ابا تجاربكم مع الدعاء وابا تشجيع منكم

هلا خواتي


حبيباتي انا ماعندي احد افظفظ له بس اجي عندكم هني اطلع كل اللي بخاطري


خواتي خاطري بياهل لا تستغربون بس صج خاطري اييب ياهل خاطري


هذي فطره بكل وحده فينا


كل ماشوف ياهل صغير اتم اطالع فيه وخاطري بنونو شراته


مره كنت بالمستشفى ويا امي وجان بنت صغيره امها تاركتنها بالعربه

وانقلبت بها العربه جان اركض عليها وارفع العربه واجوف دموعها وعيونها الخضر ورافعه ايدينها وتصيح تباني اشيلها

وربي عيوني دمعت ولسه بشلها بحظنها الا امها يت وقالت لي مشكوره اختي


تدرون


قلت لامي ثواني وبرجع لج


ورحت بروحي بمكان منعزل وتميت اصيييييييييييح


خواتي انا خاطري اعف روحي بالحلال وخاطري بياهل ماعرف انتو حاسين فيني ولالا



يوم كنت مالجه قبل انفصالي كنت كل ماشوف ياهل اطالعه وقول بداخلي باذن الله بجيب شراتك


بس عقب انفصالي صرت احس بصعوبه كل ماشوف ياهل اصيح وبس ولا ابوسه ولا اعطيه هديه




بنات ادعولي انخطب عالعيد واتزوج


قولولي تجاربكم مع الدعاء


عطوني ادعيه او اشيا انتم كنتو مستمرين عليها وعرستو



لني صج محتاجه


الحين قاعده افكر والدموع بعيوني


ياليت تحسون فيني


:44:


ارجوكم ادعولي وعطوني تجاربكم خاطري الله يفرجها عليه عاجل ليس اجل

41 تعليق 2,188 مشاهدة

شاركي في النقاش

سجلي الدخول لإضافة تعليق.

التعليقات

39
  1. @ghrshob_byt_aboha

    صاحبة الموضوع
    اختي مشتاقه الله لا يحرمني منج


    انا والله مالي غيركم افظفظ له


    بس وايد اكتم ولا احب ابكي قدام امي اللي فيها مكفيها


    بس خاطري تحسون فيني



    انا وايد هالشي بخاطري بس كاتمته


    كل ما اروح مكان واوف طفل احب اطالعه وابتسم له والاعبه


    خاطري الله يفرجها علي


    واتزوج وتقر عيوني بشوفة عيالي
  2. @foz_alksym

    اختي لاتياسي من رحمة الله وثقي بالله ان رحمة الله واسعه
    وعليك بالدعا والاستغفار
    اللهم ارزق خواتي غرشوبه بيت ابوها ومشتاقه جدا
    بالازواج الصالحين والذريه الصالحه
    اللهم امين
    الله اكبر الله اكبر الله اكبر ولله الحمد
    الله اكبر الله اكبر الله اكبر لااله الا الله
    الله اكبر كبير والحمدالله كثير وسبحان الله بكرة واصيلا 
  3. @shfaayf_foshyh

    ربي يرزقك يااارب انا نفس حالتك اموت عليهم ربي لا يحلامنا وربي يرزقك الزوج الصالح صلي وادعي ربي ماراح يخيب ضنج

تابعي تجارب أخرى من هذا القسم.