كرهت أطفالي ونفسي !!!! وعائلتي

لا يا اختي.. انا مب مع البنات اللي قالوا لج خففي روحاتج لبيت اهلج..

لان هذي صلة رحم وانتي قلتي انج تزورينهم مرة بالاسبوع.. لاتقطعين هالعادة ياقلبي..

بالنسبة للوالده حطي في بالج ان وايد امهات مثلها واذا انتي واثقه من ذوقج مثل ماتقولين اسمعي منها واشفقي على كبر سنها ولاتاخذين بخاطرج.. الا انتي اخذي بخاطرها وبيني لها ان رايج يهمها حتى لو مابتمشين عليه..
وبالنسبه لانها تقول ان عيالج شياطين هذا لانها كبيرة بالسن.. اذا قالت لج كلمة مثل هذي عليهم قوليلها هذول يهال يمه واظن انج جربتي الاطفال وجيبي لها امثلة لاشيا سويتوها وانتوا صغار..
ولو اني اشك ان طبع امج يتغير لان في هالعمر يكون موقفها هذا طبيعي وما اعتقد بتغيره..

فانتي ريحي نفسج ولا تاخذين بالكلام الي تقوله..


بالنسبه لعيالج.. اكبر غلط الي تسوينه ياقلبي.. لان هذي طبيعة الاطفال .. حاولي تقربينهم منج.. حاولي تستمتعين بالوقت اللي تقضينه معاهم..

على فكرة اذا نومهم مب منظم ويسهرون لوقت متاخر من الطبيعي انهم يتعبونج طول النهار.. وهذا الي يخليج تفقدين اعصابج وتضربينهم..

فالحل يكون انج ترقدينهم من 7 ونص او 8 ... على الاقل تحصلين وقت لنفسج ترتاحين فيه بدون ضغوطات..

وزوجج وينه ليش مايساعدج على تربيتهم...؟؟؟؟!!!

في شي احب اقوله بعد.. اختي مايضرج انج تسالين عن وسائل التربيه اللي تساعدج او تقرين في الكتب التربوية.. عشان تستفيدين وتعرفين شلون تتصرفين مع عيالج..

واذا انتي مفكرة انج الوحيده اللي ماتقدر تسيطر على اطفالها.. شوفي برنامج سوبر ناني على ام بي سي 4 وانتي تعرفين ان هذي مشكلة معظم الامهات..


الله يفج همج ياقلبي ويبارك لج في عيالج.. ويهدي امج ويخليها لكم :27:

حبيبتي الاطفال كلهم حركيين ولله الحمد واثبتت الدراسات ان الطفل الحركي هو افضل من الطفل الهادىء لانه يقوم بتحريك حميع طاقات جسمه وبالتالي ينمي عقله
اما الطفل الهادئ فهو عكس ذلك
على فكره كل الحريم اللي كبار في السن من هذي النوعيه ما يحبون الطفل يتحرك وايد ولا يتكلم بصوت عالي ويحبون الهدوء وانا شخصيا خالتي من النوع هذا وازيدش من الشعر بيت انها تركض ورى اليهال وطقهم شنها مجنونه وتحرض فلان على علان بس كلا صار عغكسي عليها الحين عيالنا سواء انا مرت ولدها او بناتها عيالنا ما يحبون يرحون هناك واذا قلتيلهم بنروح انحاشوا

ربي يفرج همك ويفك ضيقتك وكربتك اللهم امين

حبيبتي روحي جيبي كتب في التربيه خاصه حقت طارق السويدان واهم حاجه رجعي الى هدي الرسول في التربيه
واخير كيف تخلين اولدك يقعد جنبك من دون ما يتحرك هذا ولد صغير يبغي يلعب والطفل الحركي يدل على شدة ذكاءه انا مدرسه موام بس البنت الي في الفصل حركيه دايما ذكيه واما عن العقاب لك الحريه على حسب نفسية بنتك اوابنك في اطفال ما يمشي معاهم الاضرب وفيه اطفال الكلام القوي الغليظ عليهم وفيه الحرمان من الاشياء الي يحبها او حرمانه من المصروف
**** اختي مسويه طريقه حق عياله حاطه اسماءهم في ورقه وجدول بايام الشهر اي واحد يسوي شي عدل له نقطه والنقطه تساوي ريال واذا غلط تناخذمنه هذي النقطه واخر الشهر تعطي كل واحد بعدد النقاط حقته ريالات وتنزلهم السوق والسالفه ما تكلف اكثر من 120 ريال واحتمال اقل ومااااااااااااااشاء عياله قمه وبصراحه اختي ما خذه هذي الطريقه من كتاب
والله يحفظك انت واولادك

مرحباعزيزتى الغالية **************
عيالك بخير ونعمة 000 بس انت حساسة ما ترضين بالنقد وتجيب لك ضيق الخلق 00
ديرى بالك على فلذات كبدك واقرأى عليهم آيات ( الكرسى و المعوذتين وآخر سورة القلم )
++++ والحمد لله رب العالمين ++++