تكفون ساعدوني او ادعو لي

انا يابنات عندي ولد الحين بيكمل اربع سنوات
وعناد الدنيا فيه وعصبي لدرجه مو طبيعيه
عمره ماحد شافه ماعلق على عصبيته
والمشكله الاكبر والادهى والامر انه للحين ماتعلم الحمام
انا يابنات من عمره سنتين ونص احاول اعلمه اجلس فتره
وافقد الامل وارجع بعد فتره من جديد ابدأ اعلمه
والحين صار لي اسبوعين اعلمه وفعلاً انا نفسياً تعبت من هذا
الموضوع لان كل الي حولي ذبحوني بالإنتقاد وهو استغفر الله ياربي
احس مافي امل يتعلم وانا ماخليت طريقه ماسويتها
مثلاً:
شريت له هدايا كل الالعاب الي يحبها وقلت له كل مره تسوي شي في الحمام اعطيك لعبه لكن لاحياة لمن تنادي يقول مأبغى
طنشته ماصرت العب معه ولا اعطيه وجه بحجة انك مو نظييف باقي تسوي على نفسك وكمان ولافكر
استخدمت اسلوب الشده وضربته كمان مافاد
انا ياعالم مستعده اسوي اي شي مستعده اخسر نص عمري بس يتعلم الحمام
الزبده ابغى مساعدتكم لي واقتراحاتكم لعل الله ينفع بها
ترا هذا بكري وجبت الحين بعده ولد ثاني والله يعين بس

ولاحد يقول يمكن يغار من اخوه بطمنكم ابد مايلتفت له اصلاً

والي ماعندها اي اقتراح ترفع الموضوع بدعوه طيبه
يمكن تكون في ساعة استجابه