شاركي في النقاش

سجلي الدخول لإضافة تعليق.

التعليقات

19

  1. @sdym_almdynh

    لا تغامرين بعمرك لان شيل الاشياء الثقيله تاثر على اللولب وتحركه من مكانه وكمان القفز فما بالك بالتمريخ

    انصحك اذا بتمرخين شيلي اللولب اول

  2. @am_yosf_smyr

    والله ما تعبني و جابلي الام في الظهر غير الممرخة او المدلكة (مع احترامي الشديد لهم)

    مرة رحت لها وانا مافيا الا العافية, حرمة كبيرة في السن و لها خبرة و لها فترة تمرخ المهم رحتلها عشان خفت يكون عندي ميلان او نزول الرحم وخفت يكون دا سبب تاخر الحمل و حبيت اعرف, رحتلها و مرختني لمدة 3 ايام كل يوم تاخد 100 ريال

    طريقة التمريخ: كانت تدهن بطني جهة رحمي بزيت و بعدين تجيب بقشة كبيييرة مدورة خيش او شاش ولها فتلة و تولعها بالنار و بعدين تجيب زبدية خشب و تغطي بيها الفتلة, طبعا وقتها تنطفي الفتلة و مايكون في هوا جوا فتقدر انها تحرك الزبدية وهيا لاصقة في بطني جهة الرحم زي ما تبى, وتفضل تشد وتشد يمين و يسار و فوق و كل شي و قالت لي عندك نزول في الرحم
    و اخر يوم سوت نفس الحركة في بطني و في ظهري من تحت و لمن سالتها ليش قالت عشان اسك ضهرك اللي انفتح من التمريخ ووقتها احس بالم اكتر من الالم اللي كان في بطني و قت تمريخها

    والله العظيم من بعدها الين يومك دا وانا الم ضهري بدا و ما صرت اقدر اشتغل شغل البيت لوحدي ابداااااا صرت اجيب شغالة باليوم تساعدني وانا اساعدها بشي بسيط او تشتغل لوحدها من الالم
    والالم تحت في ضهري محل ما مرختني بالزبط, حرمت بعد كدة اروح لممرخة او حتى افكر اجيبها

    لمن رحت لدكتورة دلال بوقس في مستشفى سليمان فقيه وكشفت عليا وحكيتها على اللي صار, طلت فيا نظرة كدة وقالتلي ماعندك نزول رحم ولا شي, وانتي لسة ما حملتي ولا ولدتي عشان رحمك يتاثر بشي.

    صديقتي دكتورة بتدرس طب وقالت دا كله كلام والرحم ما ينزل ابدا, الرحم يميل فقط و لا تروحي لممرخات ولا شي.

    اسفة لو طولت في الحكاية بس حبيت انبهك واكتبلك تجربتي لاني عانيت من الام ظهري وانا ما كان فيا الا العافية بس الحمدلله على كل حال, الواحد يتعلم و ياخد درس.

    وبالنسبة للولب ما عندي اي فكرة عنه والله يسهل امورك يارب

  3. @lmony

    صاحبة الموضوع
    يعطيكم العافية بنات
    انا سألت الداية قالت لي ،، مافي مشاكل ان شاء الله بس انا برضو خايفة وشكلي بروح للدكتورة اسألها اووووووووووول


    دعواتكم

تابعي تجارب أخرى من هذا القسم.