اليوم في مكتبة الملك عبد العزيز ندوه عن "حقوق المرأة بين الشرع والمجتمع"
تقدمها
د/نوال العيد
د/نوره العجلان
د/أفراح الحمضي
وطبعا أقيمت الندوة’ ردا على الندوة السابقة
وعلى المؤتمر إلي صار قبل أسبوع ومنع حضور أهل الخير فيه
وها لندوة فرصه لطرح أرائنا من غير ما يزيفها احد ...
المشكلة انا توي جايه من هناك رفضوا يدخلون احد يقولون البوابات فاتحة من اربع ؟؟؟؟؟؟؟؟؟؟؟؟؟؟
والندوة تبدأ الساعه7
ومن قبل الساعه 6 ونص وهم مقفلين البوابات والناس إلي برا لا يقلون عن 200 أنا رجعت البيت انا وبنت عمى بعد ساعة من الانتظار ....... بعد ما فقدت الأمل الساعة 8 إلا عشر
وهم
ما عندهم نيه يدخلون احد
ومنافخ وقلة حيا من المنظميين على الحريم الي طلبو انهم يدخلوون
طييب ما دام حاطين ندوه يبغون المرأة تشارك برأيها ليه ما حطوا مكان يكفي العالم الي جايه ؟؟؟؟؟
ليه ما اقاموا الندوة في مركز الملك فهد الثقافي مثلا ؟؟؟
صديقاتي داخلين يقولون الناس واقفين في الأسياب وزحمه والمكان صغير؟؟؟
وبعدين يوزعون اعلانات في المدارس والجامعات وحمله اعلانيه واخرتها
على قولة وحده من الحاضرين ..مكان ياله يكفي عزيمة الجيران.........
.
.
.
حتى مديرة الندوه العالميه للشباب الاسلامي يالله دخلوها في الاخير ..و معها كم وحدة من اعضاء الندوة
وبعض الناس معهم دعوات خاصة وما دخلوهم يقولون زحمه
والله قهر ما قد تحمست احضر او اشارك مثل اليوم معلقه الإعلان فوق الكمبيوتر عشان ما انسى ...
ومشغولة هالاسبوع
واجلت اشغالي هاليوم عشان هالندوه واخرتها الناس في الشارع ......
والي يقهر زياده ناس حاضرين ما عندهم ما عند جدتي...يحسبونها ساعة صدر..
وثنتين شفتهم طالعين من البوابه سألوهم بعض الحريم عن الندوه .....قالت بطريقه طناش ما فيه شي مهم وما ادري ايش
قلتلها طيب ليه حاضره؟؟؟ ليه ما شاركتي؟؟؟
لييه طلعتي قبل لاتنتهي ؟؟؟
قالتلي والله انك فاضيه حنا عندنا عيال وبيت مو فاضيييين!!!!!!!
طيييب لــــــــــــــــــيـــــه جــــــــــــــــــــــــــايــــه لـــــــــــــــــــــــــــيــه ؟؟؟
ما خذين مكان على الفاضي ..
.
.
.
.
.
.
.
.
.
.
الله يخلف
وين التنظيم لمثل هالندوات الي المفروض الكل يشارك فيها ...
لكن ما اردى من الي نظم
الا بعض الحضور من قوم خويتنا^^^
شاركي في النقاش
سجلي الدخول لإضافة تعليق.
التعليقات
11- وأنت ليه متحمسة كذا ؟؟؟؟؟؟؟؟؟؟؟
مدام إنه فوضى أزين إنك ما دخلتي
يبون يحلون مشاكل المرأة كلها في ندوة مدتها ساعتين أو ثلاث
أكيد في ندوااااااااات قادمه وإن شاء الله تدخلين وتشاركين - ههههههههههههههههههههههههههههه والله إنك صادقه.............
