بصو بقى المشاركه ده تالت مره أكتبها لو متبعتتش ممكن أكسر اللاب توب
ريمو حبيبتي ربنا يكرمك يارب على إهتمامك
أنا يا ستي في ولايه إسمها كيبك في كيبك ستي
بصي ياريمو المشكله إن العرب هنا قليلين جداااااااااا وبالذات المصريين فعلشان كده مفيش حد كتير أسأله عن دكاتره والدكتوره ده إتنين هما اللي قالولي عليها وشكرو فيها
هيه بصراحه شكلها كويس بس المشكله هنا إنهم يحبو يعالجو الحاله من الف باء مشاكل يعني يمشوا معاكي خطوه خطوه ومبيعترفش أصلا باي حاجه عملتيها بره كندا بالذات الوطن العربي وأطبائه
فهيه علشان كده ماشيه معايا من البدايه ومعملتش تحاليل
وكمان هما هنا معندهمش مشكله في الوقت
يعني الدكتوره ده لما حجزت عندها كان معادي بعد شهرين ونص
وبالتالي حتي لو عرفت دكتور تاني وحجزت عنده هيبقى معادي بعد ثلاث شهور
فأنا بقول لنفسي طيب ما أنا أخد الحبوب في التلات شهور دول ماهما كده كده ضايعين ويا صابت ياخربت أكتر من ماهي خربانه
وكمان أنا سألت هنا على حبوب منع الحمل قالولي إنها غير اللي في مصر خالص وجودتها غير وإنهم هنا بيستخدموها فعلا لعلاج مشاكل كتير ومنها اللبن الزياده
مش عارفه بقى والله يا رمال انا قلتلك على كل حاجه لكن لسه مأخذتش قرار
إن شاء الله أصلي إستخاره وأقرر وربنا يعمل اللي فيه الخير
المشكله إني تاريخي أسود مع الدكاتره ربنا يسهل يارب
أوكسي يا جميله معلوماتك ماشاء الله حلوه قوي وطريقة تفكيرك ممتازه بتفكريني بابا
أنا والله إن شاء الله هحاول أجيب الحاجات ده هيه فعلا ممتازه ربنا يسهل وأعرف أجيبها إن شاء الله
حتى لو قررت أخد حبوب منع الحمل ممكن أمشي في الإتنين مع بعض وربنا يكرم يارب
المهم طمنيني عليكي مريحه ولا لأ
وواخده بالك من نفسك ولا أجيلك أربطك في السرير
ربنا يسعدك يا أوكسي يارب ويكرمك من واسع فضله ورحمته وكرمه ويعطيكي مما هو أهلا له يارب العالمين يارب
زبيبه يا كتكوته بصي يا قمر مواقف الأطفال ده حصلت معايا كتير جدا بس مش على التليفون لأ وجها لوجه
بس أنا كان رد فعلى إني بفطس على نفسي من الدحك لأن سبحان الله الأطفال دول على فطرتهم خالص
وكنت بقولهم غن ربنا هو اللي بيدي الطفال للمتزوجين وأنا لسه مدانيش ياللا بقى إدعولي إنه يديهوملي
والحوار بالطبع كان بيتطور وأنا أقعد أكلم معاهم وافهمهم وفي الاخر كانو بيدعولي فعلا وكنت بمبسط قوي
الأطفال أحباب الله ودعائهم مقبول
إنت متدايقيش نفسك ولما يكلمك تاني قوليله يدعيل إن ربنا يديكي ولد أمور زيه هينبسط قوي ويدعيلك
وإن شاء الله يا زبيبه ربنا هيفرحك ويسعدك ويقر عينك باللي تتمنيه وأكتر كمان
سارا وأوشي عاملين إيه يا قمرات وإيه أخبار الكتاكيت
مبروك لكوكر الف مبروك وحمدالله على سلامتها هيه والنونه
بس أنا مش فاهمه هيه النونه إسمها إيه؟؟؟؟؟
بورك لها في الموهوب وشكرت الواهب ورزقت برها وبلغت أشدها بإذن الله
تجمع الموقنات برحمة الله(خبرات متبادلة حول مراكز العقم في مصر)الجزء ال19
متابعة النقاش، صفحة 55