الي ازواجهم يضربونهم يفيدوني ضروري؟

سلام كيفكم حبايباتي الحوائيات وحشتوتني كثير

انا بدخل بموضوعي دغري انا زوجي كان يموت فيني والحمدلله قايمه به وبو جباته صح انا احيانا اعصب منه بس ارجع واراضيه
هو اول مره يمد يده علي لما حصلت لي سالفه الصور مع اخته وكررها بعدها كم مره وبعد كل ضرب يرجع يعتذر واسامحه
وامس صارت بيني وبينه مشاده كلاميه وحنا على العشاء وقال لي كلام مايرضي الله تخيلو يقول لي انتي اجهضت قاصده ماتبين عيال مني
وانا والله مالي ذنب ونفسيتي دمار من يوم سويت التنظيف
كلمه مني كلمه منه قال اصلا انا مااااااااحبك احب فلانه (متزوجه الحين) بس ماحصل نصيب ولو يصح لها تطلق بااخذها
والله مدري وش الي صار لي كان بيدي كوب قزاز حذفته بالجدار وطلعت بر الغرفه لحقني غرفتي وضربني على وجهي والله خشمي عقب ماكان مضرب المثل بخشوم الهنديات انتفخ وقام ينزف
جلست ساعه بالغرفه وارسلت له رساله ابي المستشفى وداني لقوى الامن
دخلوني على طول على الاستشاري ياسر(هو الي كان مشرف على حالتي لما سقطت)

قال جيبي ورقه من الشرطه ضروري زوجي كلمه هي طايحه على الدرج عطها علاج وخلاص
قال مافيه هاذي مو طيحه بعد ماكلمته قلت له طايحه ابي اسوي اشاعه وابطلع قال خلاص سويت الاشاعه قال انتظري دكتور الانف لين يجي
جاء الدكتور ومعاه شرطي نادني بغرفه ومعي دكتوره سعوديه قال اذ زوجك الي ضربك لاتخافين بنكتب عليه تعهد مايمد يده عليك انا خفت والله فشله بكره الناس بيقولون كتبت زوجها تعهد وهو ابو بنتها وانا ماني ناقصه
قلت انا طايحه على الدرج ولقو بالاشاعه كسر بالانف والله خشمي الحين كنه فنجال>>>تنكتين بعد
وانا بالمستشفى كنت زعلانه من زوجي يبنات واتوعد واهدد وطلعنا السياره قال لي كلام غسل مخي>>يصلح زوجي يكون ارهابي :30:
انا احبك وانا والله مااقصد وانا ندمان وحنا زوجين وتصير مشاكل بين الازواج قال امانه اذلي معزه عندك سامحيني انا سامحته بس نص ونص
كيف اخليه يتادب وما يمد يده
انا احبه وهو يحبني بس كلامه ماينطاق :06:
بالله ياخواتي والله اني كل ماضاقت بوجهي جيتكم ابي مشورتكم تكفووووووون لاتبخلون علي
انا صح والاغلط لما سامحته

113 تعليق 12,217 مشاهدة

شاركي في النقاش

سجلي الدخول لإضافة تعليق.

التعليقات

107
  1. @nhaod

    دامه عادها اكثر من مره لا وكسر بعد دخلي فيها رجال سواء من اهلك او من اهله ويوعدك قدامهم ما يعيدها
    لانو هالمره خشم بكره ما تدرين يسبب لك نزيف ولا شي


    الله يسخره لك
  2. @aldnba_ghdrn_by

    صاحبة الموضوع
    لما سالته اسالك بالله انت تحب العله هذيك والا تمزح قال ها الكلام قبل لا اخذك من زمان وخلاص انتهى والله قلبي يقرصني منه هي صح حلوه وشعرها طويل بس وربي انا احلى منها المصيبه امه كل شوي فلانه احلى وحده بجماعتنا قدامي وهي تدري ان زوجي كان يحبها خلاص درينا على الاقل رعوااا مشاااااعر العنز الي بينكم
  3. @aldnba_ghdrn_by

    صاحبة الموضوع
    نهاود
    دامه عادها اكثر من مره لا وكسر بعد دخلي فيها رجال سواء من اهلك او من اهله ويوعدك قدامهم ما يعيدها لانو هالمره خشم بكره ما تدرين يسبب لك نزيف ولا شي الله يسخره لك
    انا كلمت ابوي بجوالي قدامه وهو سكر جواله اذ كلمك ابوك قولي خلاص تفاهمنا والله ودي اشهده قدام شهود مايعيدها بس استحي بكره يدرون حريم جماعتنا انه يضربني ومن يفكني من شماته خواته
  4. @lolita_3

    والله لو اني منك لااكتبه تعهد واهينه مثل ماهاني بكلمته لما قال احب غيرك
    واذا بعدين تصالحنا اقول هم حلفوني اقول الصدق (حتى لو درى اني كذابه مايهم )
    صرااحه وقااحه منه هالكلمه مادري شلون تسكتين
    مابي اخرب بينك وبين زووجك وانصحك بشي لو اني مكانك بسووويه
    بس اذا قدرتي تأدبينه بشي لاتقصرين وتخلينه يندم عالكلمه والحركه وانتي ادرى بزوجك
    الله يصلح الحال بينكم
  5. تبين نصيحتي قللي كلام الفتره الجايه معه
    يعني اذا سأل جاوبي
    ان ماتكلم لاتتكلمين
    حاولي تكونين مشغوله بأي شي اقري اكتبي ارسمي طلعي ملابسكم من الدواليب وارجعي رتبيها
    المهم قللي مقابله اذا دخل للبيت اركضي سوي اي شي بس دون ماتحسسينه انك قاصده
    والله والله ان الرجال ترعبهم الحرمه الي زي كذا
    اجلسي معه واسرحي واذا قال وش سرحانه فيه ابتسمي بهدوووووووووووء قولي بالدنيا
    جربي بس شهر ...
    واهم شي خليك مبتسمه لو انتي جالسه بالحالك...
    بس مو اقصد مبتسمه له هو .. معه خلك عاديه تعابيرك مو واضحه
    يارب تكونين فهمتي قصدي

تابعي تجارب أخرى من هذا القسم.