تاجينة جزر عراقية من مطبخ* ام حمودى* بالخطوات المفصلة اتفظلو

السلام عليكم حبيباتى اليوم جايبتلكم تاجينة جزر عراقية بحتة كان غدان اليوم يعنى لسة طازة هههه اتمنى تعجبكم تراهة اكلة عجيبة ولذيذة يلا على المقادير 000
002[/imgalt
ملعقة صغيرة كمون +ملعقة صغيرة كزبرة ناشفة+ملعقة صغيرة كركم+ملعقة صغيرة هيل+ملعقة صغيرة كارى+ملعقة صغيرة سبع بهار+ملعقة كبيرة نومى بصرة ناشفة+1مكعب مرق دجاج+شعرية بدون مقدار+1 صدر دجاج كبير شوى+كشمش ناشف+بصلة كبيرة مقطعة جوانح+جزر مقطع صغارومنظف ) هسة نجى للطريقة اول شى نحمس البصل

003
ونخليه شوى حتى يذبل مع زيت طبعا واذا صارلونه ذهبى نضيف عليه الجزر طبعا بدون سلق احسن ما يحتاج سلق راح يفقد قيمته الغذائية
004
ونقلب فيه لحتى يذبل الجزر ونصى عنة النار لا يحترق وتروح الطبخة عليكة خخخخ نغطيه ونعوفة يذبل لحاله بعدين لما اشوفة ذبل الجزر نضيف الدجاج المقطع مربعات صغيرة
006
ونغطيه ونخليه على راحته يحمس مع البصل والجزر الى ان انشوف المى بدة يقل نضيف البهارات ونفتت مكعب الماجى مع البهارات

007
بعدين نضيف الشعرية المحموسة مسبقا انى افرشها بصينية وارشها بشوية زيت وادخلها الفرن وبس يصير لونها اشقر اطلعها حتى لاتكون الطبخة كلش دسمة
010
بعدين اضيف الكشمش اكون منكعته قبل ساعة بمى حار حتى يلين اشوية واغطى واعوفة على نار كلش خفيفة

005
ولما يصير جاهز وكله تمتم وستوى الجزر والدجاج وكله اطفى عنه النار واروح اطبخ التمن اسلقه بمى وملح نص استواء واصفى من المى واجيب قدر واخلى زيت قليل جدا فيه واضيف طبقة من التمن اسفل القدر
011
وبعدين اضيف طبقة حشوة الجزر وبعدين اضيف طبقة تمن يعنى الحشوة راح تكون بالنص حتى تهدر اكثر