♥OoO♥ تـــــجـــــمـــع بـــــــــنـــــــــات كـــــــنــــــدا 5 ♥OoO♥

السلام عليكم أخواتي الحبيبات
كيف الاحوال الله يجعلكم دايم بخير
راح يدخل علينا شهر الحج بأيامه الفضيله والحسنااااااااااااات الكثيره الله يبلغا إياه ياااااااارب بصحه وسعاده
خلونا نحرص عليه وعلى صيامه والتكبير وقراءه القرآن والذكر والاستغنار نحن وأزواجنا وأولادنا ونشجع بعضنا البعض على الخير

رب اغفر لي ولوالدي، رب ارحمهما كما ربياني صغيرا
‏عَنْ جَابِرِ بْنِ عَبْدِ اللهِ رَضِيَ الله عَنْهُ قَالَ: قَالَ رَسُولَ اللهِ صَلَّى الله عَلَيْهِ وَسَلَّمَ: "أَفْضَلُ أَيَّامِ الْدُّنْيَا أَيَّامُ الْعَشْرِ، يَعْنِي عَشْرُ ذِي الحْجَّةِ". أخرجه البزار كما فى كشف الأستار (2/28 ، رقم 1128) قال الهيثمي (4/17) : رجاله ثقات ، وصححه الألباني (صحيح الجامع ، رقم 1133). (أفضل أيام الدنيا) خرج به أيام الآخرة فأفضلها يوم المزيد يوم يتجلي اللّه لأهل الجنة فيرونه (أيام العشر) أي عشر ذي الحجة لإجتماع أمّهات العبادة فيه وهي الأيام التي أقسم اللّه بها في التنزيل بقوله {وَالْفَجْرِ وَلَيَالٍ عَشْر} ولهذا سنّ الإكثار من التهليل والتكبير والتحميد فيها ونسبتها إلى الأيام كنسبة مواضع النسك إلى سائر البقاع ولهذا ذهب جمع إلى أنه أفضل من العشر الأخير من رمضان لكن خالف آخرون تمسكاً بأنّ اختيار الفرض لهذا والنفل لذلك يدل على أفضليته عليه. وقال ابن القيم: الصواب أن ليالي العشر الآخر من رمضان أفضل من ليالي عشر الحجة وأيام عشر الحجة أفضل من أيام عشر رمضان لأن عشر الحجة إنما فضل ليومي النحر وعرفة وعشر رمضان إنما فضل بليلة القدر، وفيه فضل بعض الأزمنة على بعض.

ملكه بأمومتي
مالك الا تسوين مثل ماسويت حطيت ولدي عند حضانة في البيت لان عمره كان صغير والحجز قالوا ياخذ وقت وحجزت له لما قرب للعمر المطلوب وقبل مااحط ولدي بشهرين ومع الاغراءات وافقوا خخخخ



الله يعينكم يارب ويسهل امركم
بصراحه ومع تجربه كم مره كندا افشل شي في توصيل الاشياء مرررررره يقهروني وكم مره اتهاوش معهم مع انهم شركات كبيره وتوصيل للبيت بس دايما لازم نتصل ونسأل وتاخذ وقت الى مايعرفون وين الاغراض

ينات انا عندي مشكله ثانيه انا اعرف انجلش بس لسه يبيلي وقت,,عشان اكون متحدثه يعني انا افهم اغلب الكلام الي ينقال بس مااقدر ارد اخاف اغلط,,اليوم قمت الصباح ورحت السوبرماركت ومشت اموري الحمدالله بس صارلي موقف مع زوجي زعلني مررره قلت احكمكم لاني زعلانه,,رحنا لايرمج مول وقلت لزوجي بظلب ايسكريم مع العلم انه قبله بيوم رحنا السوق وطلبتلي اكل بالحالي مااطول عليكم رحنا وكان فيه انواع كثيره من الايسكريم وقلت لزوجي تعال ساعدني قال يالله تعالي قلتله بليز ساعدني ماادري ليه لما يكون معاي ليه اتخربط,,قالي تعالي قلتله بليز حبيبي تعال جمبي وقام صرخ علي وقالي تعالي واشر على الكاشير مراح تاكلكك قلتلهخلاص ماابي ومشيت,,خنقتني العبره ليه ماادري,,وركبت السياره وبكيت قلتله ليه ترفع صوتك علي قالي هذولي احانب مايفهمون عربي قلت بس يفهمون انه انت قاعد تهاوشني قام واعتذرلي انا للحين زعلانه مدري شره ولا غربه وشوق لاهلي سوالي كيف اخلي العقده الي فيني تروح واقدر اتكلم حته لو غلطت :(

صحيح الموقف يقهر بس خلاص اعتذر وانتهى الموضوع الحين انتم في غربه ومالكم الا الله ثم انتم توقفون مع بعضكم
المهم نرجع لموضوع الكلام ماراح يحل عقدتك والخوف هذا الا تعلم اللغه
كل ماتعلمتي اكثر كل ماصارت ثقتك بنفسك اكبر وصارت عندك جرأه تتكلمين انجليزي
بعدين لا تخافين كثير يغلطون :)