هذا الموقف الي يصير معي اذا حللت انتم بعد قولو وش يصير معكم حياكم كلكم

11 نوفمبر 2010

السلام عليكم ورحمة الله وبركاته
بنات يعلم الله ماكتبت موضوعي الا لاني اعتبركم مثل خواتي وانا وانتم همنا واحد
وبتحسون الي انا احس فيه
مدري شفيني اليوم ماجاني نووم
قلت ابي افضفض لكم شوي يمكن مع هالايام المباركه القى دعوة صادقه منكم ويمكن تصادف ساعة استجابه
ومنها تعلمونا بمواقفكم قبل وبعد ماتاخذو التحليل وموقف ابو الشباب معكم هههه
بنات انا قبل سته شهور تقريبا نزلت موضوع اني سقطت وكان خارج الرحم وانهم استئصلو انبوبي والحمدلله على كل حال اللهم لااعتراض على حكمك والحمدلله الى الان كنت راضيه وماعمري تضايقت من هالشي رغم ان الدكتوره قالت فرص الحمل رح تقل لان عندك انبوب واحد بس هالشي ماضايقني املي بالله كبير
بس الغريب من ستة شهور هالموقف يتكرر معي لما احلل في نفس اليوم ينزل دم مع ان الدوره متاخره
حتى لما كنت حامل واخت نتيجة التحليل سبحان الله في نفس اليوم نزل الدم حتى ماامداني اعيش فرحتي
كانت فرحتي وقتها ناقصه عندي احساس ان بيصير في الحمل شي سبحان الله طلع خارج الرحم والله لايوريكم كيف النفسيه والمعاناه وقتها الله يبعد عنكم المكروه الي مريت فيه
نسيت فكرة الحمل لمدة شهرين
بعدها جلست اتابع الدكتوره عشان الالتهابات الي عندي وهذا لحاله هم ثاني مو قادره اتخلص منه نفسي اطيح على علاج يفكني من الالتهابات وبلاويه المشكله ان الي عندي من النوع الشديد وكل شهر يتكرر معي اروح المستشفى نفس العلاج حتى لو غيروه مااستفيد حتى احيانا امل.. في البدايه اجلس ابكي وزوجي يجلس يهديني مليت من المستشفيات بس الحين تعودت قلت يمكن هالمرض ابتلاء من رب العالمين و الحمدلله على كل حال وللحين صابره عليها
وفي الفتره الي اتعالج فيها عن الالتهابات صادف في رمضان ان الدكتورقال بيعطيني كلوميد رفضت تعقدت منه حاسه انه سبب حملي خارج الرحم قلت استنى ان شاء الله مااحتاج لها لازمت الاستغفار وسورة البقره واخت خلطة عين الجمل رجعت له اخذ علي سونار الحمدلله لقى بويضه حجمها معقول فقال ماشاء الله رح اعطيك ابر تفجيريه وبالفعل اخذتها وتأملت خير قلت يارب احمل في هالشهروتعوضني عن الي فقدتهم جنيني وانبوبي في هالشهرالفضيل ويكرمني في شهر الخير والكرم
وتتاخر الدوره معي واقول ان شاء الله حمل واخلي زوجي ويوديني المستشفى احلل
طلعت النتيجه قال الدكتور مشككين تعالي بعد اسبوع نعيده مش واضح عندنا اذا فيه حمل او لا
يمكن عندك حمل ضعيف ولسه مابان واروح البيت وانا فيني بصيص امل اني حامل يجي زوجي يوصيني لاتتحركي كثير لا تمشي كثير وانواع التوصيات
سبحان الله بنفس اليوم نزل دم ..
يعني مايمديني اعيش حلم الحمل لو يوم زياده هههههه
الحمدلله على كل حال
الشهر الي طاف رحت للدكتوره عشان الالتهابات كشفت قالت معك قرحه وقالت رح اكويك اليوم مااعطتني فرصه افكر لاني مصدومه سلمت امري لله رب العالمين قلت لها اوك اكويني الله هو الشافي المعافي يارب تنفعني ماتضرني كوتني وبنفس الاسبوع اعطتني الدكتوره ابر تفجيريه بعد مااخذت السونار
دخلت وعملت بحث هنا عن القرحه وهل يصير حمل بعد الكوي والحمدلله تطمنت شفت ردود ومواضيع تطمن ان الاغلبيه يصير لهم حمل بعد الكي قلت الحمدلله ان شاء الله انا منهم
مرت عالابره 18 يوم واظنها فتره كافيه عشان احلل منزلي
حللت منزلي طلع خطين يابنات اول مره اشوفهم مع ان الخط الثاني كان فاتح بس كان واضح
ماتتخيلو شلون كنت مذهوله اناظر الخطين وانا مو مستوعبه لان ياما حللت وكله خط واحد الا هالمره
شعوري وقتها كان متضارب هل انا فرحانه والا خايفه ينزل دم كالعاده او يمكن مفعول الابره التفجيريه ؟؟؟!!
بس الابره طاف هليها اكثر من 14 يوم يعني الهرمون اختفى
قلت لا مارح استعجل مارح اعلم احد لين تتاخر كم يوم واحلل دم
وفعلا تاخرت اسبوع
قلت يالله الحين اقدر اخلي زوجي يوديني احلل دم وفعلا المسكين وداني مع انه فديته نصحني اني اتاخر يومين بس انا كنت متحمسه عشاني شفت التحليل المنزلي والحمدلله اني ماعلمته عن موضوع التحليل المنزلي والا كان علقته مثلي
رحت وحللت
ونفس قبل قالت الدكتوره حنا شاكين تعالي بعد اسبوع يمكن الحمل ضعيف ولسه مابان قلت لها عن التحليل المنزلي قالت ان شاء الله حمل واعطتني حبوب مثبته دافستون عشان لو في حمل يثبته لين ماارجع لهم بعد اسبوع
قلبي ماكان متطمن قلت اكيد رح تنزل مارح تكمل فرحتي
وقتها زوجي نزلني البيت ومشى لدوامه وماتتصورو كيف زوجي فرحان رغم ان الدكتوره قالت التحليل مشكوك فيه بس الفرحه الي شفتها بعيونه كأن معطينه خبر حملي عن اكيد
المهم نزلني البيت ومشى ارتحت لي ساعه على ظهريواخذت من حبوب المثبت وانا كلي امل ورجى ان في داخلي جنين ورح يثبت بس امر الله اقوى
قابلت امي كنت رح اخبرها عن سالفة التحليل بس سبحان الله كأن شي ربط لساني قلت مابي اخبرها لين اتاكد من التحليل الثاني
واخذت من حبوب المثبت ماامداني اخذت ساعتين الا تشرف الهانم .. شكلها تستهبل معي تستنى اعيش الحلم واحلل وتالي تنزل :06::mad:الله المستعان
يارب رحمتك
يوم نزلت شلت هم زوجي كيف اخبره وهو توه ماشي دوامه:(
قلت مارح اخبره واخرب فرحته بكرا يصير خير
كلمته العصر يوم ثاني قلت له حبيبي في خبر سيئ:44:
مسكين هو عرف قال اكيد نزلت معك قلت له ايه:35:
جلسنا بدل ماانا اواسيه واخفف عنه لانه هو كان متحمس اكثرمني جلس هو يصبرني ويواسيني ويقول لي خلاص حنا كذا مرتاحين وقت ماربي يريد رح يعطينا
وانا اليوم اخر يوم ان شاء الله للدوره
ادعو لي يابنات انها تكون اخر دوره لي من غير شر ومااشوفها الا بنفاسي واجي ابشركم بحملي قرريب
حبيت افضفض لكم قبل انام وعسى ماضايقتكم بموضوعي بس رجااي الوحيد دعوه من قلب صادق منكم لي وانا مارح انساكم في صلاتي ودعائي وان شاء الله يكون شهر خير وبركه كله تباشير بالحمل لنا جميعا
اتحفونا بمواقفكم اا تاخرت عنكم الدوره ورحتو وحللتو سواء طلع حمل او لا

