بدات المشاكل وبالذات اخوي الكبير مرت ثلاث شهور وانا اسمع كلام يسم البدن كل هذا وانا مريضه الله ياجرني بس شي يقفلون الباب على عيالهم عشان مااعديهم وشي يخلون عيالهم يضربون بنتي وكل هذا وانا ساكته وصابره ولا افتح فمي بكلمه عشان اتحاشى المشاكل وقربت ولادتي واخذ زوجي اجازة وجا عندي والحمد لله الله سهل علي وولدت بالسلامه ورجعت عند امي وشي اسمع من امي وشي من ابوي والشي الكبير من اخوي الكبير في هذيك الليله كان يسولف معانا عادي وطلع عند زوجته خمس دقايق الا وهو راجع وعيونه حمرا وشياطينه تتنطط قدامه وضربني وانا نفاس الى ان ورم وجهي وقدام عيالي وطردني وصارت هوشه كبيره هنا دعيت عليه من قلب هو وزوجته وعياله ورجعت بيتي ودمعتي على خدي ماتفارقني وجلست فتره اربعه شهور على هالحال وصار زواج اختي واخوي ولا حضرت لضروف ماديه ودوام زوجي وزعلوا كلهم وسمعوني كلام جارح ودايم يحسسوني اني مردي لهم لان زوجي مارح ينفعني وانا كل يوم يزيد كرهي لاخوي وزوجته ويزيد بعدي عن اهلي ومعاد ابغى اسافر لاحد ومازالوا على هالحال الى اليوم اروح وانا مشتاقه لهم وامشي وانا خاطري مكسور وفقدت الثقه بنفسي وبكل اللي حولي وصرت عصبيه على اطفالي وصار زوجي يتملل مني ولجات لربي اللي مالي غيره وكل ليله ادعوه ومافي شي يتحقق استغفر واتصدق وادعوا ولاصارشي بديت افقد الامل واسغفرت ربي وجلست اراجع نفسي انا اش سويت عشان الله ما يستجيب لي فتذكرت قلبي كيف مليان حزن وغضب فقلت لنفسي اذا الله يستجب لي اذاسامحتهم فساسامحهم وكنت دي الله اني سامحتهم لوجهك فاعفو عني الى مرة من المرات كنت اقرا القران توقفت عند قوله تعالى ربنا لاتجعل في قلوبنا غلا للذين امنوا فاستمريت عليها وبعده بدات ارتاح واحسست الان اني قد سامحتهم وفي هذه الفتره رزق اخووووي بولد وقلت هذه فرصه اكامه وكلمته والحمد لله خفت الحواجز قليلا وابوي بقي فتره زعلان وبعدين تصالحنا ولاول مره كلمت ابوي من دون خجل وطلعت اللي في قلبي وحسيت انو حس فيني وانبو ضميره وقبل الحمله كنت ارسل لابوي وخوي رسائل واكتب فيها اللي مااقدر اقوله واثرت فيهم كثير وخصوصا ابوي لانه كان يرد علي برسايل بدعوات طيبه تخليني اخس اني ملكت الكون ولاول مره احس اني فرحت بمشاكلي اللي قربتني من ابوي والان احس برضا وشعور جميل وجيتي انتي بنصايحك الحلوة وصرت ماانام والا سامحت خاق الله كلهم واحاول اسامح نفسي قدر المستطاع لاني مقصرة وانا اعشق الكمال

تابعي تجارب أخرى من هذا القسم.