- لا تزعلين نفسك , هذي كلها شكليات هرج على الفاضي
- اشكر كل من شارك
وعموما....كل انسان له رأئ
انا في نظري إذا قلت انا وغيري هالكلام طووول عمرنا ما راح نغير شي لكن
كل انسان واحساسه بالمسؤليه تجاه نفسه ودينه ومجتمعه...فلو كل وحده قالت مثل ما قلتوا كان ...على الدنيا السلام
الندوه عقدت لنا نحن لنوصل رأينا
عقد قبل فتره قصيره عقد مؤتمر ...المنظم لهذا المؤتمر الامم المتحدة !!!وشاركت فيه سيدات من المجتمع لكن لو نظرت لجميع من شارك فلن تجدي غير اسماء العلمانيات والمؤيدات لتحرير المرأة لكن التحرير على طريقتهم
يبون ينزعون الحجاب<<
يبون يسوقون سيارات يبون الاختلاط والعمل مع الرجال
يبون يسافرون لحالهم
ما يبون محرم
ما يبون ولى امر <<<ليه ولى امر بتطلع وتخل على كيفها ...بتسافر على كيفها
وطبعا مؤتمرهم
راح يخرج بتوصيات !!وبالنهايه قرارات
القرارات راح تكووون قوانين وراح تمشي على الجميع بأسمنا
بأسمي واسمك واسم جميع السعوديات وراح يقولون إن هذا رأينا وانهم ((هيئة الامم المتحدة)) :30:
جايين يرفعون عنا الظلم ....
بس الي عرفته ان العالم والزحمه جايين يحسبونها محاضره
نص الي جايين بزارين ونصهم كبار في السن <<<<<وش يبوون
ضيقوا على خلق الله من غير فايده
لا وحده قامت يقالها بتقوول مشاركتها
جايبه شعر ....حنا فدا ابو متعب وحنا نتشرف بالسلام على حرمه وحنا وحنا
وش تبي هذى الضاهر شايفه الندوه فلة حجاج وحفله ملكيه
والثانيه عندي مداخله ومسويه زحمه
ومهمه واخرتها 3 ابيات شعر
زوجي انت تكفخني وما ادري وشو بس حتى لو تكفحني تراني احبك :D
ووحدة مسكينه جايه من الخرج تقول انها جايبه مشاركتها ومشاركات لزميلاتها في الكليه
بس عدم تنسيق الحضور هو الي خرب الندوه
المشكله حضروا ناس ما يدرون وش السالفه ....
المفروض حددوا الحضور بدعوات خاصه
اوو الي تبي تحضر وتشارك تسجل بياناتها قبل بيومين
عشان ما يدخل فيها احد بس تكثير سواد
ويحددون اقلها العمر ما احد يدخل اقل من 18 ولا اكثر من50 إلا ان كانت متعلمه
او دكتوره معها شهادتها
عشان تكووون التوصيات الي تطلع تطلع من ناس مسؤله عن تصرفاتها :( - اشكرك عزيزتي قاع البحار<<<<<<<<<أخيرا ردة وحده تفهمنى
الي غايضني
*ما كان هناك تنظيم..
*كان هناك حضور كبير من كبيرات السن ....والرأى في نظري والقضايا المطروحه لاتدركها النساء الاميات .....او بالاصح لن ترد عليها من منطقهم
والفئه الاخرى هم المراهقات ...صديقتي حضرت وتقول بنات متوسط وثانوي ,,لا استماع ولا مشاركه فقط ازعاج سواليف وووووتبادل بلوتوثات :39:
واعيييد واكرر
هذى ندوه وليست محاضره وهذا ما ازعجني....
*****والاهم راح يفرحوون العلمانيات ومن تابعهم بمستوى الحضور والهيصه الي صارت
لان الي نظموها العلمانيات كانت افضل بمستوى الطرح والحضور....هذا غير الي قاموا يخربطووون شعر وكلام فاضي ..في ندوه تقرر وتخرج بتوصيات تخصنا نحن ..وفيها تقرير مصير
وعنى وكيف اخدم قضيتي ..فأنا ولله الحمد عضوه في الندوة العالميه للشباب الاسلامي وهمنا واحد وكنا نتابع القضيه من بدايتها واعرف ان هناك عضوات من الندوه العالميه حاولو حضور ((مؤتمر المرأه الذى اقامته الامم المتحده))ولكن رفض حضورهم لعلمهم بتوجههم السليم
وهذا ما زاد حماسي لحضور الندوه
اشكرك اختى على مشاركتك لنا في رأيك
مواضيع مشابهة
تابعي تجارب أخرى من هذا القسم.