تفضلي بطلب وصف اي موقع تريدين وسوف نساعدك بإذن الله

اريد توصيف تي شوز اذا في فرع بالشمال

وكمان فرع سيتي ماكس بالشمال وربي يوفقكم

محلات اجمل بالحفر

ومحلات برومودا بالحفر وايتام

في سوق الراشد مول

اتمنى اكون افدتك لاتنسني بدعوة

مرحبا
حابة اسأل عن موقع عيادات سوان في الرياض مع العلم اني ساكنة في الشفا جنوب الرياض

تي شوز في العليا طريق الملك فهد قبل تقاطع العروبه اذا انتي جايه من الشمال بجوار مطعم الخليج الذهبي ومطعم البيت الإيطالي

سيتي ماكس طريق الملك عبدالعزيز تقاطع طريق الملك عبدالله
تكونين بطريق الملك عبدالله وجهك شرق اذا جاك على يمينك مطاعم الماريز ويلنزلار والمفروشات لفي يمين على طريق الملك عبدالعزيز وسيتي ماكس على يسارك باول الشارع

سمعت بيغرون مكانه بس مدري غيروه او لا


ما اعرف بالحفر كويس
بس شوفي ساره مول فيه اغلب الماركات واكيد بتحصلين اتام وبرومود وغيره



امسكي طريق الملك فهد المن توصلين العليا امشي سيدا بشارع العليا الى ان يجيك شارع موسى بن نصير على اليمين ادخلي يمين من عند عمائر السيركون والعقاري امشي سيدا الى آخر الشارع بعدين بيجيك مفرقين واحد يمين والثاني يسار لفي يسار وبعدين على طول يمين وامشي على الشارع هذا اسمه (شارع الامير ممدوح بن عبدالعزيز)


واتصلي عليهم يعطونك مكانه بشارع الامير ممدوح


وسمعت انهم فتحوا العليا فرع ثاني
الرياض –شارع الأمير ممدوح بن عبدالعزيز (الثلاثين السليمانية)-4163737