شاركي في النقاش

سجلي الدخول لإضافة تعليق.

التعليقات

4,367
  1. @mthayl95

    مرهفة الأحساس
    يارب اشكثر اعاني ........................الله يسلمك وعطر الكلام الله يسلمك وانشالله اذا ربيت باقولكم :)
    وانا انظف امس لقيت مجموعة أوراق عبارة عن مسابقة كانت وحدة من المدرسات تسويها لنا يوم كنت ادرس.... وهذي احد الأسئلة، ارجو الإجابه عليها:


    أذكري معاني الكلمات التالية وضعيها في جملة مفيدة:
    *مّزوزي
    *يتنهوص
    *نطع
    *زنجفره
    *محلط
    *متيَح


    رجاء إلى الي متأكدين من اجاباتهم: لاتكتبونها الحين.... خلنا نضحك على الي مايعرفون شوي :D
  2. السلام عليكم ورحمة الله وبركاته ..
    انشالله الكل بخير .. وحشني التجمع وااجد انا متابعتكم بس ماقدر اشارك خبركم دخلت التجنيد الاجباري مع بنتي ههههههه الله يسهل الايام ويهديها وتعرف تنام عدل فليل
    نبض الحروف مافي عنها اي خبر انشالله اتكون هي ومولدها بالف صحه
    بنت الحمادي.. حج مبرور وذنب مغفور انشالله
    ام حمد ... الرقم وماعليك امر.. اكيد بنحتاجه مالنا غنى عنك
    مثايل... انا عرفت 3 اشياء يعني اضحكي علي في الاشياء الباقيه
    ام سلمى الكرسي الي تقولين عنه انا شاريته من محطات البترول الي على طريق السعوديه .. انا شاريته حق البر
  3. @um_hissa

    مثايل95
    وانا انظف امس لقيت مجموعة أوراق عبارة عن مسابقة كانت وحدة من المدرسات تسويها لنا يوم كنت ادرس.... وهذي احد الأسئلة، ارجو الإجابه عليها: أذكري معاني الكلمات التالية وضعيها في جملة مفيدة: *مّزوزي *يتنهوص *نطع *زنجفره *محلط *متيَح رجاء إل…
    لوول .... صعبة والله الكلمات .. بحكم العشرة عرفت بس الثانية :
    يتنهوص = اي مب قاعد على بعضه ويتمايع في الكلام و الجلسة ... " لا يكون تطلع غلط بعد "

    مزوزي ..... مممم ما ادري كانها وصف لفعل " خائف " :D اكيد اشتغل الضحك يا مثايل !

    نطع .... يمكن جاية من كلمة " ناطع " اي ذي نكهة و طعم ؟
    محلط ... معفن وخايس و انتهت مدة صلاحيته ؟ مدري حسيتها كذا ... :D

    متيح ... ما ادري ...
    زنجفرة , بصراحة , استعنت بصديق :D وقال لي ابو العيال " فانيلة "
    بس والله ما طلبت مساعدة الا بالفانيلة !!
    هاه أبلة ... كم اخذت ؟ :39:

    الحين ,,, خليني انا اختبرك ... وبحط كلمات سهلة ...

    حبحر
    مطازيز
    وزيته
    يدف
    بوه
    الماصة
    الطاقة
  4. @ktraoy_1

    مزوزي= يعني اللي ماله صوت مسكين فقير يكسر الخاطر
    يتنهوص= يعني يحن ويصيح في نفس الوقت بس بصوت يحر مثل البيبيات
    نطع = يتلذذ في الاكل
    زنجفره= فانيله
    محلط= وسخ
    متيح= اللي ما منه فايده او المتين
    انا انا انا ابلة حصة 0000 بل من زمان ما سمعتي هالكلمه :)

    ان شاء الله تكون محاولاتي صحيحه بس كلمتين تخمين وكلمتين ما اعرفهم


    حبحر= فلفل اسود
    مطازيز= اكلة سعودية
    وزيته= خاشته
    يدف= يدز على ما اعتقد
    بوه= ؟
    الماصة=؟
    الطاقة= يمكن يمكن الشي الي ما ينفع يعني طاق بمعنى داق

تابعي تجارب أخرى من هذا القسم.