الحقوني زوجي أصلع من مقدمة الرأس وهو توه28سنة،،وأنا مو طايقة شكله..

يا أختي حرام عليك لا تتبلين على الحرمة هي ما قالت عن زوجها غبي
بعدين بدل ما تدعين لها تحرشينها عليه
اتقي الله ترا كل ما كتبتيه في ذمتك ليوم القيامة
وبعدين هو وش ذنبهم يعني هو اللي خلى نفسه اصلع
هذي إرادة الله يا أختي
وما تدرين يمكن حاول في شعره وما فاده شي
أو الدكتور قاله ما يفيدك العلاج عشان صلعك وراثي
خافي الله لو بكره بتصيرين صلعة ويتطنز عليك زوجك مدري وش بتسوين
الله يهديك بس لقول الحق

وبالنسبة لأختي صاحبة الموضوع
حاولي مع زوجك بأسلوب زين وأنا أختك إنه يتعالج
يمكن ما درى عن شعورك تجاه صلعته
وإذا ما حصل علاج حافظي عليه ترا الرجال بأخلاقه مو بجماله

أنا اتمنى إن زوجي عايش ولو راسه صحراء جرداء
الله يخليلك زوجك ولا يحرمك منه
وربي يجعل بينكم مودة ورحمة ويألف بين قلوبكم

سامحيني أختي حوراء إذا ردي كان فيه شي ضايقك ...

والله القصد مو تملية قلبها عليه ..بعدين هي مو غبيه .. هي تقرا الردود عشين تكون فكره وتختار اللي تبغى من الكلام وتعرف اش يناسبها منه .. مو معقوله تقعد تقرا من هنا وتروح تطبق من هنا بعدين ما اعطيتها اي كلام يتطبق ..
..بس اعبر عن فرحي ان وحده اخيرا اتكلمت وقالت زي كذا كلام فيما بينا وبينها يعني موجه لنا احنا اخوتها مو موجه له ... لان الحريم دايما يقولون اشياء غير واقعيه ولاتعبر عن مافي نفوسهم بشكل صادق ...دايما يخبون اللي في نفوسهم ..على بالهم انه كذا صح .... باختصار اعجبت بالصدق والصراحه اللي لمسته في موضوعها ..لانه بطريقتها هذي راح تلقى حل اما اللف والدوران والتكتم ماراح يفيدها بشي ..

عموما بحاول ماعاد ادخل نفسي في زي كذا مواضيع عشين انا شايفه اني انفهم غلط وبالطريقه التي لااريدها والتي لا اعنيها اساسا .. وجزاك الله خير على التنبيه .. ردك استفدت منه خلاني اعرف كيف الناس ممكن تفسر كلامي وكيف تفهمه .

حبيبتي الرجال إذا صلع ما بيفيد وياه أي شي نهائيا من الخلطات والكريمات، والحل الوحيد هو الزراعة، خليه يزرع شعر لان إخواني الرجال عمارهم فالأربعينات وعملوا زراعة ماشاء الله حلوة، وأحين الحمدالله فيهم شعر.

للرجال مافي حل ألا الزراعه
بعدين بتتعودين على شكله لأنك عروسه
جديده شوي شوي وتتعودين