تخيلوا... مرت اخوي بكم جهزت الكوشة وطاولات العرس .. والله انصدمت

بنات فعلا المسالة نسبة وتناسب..

والله سبحانه هو اللي بيحاسب كل انسان.. انتوا ايش تدرون عن نشاطاتها ولا نشاطات اهلها الخيرية.. ولا ايش سووا لدينهم.. او ايش بيجاوبون ربهم..

اذا بتمشون على هالكلام.. عيل كل الفلوس اللي تصرف في كل الاعراس حرام وتبذير.. حتى لو العرس كله كلف 100ألف لان في ناس مب محصله تاكل..ولاتلبس...الخ


مثال بسيط .. العرس عندنا في قطر يكلف بالراحه وبالمستوى المتوسط 150 الف وفووووق..
اعرف ناس تزوجوا من دول حذانا على 20 الف ... يعني هم لو عرفوا كم نصرف بيقولون هذا تبذير ومصاريف على الفاضي..

صحيح 200الف سعر مبالغ فيه جدااااااااااااا للكوشة والطاولات.. بس المساله نسبة وتناسب يمكن هي تنفق اضعاف المبلغ هذا في الخير..


احنا مانقعد نحكم على الناس ونحسب فلوسهم.. وارجوكم يابنات تتذكرون ان العبد لينطق بالكلمة لا يلقي لها بالا فيلقى به في قعر جهنم.. واريد اذكركم بالحديث الشريف:(( من قال هلك الناس فقد هلك )).. يا جماعة الخير اقدر لكم غيرتكم وخوفكم من الاسراف وشفقتكم على اللي مايحصلون اكل ولا مكان امن ينامون فيه.. لكن بعد مانملك الا ندعي لهم بالهداية .. بدون ماندينهم.. لان هذا من اختصاص الله سبحانه وتعالى..

واذكركم بهذي القصة..

خطب عمر الناس فحمد الله وأثنى عليه فقال‏:‏ ألا لا تغالوا في صُدُق النساء، فإنه لا يبلغني عن أحد ساق أكثر من شيء ساقه رسول الله صلى الله عليه وسلم أو سيق إليه، إلا جعلت فضل ذلك في بيت المال‏.‏ ثم نزل، فعرضت له امرأة من قريش، فقالت‏:‏ يا أمير المؤمنين، أكتاب الله أحق أن يتب أو قولك‏؟‏ قال‏:‏ بل كتاب الله، فما ذاك‏؟‏ قالت‏:‏ نهيت الرجال آنفا أن يتغالوا في صُدُق النساء والله يقول في كتابه ‏{‏وآتيتم إحداهن قنطارا فلا تأخذوا منه شيئا‏}‏ ‏.‏ فقال عمر‏:‏ كل أحد أفقه من عمر - مرتين أو ثلاثا - ‏.‏ ثم رجع إلى المنبر، فقال للناس‏:‏ إني كنت نهيتكم أن تغالوا في صداق النساء، ألا فليفعل رجل في ماله ما بدا له‏.‏

والله يهدينا واياكم ويغفر لنا ولكم.. :27:

كلن وميزانيته..يمكن هال 200000ماتفرق عندهم..ويمكنهم بطلعين ادبااال ادبالهااا للأعمال الخيريه

الله يوفقهم ان شالله ويسعدهم ويبعدهم عن العين

((دع الخلق للخاااااااااااااااااااااااالق))

ما اقول الا الله يعظم اجر اخوك هالضعيف ..
صار الزواج مظاهر في مظاهر
مهما بلغت فلوس الانسان المفروض ما يلعب فيها لعب

بس المشكلة يا ناس لا صار بعد هالمخاسير كلهااااااااااا الزواج يجيب الهم يعني مو حلو وش الفايدة من المخاسير .. ولا لا قدر الله تطلقت الوحدة بعد ما خسرت الشيء الفلاني ..
اكيد بتقولون نصيب صح نصيب لكن الاسراف ما يجوووووز


الف مبروك للعروسين والله يكفيهم شر الحساد

اختي :
من اين جئتي بخطاب عمر بن الخطاب لاني اريد فقط ان اتأكد.
اكرر مثل قولك و قول بعض الاخوات:
دعوا الخلق للخاااالق :27:

اخذتها من موقع اسلامي..

يالغاليه حاولت اشوف الموقع.. وماقدرت اوصل له.. وكانت القصه مكتوبه بأكثر من اسلوب.. وهذي لقيتها كاملة واول وحده قلت يمكن هي الاصح..


اذا حابه تتاكدين من القصه حطي الايه في جوجل وان شالله تلقين الي تبينه..


والسمووووووووووحه :)