اخوي وحالته الغريبه....

السلام عليكم ورحمة الله وبركاته
كيفكم ان شاء الله بخير...تقبل الله منا ومن الحجاج صالح الاعمال...
ما اطول عليكم اخوي عمره 21سنه تخرج من الثانوي وجلس في البيت للاسف يدخن مشكلته مدري كيف ابدأ نفسيته

عجيييييييييبه مره ماعرفنا كيف نتعامل معه مكتئب ومتضايق دائما يقول الناس مايحبوني يتكلمون فيني وفلان والعياذ بالله يزني بأمه وكلامه كله وساخه وتدهورت حالته لين ضرب امي وديناه مستشفى الامل وقالوا عنده ذهان وصرفوا علاج

مانفع بعدين تدهورت حالته يكلم نفسه كثير ويقول انا مسحور انا فيني جنيه وتجيني في الليل وانا اشوف الجن دائما ويكره اثنين من اقاربنا في عمره تقريبا يقول يحكون فيني ومايحبوني جاته حاله قبل ثلاثة شهور مايجلس بس يدور

وماينام ابدا ويقول انا خلاص بنجن وديناه للمستشفى ونوموه شهر ونصف وقالوا عنده فصام والمشكله الدكتور اللي شخص الحاله يقول مريض الفصام مايعترف انه مريض ومايقول بنجن الايام هذي صار يجلس لحاله ومرات يضحك بقوه بدون سبب ويتبول في المغسله وما يحب يتروش ابدا وماصار يروح للمسجد ويقول راسي فيه فتحه ويلمس راسي ورارس امي وابوي واخواني يقول بشوف راسي مثلكم والالا :44:واذا سولفنا معه ويييييييييييييين هو بوادي وانا بوادي واذاقرينا عليه يتمدد ويسوي حركات براسه طبعا يمثل والله امس جيت بيتي وبس ابكي :icon33:على حالته ثوبه وسخ ومايرضى يغيره والله كل البيت مكتئب من حالته تكفووووووووووووووووون اذا تعرفون احد مر بهالاعراض وتشافى دلونا عليه لو في المريخ وادعوا له في ذالايام المباركه...الله لا يحرمكم الاجر:44:

202 تعليق 29,093 مشاهدة

شاركي في النقاش

سجلي الدخول لإضافة تعليق.

التعليقات

195
  1. @kady_46

    اول شي
    ودوه عند شيخ ممتاز يقراء عليه
    لانه امبين عليه معمول له عمل
    واذا عندكم شغاله
    فيمكن منها
    المهم ودوه عند شيخ وش تنتظروووووووووووووووووووووووووووووووون
  2. @hya_alroh_11

    الله يشفيه
    انتم لاااازم تستمرون على علاج الدكتور النفسي ولاتنسون العلاج القراني وماء زمزم
    انا قريت انه من اسباب الفصام انه الضغط النفسي من الصغر والقسوه من الوالدين تكون احد اسبابه
    هل جاه ضغوطات في طفولته اومراهقته ؟؟؟ياليت تجاويبيني
    على فكره واحد من عايلتنا جاه هالمرض وكانو في البدايه يقولون مسحور وهو نفسه يقول انا مسحور وبعدين تاكدوا انه مرض نفسي اللي هو الفصام واهله يعالجونه بالقران والادويه
    بس اهم شي لمريض الفصام المعامله الحلوه والاهتمام والله يشفيه يارب وةلد قرايبنا هذا الله يشفيه بدا يخف ويتحسن لاااازم تدورون له شغله تشغله بدل ماااايستسلم للهواجس والاصوات اللي يسمعها الله يشفي وليدكم وجعلنا مانشوف مانكره في عيالنا عالعموم علاجه يطول ويبي له وقت اهم شي روحو لدكتور نفسي ثقه ولااتتركون الرقيه
    على فكره امي تقول يمكن فيه فتق براسه ودوه للصمعاني اللي يكوي بالرياض في حي المروج يشوفه عاد لو فيه فتق بيعلمكم ويكويه تراه رجال ثقه....ان شاءالله
  3. @nice_girl22

    لا زم ياختي تودونه عند شيخ يقرا عليه
    وكمان ودوه مستشفى عرفان الي بجده مرررررره ممتاز للحالات النفسيه
    الله يشفيه يااارب
  4. @am_alghaly2_1

    الله يشفيه بس فعلآ المريض النفسي مايدري إنه مريض ولا يحس ولا يعرف بمرضه بالعكس يشوف الناس اللي مهم طبيعين
    لكن جيبوله شيخ ممتاز الله العالم في اعراض سحر أو مس

تابعي تجارب أخرى من هذا القسم.