أستغفر الله العظيم الذي لا إله إلا هو الحيَّ القيومَ وأتوب إليه
اللهم يا فارج الهم يا كاشف الغم ياربنا ورب كل شيء ومليكه سبحانك تباركت وتعاليت ...
اللهم إني أسألك بأنك أنت الله الواحد الأحد الفرد الصمد الذي لم يلد ولم يولد ولم يكن له كفوا أحد .... أن تفرج كربة كل أخت مسلمة ومؤمنة في عالم حواء وفي كل مكان لم تحمل بأن تيسر لها جميع أمورها وتنال مرادها... وتوفقها لما تحبه وترضاه.. أمين يارب العالمين .....

اللهم لا تذرني فردا وانت خير الوارثين وحيدا وحشا فيقصر شكري عن تفكيري بل هب لي عاقبة صدق ذكورا واناثا آنس بهم من الوحشة واسكن اليهم من المودة واشكرك عند تمام النعمة ياوهاب ياعظيم يا معظم ثم اعطني في كل عافية شكرا حتى تبلغني منها رضوانك في صدق الحديث واداء الامانة ووفاء العهد.

(اللهم صل وسلم على محمد واله وصحبه اجمعين(

هذا الموقف الي يصير معي اذا حللت انتم بعد قولو وش يصير معكم حياكم كلكم

التعليقات

هل هذه الاعراض حمل ولا ؟؟!!

مين اخدت الحقنه التفجيريه هذا الشهر والدفاستون !؟ تدخل ياريت

مين جرب هذا الفيتامين للحمل

تحليل حمل هذا حمل ام لا بليييز جاوبوني مع العلم ماسويته الصباح

هرمون AMHمرتفع........ماهي وظيفة هذا المخزون