*((لبيك اللهم لبيك)) هنا تجمع الناويات على الحج هالسنة و اللي حجوا السنوات الماضية*

امين يارب

لاعادي مافيه احراج انا بــ
حملة النخبه

الله يسهل كل امورك
ولا تخافين كل اللي حجو قبلنا قالو ماحسينا بفراق عيالنا من كثر فرحتهم وقربهم من الله في الحج

اسئلتي متأخره بس اسمحو لي توي القاكم

الحين يوم العيد اذا رمينا جمرة العقبة على طول نروح الحرم والا نرجع للمخيم نقصر ونتحلل بعدين نروح الحرم نطوف ونسعى؟

ابي اعرف احسن وقت للطواف والسعي

الله يتقبل منا ومنكم ويسهل لنا يا رب

اسرار جنى

عادي اختي لاتحاتين


انا امي يوم تحج كانت باول الايام متضايقه انها خلتنا مع اني كنت بالكليه يعني كبيره بس تعرفين قلب الام

المهم كان معاهم وحده فلسطينيه قالت لامي على ايش تخافين على عيالج وهم بامن وامان ؟؟
اجل كيف اللي جايين للحج وعيالهم ببلاد مافيها امان اما حرب او مرض او فقر ومع ذلك جو الى مكه استجابه لامر الله
كيف تخافين عليهم وهم عند ابوهم واخوانهم كبار وبديرتهم وبين اهلهم كيف اللي ماعندهم اهل؟؟
وارتاحت امي حيل بعد هالكلام وتقول صح حسيت براحه وسبحان الله الله ينزل السكينه والهدوء عليج وتصيرين تدعين لهم ان شالله

ايه بعد الرمي تروحين للمخيم في منى تقصرين وتذيجين الهدي وتروحين للحرم تطوفين وتسعين اذا كنتي متمتعه ويجوز انك تاجلين الطواف وتخلينه مع طواف الوداع