شاركي في النقاش

سجلي الدخول لإضافة تعليق.

التعليقات

104
  1. @shykhh_17

    سليلة العز
    الله يهديكم المرة دخلت هنا وتبي نصيحة ماتبي تحريش على زوجها >>> لا تزعلون حبيباتي بس هذا الصدق أنا أقول وهاذي وجهة نظري أنا مافيها شي لوعطيتيه صرافتك حلالك حلاله... وحلاله حلالك وبعدين الزواج أسمى وأعظم وأرقى من ورق حنا نجيبه مش هو يجيب…
    بالله عليكي هذي نصيحه ؟؟؟


    والموظفات الي تقولي عنهم وصرافتهم عند ازواجهم اغلبهم تزوجوا عليهم من فلوسهم وطردوهم من بيوتهم لجل الثانيه وعلقوهم بالمحاكم وشردوا عيالهم وفقروهم ........ هذي حال الموظفات الي وثقوا بازواجهم وعطوهم صرافتهم ولا انتي مش سعوديه وماتقرين المآسي الي تحصل كل يوم من الازواج لزوجاتهم


    الامثله كثيره لحالات القهر والظلم الي تعيشها الموظفه ...... الي بنت معاه البيت النص بالنص من راتبها ولما خلص تزوج ثانيه وحطها معها ببيتها الي بنته من كدها وشقاها وفوق هذا قهرها بالثانيه وعاش حياته في بيتها الي باسمه


    ولي خذ سلفيه باسمها كضمان وراح سوريا وتزوج وكد على السوريه واهلها من فلوس زوجته الموظفه والمسكينه هنا ماخبرها حتى انه تزوج مادرت الا من الناس ولما زعلت خلاها تأدي دينه لحالها ونكرها النذل وتركها مع المحاكم والديون وهو عاش حياته ماهمته لازوجه ولا عيال ولا دين وحرام


    ولي ياخذ من صرافتها ويسحب بدون علمها ويصرف على امه وخواته وحريم اخوانه والمسكينه ياغافلين لكم الله حارمه نفسها من ملذات الدنيا وتكرف وتتعب وحتى اهلها كل ماطلبوها قالت نجمع لبناء البيت وزوجها مناك يسحب اول باول راتبها ويمتع اهله ويوم حست وتأكدت وخذت من الصرافه عاقبها وحرمها من وظيفتها


    ووحده تقول لاني ماعطيته البطاقه قام ياخذ مني 1500 ريال بالشهر كراتب سايق لانه يوصلها المدرسه



    ياختي الامثله لاتعد ولا تحصى من نذالة الازواج مع راتب زوجاتهم وناااادر ماتلقين زوج يأمن على زوجته ويعطيها صرافته الا من سابع المستحيلات ....... كل ماحتاطت الزوجه و عرفت حقوقها واحترمتها ووقفت الرجال عند حده كل مازاد احترامه لها وعرف انها فاهمه بعكس الي تعطيه راتبها برضا منها يستغلها اكثر ويحس انها ماعطته الا لانه يستاهل ويصدق كذبته وياخذ في نفسه مقلب مالت عليه انه مرغوب وهي ميته فيه فيذلها لانه نذل



    انتي المفروض منك تنصحي الرجال بالصرف على زوجاتهم لان لهم القوامه في الصرف عليهم مو تقولين للحريم عطوا ازواجكم صرافتكم حلال عليهم مافيها شي .......من متى الزوجه مسؤله عن الصرف على زوجها ؟؟؟

    انقلبت الموازين ياناس واستحليتوا الحرام بكل سهوله ...... ايش الي حلالك حلاله ؟؟؟ من متى هالكلام ؟؟؟


    حلال الزوجه لها ولاهلها وحلال الزوج لزوجته وعياله ......... واكبر خطأ تعويد الزوج على الاتكال على زوجته


    بيحس بالامان المادي وبيهدم حياتها وحياة عيالها اذا تزوج وفتح بيت ثاني من فلوسها

تابعي تجارب أخرى من هذا القسم.