تحبين واحد من عيالك اكثر من الثانين؟

سلامات ياحبوبات










طبعا انا ولدي عمره 5 وشوية و بنتي 2 سنة و ارحم بنتي اكثر بحكم صغر سنها بس محبتهم واحدة ..
لفت نظري ما كتبته احدي العضوات تقول في سياق موضوعها انها متعلقة باحد ابنائها اكثر من الاخرين ؟؟ انا عندي طفلين و محبتهم وااحدة بقلبي هل ياتري في يوم من الايام راح يجيني يوم واحب واحد اكثر من حبي للثاني؟ وانتن يا بنات حواء هل فيكن وحدة متعلقة بطفل من اطفالها اكثر من الثانين؟
طبعا انا ولدي عمره 5 وشوية و بنتي 2 سنة و ارحم بنتي اكثر بحكم صغر سنها بس محبتهم واحدة ..
طيب و انتم؟؟؟
الموضوع للنقاش و الدردشة

67 تعليق 12,442 مشاهدة

شاركي في النقاش

سجلي الدخول لإضافة تعليق.

التعليقات

63
  1. @baby_sitter

    أنا بتكلم عن امي بحكم إني مو متزوجة ^_^

    أنا أحس ان أمي تحب أخواني أكثر مني
    وواجهتها بهالشيء قدام أخواني
    وهي تقول والله أحبكم كلكم نفس الشيء

    وطلبت من اخواني يرتبون محبة أمي لنا
    وكلهم رتبوا واختلفوا بالترتيب مين الأول لكن الكل أجمع اني الأخيره

    شفتي مو بس أنا اللي حاسة حتى اخواني حاسين بهالشيء
    يمكن تحسين انك تحبينهم زي بعض لكن المعزة و "الرحمة" تختلف

    مثلاً يوم انّا صغار جايبين عشى من بره وبعدنا ما حطينا السفره
    وانكب واحد من الببسيات وهو بالكيس

    ثم قالت أمي يوه هذا ببسي فلانة "اللي هي أنا" انكب
    طيب بعدنا ما وزعنا ولا صار حقي عشان أنا اللي أنحرم

    وفيه اخواني أكبر مني وليه ما قالت أحد من الكبار
    وفيه حل ان كل واحد يصب من حقه شوي وكلنا نشرب

    وأمي تطالعني وتضحك وأنا وجهي صار أحمر وخنقتني العبرة
    وأختي قالت خوذي حقي وأنا زعلت وقلت ما بي
    <<<<< كنت بأولى متوسط

    شوفي كم سنين مرت ولازلت أذكر
    أمي تحبنا لكني آخر وحدة بقلبها

    بحجة انتي تقدرين تاخذين حقك
    طيب ولو!! مو معناته تحقريني وتبدين خواني علي

    وانا مو هامني الببسي اللي كسر خاطري أمي من كلمتها
    تبرمج عندي إني مو مهمه بالنسبة لها وبالطقاق فيني

    وأختي كاتبة الموضوع انتي تقولين أرحم بنتي لأنها صغيرة تراه هو صغير بعد
    لا تبيني له تراه يحس مثل ما كنت أنا أحس


  2. @lya11

    صاحبة الموضوع
    baby sitter
    أنا بتكلم عن امي بحكم إني مو متزوجة ^_^ أنا أحس ان أمي تحب أخواني أكثر مني وواجهتها بهالشيء قدام أخواني وهي تقول والله أحبكم كلكم نفس الشيء وطلبت من اخواني يرتبون محبة أمي لنا وكلهم رتبوا واختلفوا بالترتيب مين الأول لكن الكل أجمع اني ال…
    يا حبيتي اكيد امك تحبك و بعض الاسر يحبون الولد اكتر من البنت ان شاء الله ربي يفرج همك واشكرك نبهتيني لنقطة كنت غافلة عنها
    وأختي كاتبة الموضوع انتي تقولين أرحم بنتي لأنها صغيرة تراه هو صغير بعد
    لا تبيني له تراه يحس مثل ما كنت أنا أحس
  3. @am_aldloaayn

    انا عن نفسي ماحب افرق بينهم بس الصراحه مافرق الاخوان والاخوات الا تفريق الأم والأب بين اعيالهم واحد فوق روسهم واحد تحت ارجولهم حت صارو الاخوان مايطيقو بعض ويستمر هالكره الى الابد وتصير قطاعه وحسد وألم واذاماتو خلو هاضعوف يتقاتلون بسبت هاتفرقه مو يتقاتلون بذابح لا يتقاتلون بالعين والحسد والحرمان
  4. @ghdy_agml_2

    مكانتهم بقلبي وحده ..

    بس يمكن افرق بمعاملتهم كل واحد حسب سنه ..

    والصغار نعاملهم معامله خاصه جداً لأنهم صغار ومن باب الرحمه مو لأننا نحبهم أكثر

تابعي تجارب أخرى من هذا القسم.