طلبات المدارس مسلسل لاينتهي

والله كلامك صحيح 100%
كان ودي اقول الكلام هذا من زمان
يعني يكفي الطلبات الاساسيه .. لا بالعكس كل يومين طلب
وغير طلبات الفنيه اللي تكلف مبالغ ... قبل كم يوم طلعت المكتبه علشان اشتري طلبات للفنيه وطلعت حول 300 ريال
طيب ايش ذنب البنات اللي حالتهم الماديه صعبه شوي ..
وليش ما توفر الوزاره هالطلبات طالما هي من المنهج
والا يخلون الفنيه رسوم فقط بدون اشغال اللي احتمال كبير ما يستخدمونها
الله يعين بس ...

شاكره مروركن

امس بنتي تقول في بنت عندهم ((من دوله عربيه))
شكلها فقيره مريولها قصير وما عندها بكلات شعر
كل يوم تسالها المعلمه جبتي ملف تقولها البنت لا
فالمعلمه تضربها بالمسطره
امس كنا عالغذا
قام زوجي قالهم اذا مداني بشتريلها ملفات وعطوها ياه
قامت بنتي تقول الابله بكره بتضربها
ففرغت وحده من ملفاتها وسوتلها المطلوب وزينته وحطت عليه استكرات
وكتبتلها الدروس
واخذت قلم رصاص جديد قلم حبر ودفتر و((شباصات جديده وبكلات ملونه
وحطته في كيس وموعارف شلون تعطي البنت
زوجي قالها اعطي وحده من المعلمات تعطيه البنت
لما ترجع بنتي بقولكم وش صار معها

البنت من شكلها ان ضروفها صعبه
ليش ما يراعون مثل هذي الحاله
ما اقول الا الله يفرج ع البنت ويوفقها

الشباصات هدية بنتي من المعلمه

والله كلامك جا بالصميم

لاكن الله المستعان وش نسوي فيهن

الله يعطيك العافيه ويجعله في موزين اعمالك اثر فيني موقفك ام رقيقه الله لايحرمك الاجر
تمنيت اني مكانك بعدين مو من حقها المعلمه تضربها وتستقوي عليها الله حسيبها وين بتروح
مصيرها ترجع للي خلقها وتاخذ جزاتها حسبي الله ونعم الوكيل
من جد طلباتهم غير معقوله اتذكر لما كنت بالثانوي كانت معلمة الجغرافيا تقسم الخرايط حقت المنهج للترمين على جميع البنات في كل الفصول وطبعاً كل سنه بسنته يعني مالها خلق تخزنها لا للزباله والسنه الجايه تجي جداد على حساب البنات ولا تبي اي شي لازم تكون كبيره ومغلفه بشفاف علشان تكتب عليه
في ذمتها حسبي الله عليها يارب ان كان لنا حق عندها ان ترده لنا من حسناتها يوم القيامه