تجمع الموقنات برحمة الله(خبرات متبادلة حول مراكز العقم في مصر)الجزء ال19

شوشو

ربنا مايحرمنى منك

انا مش عارفة ا يه اللى دخلنى المنتدى تانى دلوقتى بس حسيت والله انك ممكن تكونى دخلتى ورديتى عليا وفرحت قوى لما لقيتك رديتى بس شفت مهاميهو وخبر الحمل اللى هزنى وبقت الفرحة مضاعفة



دوعة

هى ايام القلق والتفكير فى الولادة والاحلام اللى ترعب بدات فعلا مع ان فاضلى 72 يوم على الولادة وانا مبسوطة انك كتبتينى من ضمن اللى على وش ولادة عشان حسيت ان الايام هتجرى بسرعة واجى اقول لكم انا ولدت ورجعت لكم تانى

يارب يادوعة اشوفك لما انزل مصر وتكونى حامل وبالصدفة تكونى برضه فى اجازة فى مصر

عارفة يادوعة

انا معاكى فى مساوئ الغربة بس لو فكرنا بهدوء هنلاقى ان القعدة فى مصر فى بيت اهلنا او عند اهل الزوج حتى مملة جدا وليها برضه مساوءها ومش هتبقى على راحتك برضه لا فى القعدة جوة البيت ولا حتى برة البيت وهتتعاملى على انك ضيفة فى بيت اهلك
انتى حاولى تشغلى نفسك باى حاجة فى الغربة بجد هتفرق كتير قوى
شوفى مكان العبى فيه رياضة او مارسى هواية بتحبيها او حتىاتعلمى طبخ اكلات جديدة المهم حاجة تكسر ملل الوقت وخلاص

مصرية ودوعة

خلوا بالكم من ازواجكم ومن الناس اللى عاوزينهم يتجوزوا عليكم دول

تعرفوا انتو فكرتونى لما كنت بعمل عمرة فى السعودية انا وزوجى ركبنا مع سواق تاكسى كبير شوية فى السن وقعد طول الطريق يتكلم مع جوزى ويدردش وانا بسمع الحوار وساكتة والراجل الصراحة كان دمه خفيف وبيهزر
وفجاة لقيته بيسال جوزى متجوز كام واحدة قاله واحدة بس لقيت الراجل استغرب قوى وقاله لا ماينفعش على الاقل اتنين ولا تلاتة قاله انا لسة متجوز من سنة ونص قاله انا قبل ماتم السنة كنت متجوز اتنين ؟؟؟؟؟


بصراحة كرهته بعد ماكنت مستظرفاه :mad:

عندى واحدة صاحبتى بالشغل كويتية

لسة كنت حاضرة فرح اخوها فى شهر مارس اللى فات

لقيتها بتعزمنى على فرحه مرة تانية بعد شهر
اتخضيت وقولتيلها هو انفصل عن زوجته ولا ايه
قالتلى لا دى حتى حامل وهتولد بعد شهرين بس دى مراته التانية
وقالتلى انه عادى الاولى موافقة ومش معترضة لانه كان متفق معاها على كده من ايام كتب الكتاب
وناوى يتجوز 4 تخيلوابقى يتجوز اربعة فى خلال 3 او 4 سنين ؟؟؟؟

الله يبارك فيكي يا مصرية وعقبالك وكل البنات هنا يا رب

بوبا
والله يا بنتي ما فرحت الا لما قلتلكو
بس الحمد لله ربنا منزل عليا سكينة وهدوء غريب
انا بيتهيالي ان مش فاهمة الله بيحصل
بقالي خمس سنين
والحمد لله
ربنا جبر بخاطري
والصبر حلو يا بنات
اخرة الصبر خير الحمد لله

هقوم اصلي الظهر واجيلكو

الحمد لله رب العالمين
بس بجد
الموضوع يا بنات مش موضوع حقن مجهري
لا
ده كان ابتلاء
وارجو ان يغفر الله لي ذنوبي يا رب

هجيلكو تاني ان شاء الله
وعقبالكو جميعا يا رب
والله يا بنات حلمنا ان شاء الله هيتحقق ونبقى تجمع حوامل كلنا باذن الله رب العالمين
الحمد لله رب العالمين