اشرايكم اسوي عرس والا اكتفي بالبيت

كــــــيفكم يابنــــــــات وكل عاام وانتم بالف خير
بدخل بالموضوع على طول لو وحده فيكم انخطبت او بنتها بتتزوج
تحطين العرس بقاعه وتعزمي الاقارب والمعارف ولا تكتفين انها تتشرع بالبيت ويجي ياخذها
اشوف اغلب البنات صايرين كذا ماعاد يحطون زواجاتهم بقاعات
اللي تقول الناس اللي بتنبسط والمصاريف علينا
واللي تقول كثر ماتحطين بيطلعون يحشون
واللي تخاف على بنتها او على نفسها من العين
انتم شرايكم اخاف اخلي زواجي بالبيت بس وبعدين اتحسف واقول ليتني مكبرته او حاطته بقصر لانها ليلة العمر
بلييييز لاتبخلوا بالردود :27:

58 تعليق 4,654 مشاهدة

شاركي في النقاش

سجلي الدخول لإضافة تعليق.

التعليقات

57
  1. @aamry_40

    لالالا للعرس


    انتي عارفة عروس هالوقت

    سهر وغنا لين الفجر

    وحريم متفصخات

    وغيبة ونميمة

    واسراف ومنكرات

    وهاذي كلها تجلب النكد وعدم البركة في الحياة الزوجية


    هالمشاكل اللي نشوفها ونسمعها كلها بسبب بدء الحياة الزوجية بهالمنكرات



    تدخل المنكرات من الباب وتهرب البركة من الشباك

    انتبهي اختي
    ودعواتك لي اتزوجك يارب
  2. @maatz_bthaty

    يا اختي ما يبغالها كلام ...

    سويه في قاعه على حسب امكانياتكم ...

    هذا فرح .. مو عزاء ..

    و تعزمي الناس اللي تحبك الاهل والاصدقاء والاقارب والجماعه

    انا ضد السكويتي بحجه عين و خلافه ..

    الله يخلي الاذكار والتحصينات و حسن الظن بالله ومحد يصيبه الا اللي ربنا كاتبه له
  3. @dmaa_ngd

    انا لو مكانك اسوي عرس بسيط عائلي وقاعة صغيرة ومرتبة وووبس التكاليف الباهضة مالها سنع والسكيتي ماله سنع ليش انت من حقك تفرحين ,,,
  4. حنآ لازلنآ نسوي أعرآس و نفرح وننبسط
    و الحمدلله معآرفنآ نآس محترمه جداً
    يعني مآفي تعري ولا نحط أغآني ولا شي يغضب رب العآلمين ..
    و تمر الليله من أروع الليآلي والكل مبسوط ..
    اما عين فهذآ بأمر رب العآلمين اذا كآتب شي بيصير حتى لو مآعزمتو أحد
    والوآحد يقدم الخير مآيقدم الشر ويحسن الظن بالله
    وبعدين العرس إشهآر من عهد أطهر البشر محمد صلى الله عليه وسلم
    لقول النبي صلى الله عليه وسلم: "أعلنوا هذا النكاح واجعلوه في المساجد واضربوا عليه بالدفوف" [رواه البيهقي]
  5. @aayon_aboabrahym1

    على حسب ظروفك الماديه

    انا اقول ليه متاخذين من الاستراحات الفخمه وحطى لك كوشه ودجى بدل الطقاقات واعزمى القرايب من خوال وعمام وبناتهم واهل الولد نفس الشى ينادون عماته وخالته بس

    كذ انتى بترتاحين وتنبسطين بدون كلافه ومصاريف

    وخلى عشاء الرجال عليهم اريح لك

تابعي تجارب أخرى من هذا القسم.