قرض زوجي وابتعاثي ... ابي حل !!!!!

تأمين الحساب البنكي هذا للي طالعين على حسابهم
اما اللي طالعين وهم من ضمن برنامج خادم الحرمين
او مبتعثين من جهة العمل مايطلبون منك شي
اما بالنسبه للقرض
زوجي راح للبنك وسأل موظف في البنك
وقاله الموظف توكل على الله وامش نحطك في القائمه السودء واول ماترجع ويرجع الراتب نسوي اعادة جدوله ويصير مبلغ القسط اكثر بس الفوائد ماتزود واذا خلصت يشيلونك من القائمه (على مافهمت ان مبلغ القسط تاصل الى نص الراتب)
والحين لنا اربع شهور بادين دراسه في دوله الابتعاث والله يتتم لنا على خير وييسر لكم ان شاء الله

ميرسي ياقلبي@انت في اي بنك؟ ومعليش اذا حابه تقوليلي انت فين مبتعثه انا لكندا؟
والمرافق اذا عندك فكره مين يجبله قبول المعهد هل من السعووديه ولا لما نوصل وهل على حسابهم
اسفه اذا طولت

طيب ماتقدرين وانتم في الغربه تحولون على حسابه قد القرض بالضبط يعني
في ناااس كثير سوو كذا

القرض في بنك الراجحي
وانا مبتعثه الى استراليا
وبالنسبه للمرافق بالنسبه لنا زوجي ماجاب قبول لغه الا لما وصلنا واحنا وصلنا قبل ماتبدا دراستي بيوم وانتي عارفه اللخبطه وعدم الاستقرار وخصوصا ان معنا طفلين وبدأ دراسه بعد وصولنا باسبوعين فقط
اذا يبي يرتب دراسته قبل تسافرون اعتقد لازم تدفعون لأن الملحقيه ماتعطي ضمان للمرافق الا بعد وصوله لبلد الابتعاث
يعني لو تروحون قبل ماتبدا دراستك باسبوعين راح تبدون تدرسون مع بعض

والله لو المبتعث مامعه عائله ممكن بس حنا عائله واطفال ما اقول المكافأة ماتكفي الا يارب لك الحمد تكفي وزيادة بس الزيادة مدخرينه لأن الواحد مايدري وش يبي يمر عليه من ظروف بهالغربه
ومادام ان البنك ماعندة مانع وقرض زوجي ماباقي له شي كثير يعني اذا رجعنا ان شاء الله كله كم شهر وهو مخلص واثناء ماالبنك ياخذ فلوسه يكون راتبي موجود لحد مايتحرر راتبه