عمليه اليوم الوآحد للآسنان (خآص بالآظفال )..؟!

حبيت افيدك يااختي انا سويتها لبنتي قبل 6شهور عمرها 5سنوات في مستشفى القوات المسلحة عند الدكتور عثمان المطيري ممتاز جدا كانت اضراسها خربانة مررررررررررررررة جيتهم:time:7صباحا وحول الساعة8 عطوها دواء دخدخت شوي بعدين خذوها وقعدت ساعتين وطلعوها لي لسا ماصحت وكان فمها مورم شوي وتحسن وصحت والحمدللة ارتحنا من الام الاسنان:27:

آم جونه

الحمد لله على سلامتها والله يخليها لك

أختي شوفي هذي الأسنان لبنيه وبتطيح بعدين اذا ماتوجعها خليها واللي يوجعها حاولي فيها تعاجينها بدون تخدير
وشوفي بعض المستوصفات عندهم الغاز المضحك

رفع

عزيزتي انا عندي بنتين سويت لثنتين عملية اليوم الواحد عند دكتور عباس بمستشفى رعاية الرياض.... اعمارهم 7 و 5 ...
الشي اللي تحسفت علية انه ماسويتها اول ما نصحني الدكتور فيها كنت مثلك مترردة وخايفة... لانه مره بناتي ارتاحوا الحمد لله
البنت الكبيره شالو منها 4 الاسنان الامامية وضرسين كانوا مره منتهيات ... ةالصغيرة كان عندها تسوس بالاسنان الامامية نظفوة وحشوة حشوه تجميليه وسوى لها كم ضرس وسن وشالها ضرس واحد كان متعبها... بصراحة الدكتور شغله ممتاز... ماشاء الله تبارك الله بس انا المشكله باسنان بناتي بنيتها ضعيفة عشان كذا الكبيره واحد من اسنانها الامامية بدا فيه سوس خفيف.. وان شاء الله براجع فيها باقرب وقت...
طبعا العملية دخلنا المستشفى الفجر وغرفتهم كانت جاهزة حاولنا نخليهم يستعدون للعملية نفسيا قبل جسديا والحمد لله ربك سهلها طبعا كانوا النيرسات مركبين لهم ابرة المغذي فلما جا وقت العملية عطوا البنت ابرة مهدئة بعدين شوي نزلوها لغرفة العمليات سمحوا لي ادخل عليها وقت الافاقة عشان مايخافون ... والحمد لله عدت الامور على خير وتسهلت :)
طبعا البنات ما دخلوا مع بعض... لما خلصوا من الاولى وصحت شوي دخلوا الثانية....
بعد العملية... طبعا تعرفين ان كل جسم تختلف ردة فعلة للبنج بعض الاجسام يجلس فيها ويروح مع الوقت يعني من 3 الى 12 ساعة بالكثير اذا الامور تمام وهذا اللي صار مع بنتي الكبيرة... وفيه بعضها ما يتقبلها ويبداء المريض يستفرغ الله يكرمكم وهذا اللي صار مع الصغيرة......بس الحمد الله من قبل ومن بعد والله يجزا الدكتور خير ...

اتمنى اني اكون افدتك.....:)
دعواتكم لي بصلاح نيتي وذريتي وزوجي وبيتي ...ولكم بالمثل باذن الله:)