"ممرضة" تحرق قدمى رضيعة وتشوه رأسها بمستشفى أحد في المدينة المنورة

اااااااااااااااه
قلبتو علي المواجع
ياااكثر مامريت في مواقف مثل هذي مع بنتي في صغرها لانها خداج واغلب وقتها في المستشفى من الولاده لعمر 3 سنوات

الله يخليها لي

والله يابنات المشكله من الاداره والمواقف الصارمه تجاه الاخطاء

عندنا اهمال وعدم مبالاه لدرجه ان الممرضات يصارخون على الامهات ويمشونا على كيفهم

ماعمرك تشوفين ممرضه تضحك او تبتسم لك الا من رحم الله

عشت سنه في بريطانيا وكان اغلب وقتي في المستشفى مع بنتي

ماتتخيلون حسن خلقهم
حتى اذا جاو يتطمنون او ياخذون الحراره وخلافها لبنتي فالليل وانا نايمه مايشغلون النور واذا احتاجو شغلت لمبه صغيره عن راس بنتي
كل هذا ليه؟؟؟؟؟؟ عشان ماتزعجني وانا نايمه
واذا شافتني تحركت اوحسيت فيها جلست تطبب علي وتعذر بصوت قصير وتقول لي نامي لا تحاتين

مع اني في غربه وبنتي وصلت لدرجه يأسو من حالتها وامي وابوي الله يرحمه بعيدين عني ولا عندي احد اشتكي له الا اني ماكنت اتوتر في المستشفى كثر ماكنت اتوتر في السعوديه مع ان الممرضات مسيحيات هنا وهناك

والله حتى بنتي ماتخاف منهم من لطفهم
وعندهم نقطه حلوووووووه وهي انهم مايلبسون الابيض اللي يلبسونه ربعنا في السعوديه
كل الممرضات يلبسون لبس ملون وفيه رسومات وحيوانات وكل وحده لها لبس غير الثانيه يعني الطفل مايدري انها ممرضه

عندنا هنا كلهم لابسين ابيض من يبداء الطفل يفهم ويستوعب يصير يكره كل من يلبس الابيض ويعرفهم

وكان يعالج بنتي بروفيسور رئه للاطفال ( الاول والافضل في بريطانيا كلها)

وكان متوااااضع ماتفرقين بينه وبين اي شخص في المستشفى

ولا عمري شفته لابس البالطو الابيض لا في المستشفى وفي جولاته الصباحيه على مرضاه ولا في عيادته

كان بلبسه العادي

ياكثرررررررر البربره

بس قلبتو علي المواجع وحبيت اتكلم واحد يسمعي