انا ما اصلي يا اهل الخير نخيتكم انصحوني لا لا لا تكسفوني

اختي تذكري ان العهد بيننا وبينهم الصلاة فمن تركها فقد كفررررررررر
انتي نفسك عزيزة عليك ليه تخلينها تتعذب جلدك وشعرك وقوتك ليه تسوين معصية تعرضها للنار ترى الله تعالى مو بحاجة لعبادتنا الله غني عنك وعن صلاتك انتي اللي بحاجة الله وفقيرة اليه
ونصيحة نصيحة اشتري اشرطة الشيخ عبدالمحسن الاحمد ولا حمليها وصدقيني لو كان لك قلب مابتتركين الصلاة ابدا

شوفي حبيبتي انتي الحين تبين اتصلين وتبتي لربي روحي وصلي للك ركعتين مثل ماقالو البنات وانتي بالسجود اجلسي ادعي ربك انا يتقبل توبتك ويهديك للصلاه واشكيله واوعديه انك ماراح تتركين الصلاه لازم توعدينه عشان بعدين اذا لعب ابليس في رأسك وقام يهونك عنها قولي له انا خلاص وعدت ربي اني ماتركها خلاص لازم اوفي بوعدي لازم هذا ربي مو اي انسان ثاني اذا اخلفت بوعدي راح ربي يعاقبني وماراح يسامحني لا تخلين له مجال
تكلمي مع نفسك اذا قام الشيطان يوسوس لللك

ولازم تعرفين ان الصلاه هي عمود الدين اذا صليتي عرفي انا كل امورك بتتسهل واحلامك بتتحقق ودعائك بيستجاب
لا تخلين مجال للشيطان يلعب فيك

ولازم تحطين الموت في باللك شلون راح اموت وانا للحين ماتبت اذا متي ماراح ينفعك ياليت وياليت لحقي على نفسك قبل فوات الأوان
الحين كثر موت الفجاءه ماتدرين يمكن موتي وموتك فجاءه لازم تحطين هذا الشي في باللك لازم تتستعدين للأخره خلاص مافي شي يستاهل نعصي ربي

من جد ليش تغرنا الدنيا وناستها ترى كلها فانيه وربي ماينفعك منها شي شوفي الحين كم عايله ماتو وكم طفل مات وكم وحده عروس ماتت شفتي كيف الموت مايعرف لا صغير ولا كبير ولا سعيد ولا حزين
واحنا لحد الحين بغفلتنا ما ستعدينا لشي للحساب كله نقول تونا اصغار باقي الحياه طويله
احنا ندري بكره نموت ولا نعيش

تخيلي ابوي حظر زواج ولد صديقه ومآشاء الله عليهم سوو الحفله في أفخم القاعات الي عندنا والعشاء والتقديمات وكل حاجه هذا بس الرجال كيف الحريم ما ندري
المهم راحو شهر عسل ماليزيا ورجعو السعوديه وصار لهم حادث الزوجه ماتت والرجال في غيبوبه
قالي بابا السالفه وانا اقول ليه حرام توهم عرسنا ماتهنو ليش يمتون
آقول ليش يمتون احسب الموت على كيفي متى مابي اموت اموت
شفتي كيف عرسان وماتو
شنو نفعهم الحين نفعهم الحفله وكلام الناس سو وسو مانفعهم شي الي احظرو الزواج وهم مبسوطين بعد شهر جاو يبكون عليه شفتي الموت كيف مايعرف حد

وبعد في مقطع باليوتوب شهيد شياشاني يحتضر دخلي وشوفيه راح يستشهد
وهو يحتضر يدعي ربي يغفر له ويتوب عليه شفتي كيف راح يجاهد وهم بعد يدعي ربي يغفر له
واحنا نعصي ونعصي ونعصي ولا فكرنا نتوب ولا فكرنا نستغفر لمتى وآحنا كذا

