السلام عليكم ورحمة الله وبركاته
بكتب لكم مشكلتي باختصار شديد
انا متزوجة من سنتين وشوي وعندي ولد
مشكلتي ان زوجي مايحبني لاتقولون اتوهم .. قسم بالله مايحبني ومو معتبرني زوجة اصلا ويقولي انا مو مرتاح معاك
هو من قبيلة ثانية وعاداتنا مختلفة 180 درجة وهالشيء اثر على حياتنا
حملت بعد زواجي بفترة قصيرة وزعل اني حملت يقول مااستقرينا .. وهذا اكبر دليل انه مو مرتاح
والحين مانعني من الحمل يقول انصحك لاتحملين من واحد حياتك معاه مهزوزة
صارت مشاكل كثير بيننا .. سببها انه مو معترف انه مسئول عني .. كل شيء راميه على اهلي .. كم مرة ناقشته يقول احمدي ربك ان عندك رجال ساتر عليك وكثير ناس عايشين وهم مو طايقين بعض بس متحملين عشان عيالهم
تخيلوا يتحكم بالبيت على كيفه ولا ياخذ رأيي .. اجي من اهلي الاقيه بايع الكنب ولا فارش غرفة ويستشير اخوانه واخواته وانا اخر من يعلم
طلبته يطلقني كثييييير ... بس رافض تماما .. يقول عشان الولد ... واحيانا يقولي ماهميتيني لاانتي ولا ولدك .. كلام متناقض
يابنات قسم بالله مافي حياة بيننا ... عايشين كل واحد لحاله .. قسم بالله مااعرف عنه شيء حتى اسم مدرسته بالصدفة عرفتها .. حياتنا ميتة لأبعد درجة
والقهر اعرف اخباره من اهله .. وطول وقته مبوز بالبيت بس عند اهله ولا بالجوال انواع الضحك والوناسة
انا ماالومه الحب من الله بس تعبت .. مرة اقول مالي حل الا الطلاق ومرة اقول يابنت اصبري عشان ولدك وان شاء الله بيتعدل
وماافكر اروح بيت اهلي لأني سويتها قبل والنتيجة طناش ومو راضي يطلق ويقول روحوا المحكمة
والحين يقولي اذا مو عاجبتك العيشة معاي روحي لأهلك .. قلتله مااطلع من هنا الا بورقة طلاقي
الحين قهرررني لي شهر ابي دكتور اسنان .. الشهر اللي راح قال انتظري الراتب وهالشهر كل يوم يماطل وقبل شوي قاعدة اراسله قلتله انت بتوديني ولا لا قال لا ... قلتله ممكن اعرف السبب قال لا .. آآه قهرني الله يقهره
ومو غريبة دايم كذا ماعمره وداني دكتور يقول انا مو ولي امرك
واهله كل ماكلمناهم مايصدقون ولا يقولون احمدي ربك في غيرك ينضربون ..
هو الحين جاي افكر اقوله حتى انا ماني مسئولة عنك ومالي شغل فيك .. ومااشتغل بالبيت ولا اطبخله ولا اغسل ملابسه ..
بس اخاف يقلبها علي .. ومشكلتي طيبة وحساسة ومااقدر اشوفه جعان .. لأني احبه
وش رايكم والله تعبت من التفكير
اعذروني الكلام ملخبط بس زوجي جاي ومستعجلة
انتظركم ياحكيمااات ...
اللهم لكـ الحمد كما ينبغي لجلال وجهكـ وعظيم سلطانكـ ...
شاركي في النقاش
سجلي الدخول لإضافة تعليق.
التعليقات
18- حبيبتي حاااولي تطورين من نفسك و انسيه تماما اهتمي بجسمك غيري ستايلك غيري معاملتك معاه للأحسن حتى لو يصدك لااااا تهتمي
اهم شي طوري من نفسك استشيريه حسسيه برجووولته في الفراااش - الله يفرج همك وكربتك
الجئي الى الله في السحر وادعيه ,, القلوب بين اصبعين من اصابع الله عز وجل يقلبها كيف يشاااء - اختي انتي حطيتي في بالك فكره انه ما يحبك فهذا اثر على تصرفاتك معه
المهم الان انتي وقفي الجدال معه يعني لا تحطيه في بالك
وعيشي حياتك وطنشيه اهم شي ادي حقوقه الاساسيه
ولاتنسين الدعاء الاستغفار وفتشي في نفسك عن الامور التي انتي مقصره فيها مع الله - الله يفرج همك ويسعدك في الدارين
- صدقيني
يحبك
لو مايحبك
كان طلقك من زمان
ولا تمسك فيك
يمكن طبعه كذا
صبري
الصبر مفتاح الفرج
وعليش بلستغفار
مواضيع مشابهة
تابعي تجارب أخرى من هذا القسم.