قوة بنات
فضلا لا امرا لاتقرون وتطلعون
اذا ماعندكم رد
بس ادعولي وبسلامتكم يالحلوات
و( الي عندها رد او كلام يجرح ياليت تحتفظ فيه :mad: ) احسن لها وآجر كمان
والله اني متعقدة مررة من بعض الردود الجارحة والي مالها داااعي لدرجة لما اقرا نموذج مثل هالنماذج
اتعوذ من ابليس واقول كيف طاوعتها نفسها تكتب كذا
عزيزتي قولي خير او اصمتي
ولو ما اعجبك كلامي فقط ادعي لي بالهداية والصلاح
محتاجة دعواتك لي :44:
المهم كثرت قرق تحملوني
انا وش اسوي بعمري
نفسي يكون بيتي نظيف ومرتب
وريحته دايم بخور وفواحات
ودي لو بس مره اناظر في كل ركن من بيتي واحصله نظيف ويلمع
مطبخي داايم حوسة والمواعين حدث ولاحرج والارضية عليها كمان والدواليب كلها حوسة ومش منظمة هذا غير الغبار
ودايم مسكرة الباب
اخاف احد يدخله ويشوفه بهالنظر المقزز
تعبت عجزت ارتب وقتي وانظم زي باقي الحريم
وغرفتي آه بس من غرفتي
الكبت يجيب الهم والحسرة كل شي فوق شي
غير الادراج الي على التسريحة
والملابس الي في الكبت في دورة المياه تكرمون
في الاسبوعين اغسل مرتين او ثلاث على حسب
انا مو راضية بحالي :44:
قبل فترة اضطريت اروح لبيت سلفتي لظرف طارئ طبعا دقيت عليها وقلت 5 دقايق وانا عند الباب
والله يابنات ما ابالغ ريحة بيتها خبال وغير النظافة والترتيب كوم
واولادها كوم ثاني ودك تاكلين بيتها من زود النظافة
والقهوة تقول كل يوم اسويها العصر مع صينية حلا
ياعيني عليها نفسي اصير زيها
بس ما اقدر :44:
ايوووووه ما اقدر الكسل والاهمال ذبحني وبهذلني
حتى زوجي تضايق مني
اي تضايق مني
ودايم يهاوشني ويقول بيتك او مطبخك قرف و وسخ
تعبت تعبت
ساعدوني
مع العلم انا في شقة صغيرة
وما عندي بزران يالله يارب ارزقني في ذي الساعة
وعاطلة يعني لادراسة ولا وظيفة ولاشي
يعني مشكلتي الكسل والاهمال والا مبالاة صصصحححح
الي ابغاه منكم 3 اشياء فقط
الاول
تدعون لي
الثاني
تساعدوني وتنظمون معاي والله تعبت نفسيا وانا مو راضية عن حالي
ابيكم تعتبروني وحده من خواتكم
ابغى كل ماشوف بيتي نظيف ومرتاحة نفسيا استقبلت القبلة ودعيت لكم من قلبي
ثالثا
ماابغى اي وحده تجرحني او تضايقني برد
ابغى اذا قريت كل وحده منكم دعيت لها لا عليها
والله دايم اتابع مواضيعكم
طبعا المعرف مو خاص فيني
موقت فقط
وان شاء الله اكون عضوة معاكم عن قريب
الموضوع مغلق