وحاول تدخلين على نعيم الجنه وشوفي كيف نعيم الجنه والكلام عنه وتخيلي نفسك فيها
خلاص راح تكرهين الدنيا وتبين تموتين عشان تروحين لها
اذا تبين تروحين لها لازم نكثر حسناتنا عشان ربي يجاوز عن سيائتنا

وسمعت قصه بعد انا في واحد مات وغسلوه وكفنوه وراحو المسجد يصلون عليه وكان في جنازتين عشان يصلون عليهم دخلو الجنازه الاوله وجاو بيدخلون الجنازه الثانيه عيت تدخل حاولو وحاولو عيت تدخل المهم قالهم لهم الشيخ ايش كان يسوي بحياته قالو ماركع لله ركعه ولا دخل المسجد
قال خلاص دام مادخل المسجد تبي الحين يوم مات يدخل .. ولا صلو عليه
يعني شنو ؟؟؟

اكثر من كذا ماقدر اقول
وتدرين بعد اذا الوحده ماتت وهي ماتصلي ماتجوز عليها الصلاه ولا الدعاء لها خلاص لانه بين الكافر والمؤمن الصلاه والي مايصلي كافر

انا ابي اذا مت كل الناس تدعيلي عشان هذا الي بيبقى لي الدعاء ..
انتي اذا دومتي عليها من قلب مو عشان شي دنيوي عشان دعائك بيستجيب ولا عشان حلمك بيتحققق

لااااااااااااااااااااااااااااااااااااااااااااااا
لا تخلين صلاتك عشان شي تحقيينه
خليها فرض لازم تسوينها عشان هي اساس الدين
ومع الايام انتي خلاص راح تحبيه وماراح تتركينه واذا اخرتيها بيضيق صدرك لانك حسيتي بالسعاده

وهلا وهلا بالاستغفار والتسبيح وقيام الليل وربي شي فضيــــــــــــــــــــــــــع دوامي عليها وتعالي خبريني بعدين ايش تحسين فيه
والدعاء والدعاء والدعاء
واذا تبين ادعيه وكل شي عطيني خبر وابشري بعزك راح ترتاحين وربي راح ترتاحين

والله يتقبل توبتك وتوبتنا ويهديهك على الصراط المستقيم والهدايه للك ولنا ولكل مسلم ومسلمه اجمعين
وصل اللهم على سيدنا محمد وعلى آله وصحبه وسلم

صـلي ..
صراحة مدري كيف انصحك تقبلي كلامي ..
بس لازم تصلين وتحرصين على السنن بعد كل صلاة
عشان يزيد حرصك وتصلين الفروض على الاقل ..
لاني عارفة الشيطان بيثقل عليك السنن بعد بس حاولي تصلين
طبيعي بتحسين بتعب لانك ماتصلين لانك قاطعة صلتك بالله ..
اممم يعني ماعندك اخوات ؟ لو عندك قولي لهم ينبهونك للصلاة وقومي صلي معهم
الكلام لحاله مش نافعك .. لازم تبادرين باالامر هذي صلاة واكيد بتستمرين عليها لان ضميرك صاحي ..
انتي بس ابدي والتزمي بصلاتك من يقول الله واكبر روحي توضي تركي الكسل وتعوذي من ابليس

هذا الي اقدر اقوله لك .. والله يهديك ..

انصحك بشريط صلاتي نجاتي للشيخ عبد المحسن الاحمد
وترى الشيطان في البدايه بيصعبها عليك مره لانه هو اللي رادك عنها ويبي الناس
مثله يدخلون النار بس انتي كوني اقوى منه لان كيد الشيطان ضعيف وتوكلي على ربك وتذكري نعمة الحركه فيه
ناس يتمنونها عشان يسجدون لربهم اللي خلقهم وانا اشوف فيك العزيمه والندم توبي الى الله توبه نصوح والله يهدينا ويهديك والمسلمين اجمعين اميييييين ويدخلك جنات النعيم والمسلمين يارب