جولتي في الشتاء و الصيف... و أحتاج اقتراحاتكم يا حوائيات

السلام عليكم جميعا و رحمة الله...

مسائكم/ صباحكم ورد و ياسمين...

حبيباتي أنا الحين جالسة أأثث بيتي الجديد و زي ما انتو عارفين الواحد إذا اول مره يأثث ما يكون عنده الخبرة الكافية لإختيار الأجهزة الكهربائية خصوصاً...
فعشان كذا أنا بكتب الأشياء اللي قررت إني آخذها من خلال جولة للشتاء و الصيف عصر اليوم و بكتب السعر و ابي منكم لا هنتم تقولون لي إذا اختياري كويس و لا لا و إقتراحاتكم للي أول مره تجهز بيت...

نبدأ على بركة الله..

1- مكيف سبلت سامسونج بـ 2250 عدد 3
2- مكيف عادي " اللي بالجدار"<<وش رايكم بالشرح بس..." بـ 1280 عدد 4 ماركة LG
3- ثلاجة LG " الطولية "... ستيل... ب 3900
4- غسالة LG اوتوماتيك مع تنشيف 100% . بـ 2099
5- شاشة بلازما سامسونج 42 بوصة ب 2600
6- مكنسة سيمنس بـ 535
7- خلاط كينوود 21 وظيفة بـ 419
8- توستر ماركة GTE بـ 125

و بس... طبعا أذن المغرب و أنا باقي ما شفت كل الأجهزة...

و فيه شيء ثاني بستشيركم فيه ... تنصحوني آخذ فرن كامل أو آخذ سطح و فرن كهربائي..
و تكفون عطوني أحسن ماركة من خلال استخدامكم....

و مشكوررات على الرد مسبقاً:27:

18 تعليق 5,363 مشاهدة

شاركي في النقاش

سجلي الدخول لإضافة تعليق.

التعليقات

18
  1. @lymonh_mktoaah

    المكيفات السبيلت زينه
    اهلي عندهم ال جي وسامسونج وحلوه

    الثلاجه حلوه طبعا هيتاشي وتوشيبا اتوقع ازين


    الفرن ينصحون بالكامل خذي تيرم الايطالي او جليم غاز بس خليه ستيل ازين



    طيب ليش ماتروحين محلات المنيع
  2. @alfrdos_ghayty16

    صاحبة الموضوع
    ليمونه مقطوعه
    المكيفات السبيلت زينه اهلي عندهم ال جي وسامسونج وحلوه الثلاجه حلوه طبعا هيتاشي وتوشيبا اتوقع ازين الفرن ينصحون بالكامل خذي تيرم الايطالي او جليم غاز بس خليه ستيل ازين طيب ليش ماتروحين محلات المنيع
    مشكورة يالغالية على الرد ... طيب أفضل من أي ناحية .. الله يعافيك قولي لي وش الميزات وش العيوب في النوعين..



    يسعدك ربي يالغالية على الرد...
    و بالنسبة للمكيفات إحتمال أرسي على ال جي... طيب و الثلاجةما تنصحيني بإل جي؟؟؟

    و الفرن ... ليش الفرن الكهربائي مو حلو يعني ..و الله مره مترددة..
    ودي بفرن سطح و فرن كهربائي أحس شكلهم بالمطبخ مودرن أكثر و ارتب... و في نفس الوقت اخاف أتورط

    و بالنسبة لمحلات المنيع والله تصدقين ما فكرت اروح لهم مو عشان شيء بس كذا ماجا في بالي أروح لهم..
    وش رايك انتي وش الأافضل المنيع و الا الشتاء و الصيف؟؟


    الله يعافيكم بنات محتاجه آرأكم لا تخلوني تكفووووووووون :39:
  3. @alfrdos_ghayty16

    صاحبة الموضوع
    بنااااااااااااات الله يسامحكم 190 مشاهدة و مافيه الا ردين ... و الله ما كان العشم فيكم يا حوائيات):

تابعي تجارب أخرى من هذا القسم.