ابي طلب مني انه اكلم امي انه خلاص قرر الانفصال

:icon33::icon33::icon33::icon33:


سلام بنات..مقههههههههههههوره و زعلانه و حاسه اني في كابوس
انا البنت البكر لاهلي عمري 24 طالبه في امريكا حاليا و الحمد لله متزوجه من اربع سنين
اليوم ابوي اتصل عليا يبغى اني اتوسط له و اكلم امي انه خلاص قرر الانفصال و يبغى يطلقها
على كلامه طلاق محترم بدون مشاكل و الله يا بنات اني حسيت بأأأأأأألم شديد قلت له ليش قال
انا تعبت ما احس اني قوام عليها المشكله انه ابوي و اهله كانوا اغنى من اهل امي اول ما تزوجوا
بس بعدين اهل ابوي مع الكسل الناس لعبوا و نهبوا فصاروا وسط على عكس اهل امي نمت تجارتهم
ما شاء الله و صاروا الان من اصحاب الشركات و المصانع فصار ابي يغار من اهل امي و نجاحاتهم و يقول طالبي
بحقوقك...اخوالي الله يحفضهم ما قصروا و خصصوا لامي معاش شهري من الارباح و اشتروا بيت و جابو احلى الاثاث و احنا درسنا في اغلى المدارس و كل هذا على حسابهم المهم انهم ما قصروا على امي بشي حتى اشتروا سياره و جابوا شغاله المهم هذا الكلام من عشر سنين ابوي طبعا ما عاد يشتغل هو طبعه كسول اصلا
حاولت امي معه فتحت له محل اثاث كان يروح يوم و يغيب عشره و بعد سنه غلق المحل قال انه خسارته اكثر من الربح ة السبب هو لانه ما يتابع قامت امي توسطت له عند خالي يشتغل عندهم قام خالي شغله في شركته و كان منصبه مره حلو بس ابوي رجع لعادته ما يروح كل يوم و يوم تأخر فخالي كلمه عشان ما يغيب و يتأخر و ابوي بطل الشغل عنده قال ماله حق يكلمه المهم انه خلال هذا العشر سنين امي حاولت انها تساعد ابوي يصير شي و يشتغل بس هو يتحمس يومين و يرجع يكسل المصيبه يا بنات انه بعد هذي العشره و بعد التضحيات كلها ابوي الان قال خلاص انا ما احس اني رجال و امك تصرف عليا و انا بصراحه ما اقدر اعيشها زي ما هي متعوده فأحسن شي الانفصال طبعا انا عارفه انه صار لهم مشاكل هذي الخمس السنين بس ما كنت متوقعه انها بتوصل للطلاق
امي اكيد بتنصدم و تزعل ايش اسوي يا بنات ساعدوني معقوله بعد عشره 26 سنه يقول خلاص ما ابيها
مسكينه امي و الله حاسه بنار داخل صدري عندي امتحانات و ماني قادره اركز ...سامحوني اذا الكلام ملخبط بس مصدومه انصحوني ايش اسوي عقلي تغلق


:icon33::icon33::icon33:

29 تعليق 2,833 مشاهدة

شاركي في النقاش

سجلي الدخول لإضافة تعليق.

التعليقات

27
  1. @morganh_1


    اتفاهمي مع ابوك وقوليله اذا مو عشان امكم عشانكم وقولي لي ابوك انو اذا انفصلتو راح نضيع وقوليله من راح يكون رجال البيت من بعدك وامك من راح يسندها ومن راح يكون جنبها اذا طاحت لا قدر الله وهذا ضروري يعني كيف تبون تعيشون من غير مصدر دخل وقولي له انو انت بابا وعتبر نفسك متقاعد وعادي وبس

تابعي تجارب أخرى من هذا القسم.