مولينكس

هلا حوائيات

شريت جهاز مولينكس ابو 22 قطعه وعجزت افهم عليها ما عد الخلاط عرفت استخدمه لكن باقي القطع


عجانه وفرامه وتقطيع الخضار والفواكه ما عرفت اركبها واستخدم



لا تقولوا الكتالوج قراته ما فهمت عليه لو ممكن اللي عندها تشرح لي استخدامها له وياليت بالصور


وتقول ايش استفادت منه


والله يجزاها خيرا ويسعدها يارب

13 تعليق 2,309 مشاهدة

شاركي في النقاش

سجلي الدخول لإضافة تعليق.

التعليقات

13
  1. @lyl1438

    حبيبتي في البداية لازم تركبي الجهاز صح حتى يشتغل معاك و اذا كنتي بتسوين سلطة على سبيل المثال
    تحطي الجك الكبير و بعدها تركبين فيه العمود الي يجي معاه و تركبين الشفرات داخل العمود و حطي الخضار الي تبين
    و ركبي الغطاء و اقفليه باحكام يعني حتى يطق طقه بسيطة و تاكدي انه ما راح ينفك و بكذا يشتغل الجهاز معاك و الله يهنيك يارب فيه
  2. @lyl1438

    اما من ناحية الفوائد مررررره حلو الي معاي ابو 29 و عشرين خدمة بس مرتاحة علية وله معاي تقريبا 6 سنوات و استفيد منه في العصير و عصر البرتقال و تقطيع الفواكه و الخضار و البشر و العجانه مرررررررررره حلوه و ان شاء الله اكون افدك
  3. @am_rytag_10

    صاحبة الموضوع
    مشكورين خواتي بس يا ليت توضحوا لي اكثر مثلا العجانه ايش القطع التابعه لها والشفرات وايش الخدمات اللي ممكن اسويها

    بالمولينكس ولو ممكن بالصور والطريقه

    مشكورين سلفاا
  4. ممكن سؤال يا ام ريتاج بكم شريته لاني ناويه اشتريه وخايفه الميزانيه ما تغطي وهل تصلح لخلط مقادير الطعميه والفلافل والمعصوب لان زوجي يحبها مره ودايما يطلبها مني وما تضبط معي ابدا واسفه ياقلبي طولت عليك
  5. @hlm_almtr

    هلا اختي ام ريتاج انا عندي لكن للاسف الجهاز خرب اخذ عندي 5سنوات واستخدامي له مو يومي استفدت منه في العجن وفرم اللحم وبشر الخضار وعصر الفواكه بس عقبها توبت اشتري جهاز ومعاه قطع لانه اذا خرب الجهاز بتبتلشين بالقطع بالنسبه للعجن استخدمي الشفره البيضاء اللي هلى شكل مراوح البلاستيك ولفرم اللحم الشفرات الحديد

تابعي تجارب أخرى من هذا القسم.