°ఊ ®¾{{تجمع امهات العصافير من الولادة إلـ(-->)ـى عمر ســ6ــت شهور}}¾® ఊ°

مساء الخير صبايا....
كيفكم
أول مشاركة ليا هنا.. :)

الحمدلله انا ولدت يوم 31 اكتوبر طبيعي والحمدلله.. وجبت ولد الله يحفظه يارب..

ياريت صحباتي من تجمع الحمل السابق وذوات الخبرة هنا يفيدوني..

أنا موظفة وناوية ارضع طبيعي وصناعي.. انا ماخذة بس اجازة شهرين..
الحمدلله لسه اليوم بدأ ينزل معايا الحليب..

اول يوم بدأت ادي ولدي صدري لكن كان يمص على الفاضي وبعدين اعطيه سيميلاك..وصفته ليا دكتورة الأطفال قلت لها عليه ملاحضات..
قالت بالعكس.. من افضل الحليب الصناعي.. المهم..
دحين بدأ النونو ياخذ صدري ويرفض الصناعي شكله ماعجبه ولا ايش.. انا مابغى يرفضه تماماً.. لأن احتاج اعطيه صناعي تحسباً..

موعدي مع دكتورة الأطفال لتطعيم البي سي جي يوم الأحد القادم بإذن الله وبنفس اليوم موعدي مع دكتورة النساء والولادة عشان تشوف الخياطة وتشيك عليا..

النونو حقي لما يتبرز يبكي.. ولما اشوف البراز عادي يعني لا هو اسهال ولا هو امساك عادي.. هل هاذا عادي؟؟
كيف تعرفو ان النونو عنده صفار؟ وايش تعطوه ؟
انا باعطي النونو يومياً 30 مل ( مغلي يانسون وكراوية وحلبة وحبة سكر نبات) وانا باخذ معاه نفس الشاي خخخخ....
ايش رايك كويس ليا وليه..

مم ايش كمان.. خلاص لما اذكر اكلمكم.. سلام

بنات حفايظ هجيز في منها مستوردة ووطنية ولا كيف ؟؟؟
كتير بنات يمدحوها بس دورت في الصيدليات مالقيت الا صناعة محلية مو عارفة اشتريها ولالا ؟؟؟

صبايا عندي سوعال...

متى تطيح الخيوط؟ للولادة الطبيعية طبعاً..
ومعليش على السؤال.. يعني طول الشق الي صار لكم تقريباً كم سم وكم غرزة عملت الدكتورة.. لأني حاسه بشي غلط..
طول الشق تقريبا من3- 4 سم تقريباً ومافي غير 3 غرز.. خارجية.. وهي قالت عملت كمان غرز داخلية.. مافهمت ليش (انابكرية)
احس بين الغرزة والثاني مكان كبير مش مخيط.. عادي يابنات.. ياريت تقولو لي وتطمونوني موعدي مع الدكتورة يوم الأحد القادم..

وايش تحطو على الخياطة الدكتورة اعطتني غسول بيتاداين و كريم ميبو.. بس..

وكيف اول اسبوع بعد الولادة لازم تكون جلستك..مسدوحة بس.. ولا تقدري تجلسي عادي؟

هلا والله

الحمد لله على سلامتك ومبروك ماجبتي
سيميلاك حلو انا كنت اعطيه بنتى وكانت صحته كويسه ..

والخيوط ا بدت تطيح يوم تميت 20 يوم والى الان باقي غرزتين .. مدري كم غرزه بس احسها كثيرررررره ..والميبو والبيتادين حلو خليك عليه بس اول اسبوع يفضل ماء وملح فقط مره باليوم انا اسوي ككذا والحمد لله ما التهبت الخيوط

انت توك والاده الافضل الانسداح لك ..


مدري والله ان شاء الله البنات يفيدوك

لالالا عند امي لا تنفسي ببيتك يجيك اكتئاب الله يعين
والله كل ماذكر على بيتي صابني اكتئاب
وانا لي عند امي 11 يوم مدري اروح لبيتي قبل العيد او بعده للحين افكر
البودره روحي للصيدلي وقولي عطني بودره الجروح وهو يعطيكيها



مشكوررره
جزاك الله خير
بس سؤال انتي مجربتها ؟؟



ياقلبي اهم شئ سلامتهم ولا كبر وفطمتيه كلي بكيفك
الله يحفظهم لنا يارب






انا اغسل بالملح
متى تطيح مالها وقت محدد
الجلسه لازم تنسدحي او تصفي رجولك لاجلستي