الى البنات كل من في منتدى ماتزوجو """

اذا الزواج مو كل شي حتى العيال مو كل شي !!

ياما ناس عاشوا وماتوا ماعندهم عيال وماضرهم اسعد الناس ليه تمرمطين نفسك من مستشفى لمستشفى من ممرخه لثانيه

ارضي بما قسمه الله لك واصبري واحتسبي الاجر لين يجي فرج ربك

مثل ماالزوج رزق والمفروض الوحده تعيش حياتها وتطنش لين يجي حتى العيال رزق من الله ترى


استغرب كلامك للبنات وانتي مجربه الحرمان اذا كنتي فمجلس وشفتي كل وحده معها ولد واثنين وش شعورك مايفرفر قلبك ودك بضنا تلمينه وتضمينه !

وش شعورك وسنه تروح ورا سنه وانتي محلك سر وتسمعين فلانه حملت فلانه ولدت وكل الناس تبارك لها ماتتمنين يجي اليوم الي يباركون لك فيه مثلها وش شعورك وانتي تشوفين كل الي حولك عيالهم بحظنهم وانتي لا

وش شعورك اذا جلست فلانه وعلانه تلمح وتخز بنظرات وتذب كم كلمه انا متاكده انك مريتي بكل هذا

و هالشي يمرون فيه البنات بالضبط لكن بشكل ثاني وبشكل اشد

هذا شعور البنات يتمنون زوج يحتويهم ويسعدهم ويجيبون منه ذريه تنسيهم الدنيا الفرق بسيط انتي محرومه من ذريه وغيرك من الزوج المفروض تكونين حاسه وماتكتبين هالموضوع

اتمنى تكونين فهمتي وجهة نظرنا وعرفتي مايحس بالنار الا رجل واطيها

الله يرزق كل وحده ماتتمنى

^
^
لا فض الله فوك

فعلا يا صاحبه الموضوع
والله ما كان له داعي موضوعك

الله يخلف علينا بالزوج و الذريه عاجلا غير اجل
فالله وحده على كل شيء قدير

الله يسعدك

الله يرزقك الذرية الصالحة الي تقر عينك بها وتبر بك عاجلاً غير آجل
ويرزقنا الازواج الصالحين

امــــــــــــــــــين

مثل مانتي تحلمين يكون عندك طفل احنا نحلم يكون عندنا طفل
طيب ليه انتي تفكرين انك تحملين وتروحين مستشفيات ليه ماتخلين متى ماربي اراد يتم الحمل
لان بداخل كل انسانه غريزه الامومه تحلم انها تحضن طفل درسنا ونجحنا وتوظفنا نبي نستر انفسنا بالحلال