تجمع الموقنات برحمة الله(خبرات متبادلة حول مراكز العقم في مصر)الجزء ال19

اوكســـــــــى ..
اه يااوكسى عليكى مش عارفه اقوللك ايه .. اكيد لو كان ينفع تاخدى اجازة كنتى اخدتى من زماااااااااااااان
المهم لازم تيجى تقولى لنا اخبارك ايه بعد الارجاع وهتريحى ولا لا ولجنه الايزو عملوا معاكى ايه
ربنا يسمعنا عنك كل خير يااااارب

هههههههههههه
الف سلامه على أنوس يا حبيبتي ربنا يحميه يارب
أنا وجنة الحمد لله بخير
وأنا رحت للدكتوره الحمد لله إمبارح ولاتعليق

معلش يا ريمو البرنسيسة بتعتي صحيت فجأه وإضطريت اقوم
أبدا يا ستي هقولك لاتعليق ليه وقوليلي رأيك
إنت طبعا عارفه المشاكل اللي عندي اللي قلتلكم عليها قبل كده
اللي هيه اللبن وألم الصدر وزيادة البريوت وجرح الولاده اللي تاعبني
المهم رحت للدكتوره وقلتلها على كل الحاجت ده
قالتلي آخد حبوب منع الحمل لمدة ثلاث شهور
وقالتلي إن كل ده لخبطة هرمونات نتيجة إن من بعد ما ولدت مازال هرمون الحمل موجود في جسمي
وإن كل الحاجات ده هتنتهي لو أخذت الحبوب
بيني وبينك أنا مش عايزه أخدها أنا كنت رايحالها ونيتي أعمل التحاليل علشان أطمن وأخذ دواء ينشف اللبن وبس
واسيب الباقي على ربنا
لكن هيه قالتلي حاجه مكنتش في بالي خالص
وأجيبها يمين أجيبها شمال هيه مصره على رأيها ده حتى مكشفتش عليه
خرجت من عندها متنحه بقول لنفسي بقى أنا كنت قاعده مستنيه معاد الكشف بقالي شهرين علشان تقولي خدي حبوب منع الحمل ؟؟؟؟ والمقابله كلها متخدش ربع ساعه؟؟؟؟
بس يا ستي ومن ساعتها وأنا عماله أفكر أسمع كلامها ولا لأ
أنا بصراحه متعقده جدااااااااااا من الدكاتره ومن البهدله اللي بهدلوهالي
ومش عايزه أرجع تاني ليهم ويقعدو يلعبو بيه ويبهدلوني تاني
وده اللي كان مخليني مش عايزه أروح لحد خالص وكنت مستحمله وخلاص
دلوقتي أنا مش عارفه
أسمع كلامها وأجرب وأديني مش خسرانه حاجه
ولا أستنى لما أنزل مصر وبجملة اللي إستحملته مع العلم إني ممكن أنزل على الصيف الجاي يعني تقريبا كمان سنه
؟؟؟؟؟؟
ما رأيك بقى في كل الرغي ده
وعايزه رأي البنات برده
على فكره هنا مش متاح إني أعمل التحاليل مني لنفسي كده ولا حتى أجيب أدويه من الصيدليه من غير رشتة طبيب
فكروا بقى وقولولي اعمل إيه؟؟؟؟؟؟