شاركي في النقاش

سجلي الدخول لإضافة تعليق.

التعليقات

36
  1. @amyr_aloord2009

    الله يشفيها ويعافيها ياااااااارب

    أدعي لي ربي يهون علي الولاده ويرزقني الذريه الصالحه السليمه ياااااااارب<<بكريه
  2. هلا اختي تطمني بنتك وضعها طبيعي مررررررررررررررة بس علشانك بكريه تخافين
    وبعدين الحساسيه تجي للاطفال بس داومي على الفازلين بوجهها وان شاء الله مافيها الا العافيه
    والله يخليها لك يااااااااااااارب
  3. @rsyl


    بنات ليش كذا الله يهديكم؟؟
    مو معنى أني أخفف على أي انسانة أني أخليها تتجنب الكشف المبكر عن أي مرض؟؟
    أنا ألاحظ هالأسلوب مرررررة منتشر هنا بالمنتدى

    أي وحدة تسأل ويكون عندها عارض مرضي واضح وغريب.. الكل يقول لها طبيـــــــــــــــــعي وماله داعي تروحين الطبيب
    طيب ليه؟
    من اللي بيدفع الثمن؟؟
    أنتي وإلا هي؟
    بالله لو كان ابنك أو بنتك اللي فيه كذا ما راح تودينه طبيب تتطمنين؟؟
    وإلا تعتقدون أنك إذا هونتي على وحدة بتدعي لك وبس..

    إذا طمنتيها احتمال يكون صح..
    واحتمال تدفع الثمن من صحة طفلها وحياته..
    المواجهة والتنبيه مطلوب لكن بالتأكيد دون تخويف أو مبالغة..

    إما أنه يكون عندك معلومة أو خبرة شخصية أكيدة حول الموضوع.. أو ما له داعي تفتين.. وتقولين عادي وطبيعي..

    واللي ردوا عن الحبي.. أو المشي.. مو هذا المطلوب..
    هذي سالفة ثاااانية وما تخوف..
    هنا نتكلم عن التقلب وهو أهم مليون مرة من الحبي والمشي..
    الحبي والمشي عاااادي يتأخرون..
    لكن التقلب ورفع الرأس مؤشرات هاااامة لسلامة الطفل وعضلاته وجهازه العصبي..


    أعرف وحدة والله من يوم عمر طفلها شهرين وهي تقول أحس أنه مو طبيعي ما يحرك راسه ولا ينقلب..
    وأهلها وقريباتها يسكتونها عااادي عادي مصيره يتحرك ويزعجك..
    لما صار عمره 8 شهور..
    ودته الطبيب (تو الناس)
    لقى عنده التهاب في الدماغ.. قال لها لو جايبته بدري كان أمدانا نعالجه لكن الآن خلاص ما فيه أمل المرض انتشر والالتهاب زاد مرة..
    ما كمل سنة إلا وتوفى الله يشفع فيه..
    والله أنه مثل القمر الله يشفع فيه تشوفينه ما تقولين فيه شي.. بس أنه خامل وما يتحرك زي الأطفال اللي بعمره..


    شوفي اختي..
    بإذن الله طبيعي..
    مع أنه بصراحة أكثر الأطفال الطبيعيين عادة يبدون ينقلبون من شهر إلى أن يكملون 3 شهور ويدخلون الرابع..

    لكن شوفي حبيبتي..
    إذا بتتأكدين ويرتاح قلبك
    فيه اختبار تعملينه هو أهم شي.. علمني إياه الطبيب الاستشاري ودايم أعمله لأطفالي من يكملون شهر..
    وهو يكشف عن احتمالية أمراض كثيرة سواء في العظام أو الجهاز العصبي والنخاع والدماغ وغيره..

    تمسكينها من عند صدرها..
    وتحاولين توقفينها على الأرض.. (وأنتي ماسكتها)
    إذا رجولها ثبتت على الأرض أو حاولت تثبت ولو لثواني.. فهي طبيعية 100% بإذن الله.. وتأخرها طبيعيي بإذن الله (لكن ما يمنع تعرضينها على طبيب عشان تتطمنين)..

    اما إذا حسيتي أن رجولها رخوة مرة.. ومتهدلة.. ومو راضية أرضية رجولها تلامس الأرض أو تحاول توقف لثانية أو ثانيتين..
    فالأفضل أنك تودينها لطبيب يفحص لها الجهاز العصبي ونسبة هشاشة العظام واستقامة العمود الفقري وغيرها من الفحوصات..

    وبإذن الله ما فيها إلا العافية بس أنتي حاولي دايم تعملين لها تمارين.. وتلعبينها كثير.. ترى الطفل محتاج تمارين يومية تقوي عضلاته..

    الاختبار الثاني هو رفعة الراس..
    إذا ترفع راسها فهي بإذن الله طبيعية..
    يعني نوميها على بطنها.. وارفعي قدامها خشخاشة أو لعبة ملونة..
    إذا رفعت راسها بمستوى عالي..
    فهي طبيعية بإذن الله
    أما إذا ما قدرت ترفع راسها أو كانت تواجه صعوبة شديدة.. وترفعه شوي مرررة..
    فالأفضل تراجعين طبيب..

    بأقولك هذا كلام من موقع طبي:
    يبدأ الطفل عادة بالتقلب بعد أن يكتسب القدرة على التحكم بالرأس (ما بين الأسبوع الثاني إلى الشهر الرابع)
    بعد الشهر الرابع: يستطيع الطفل أن ينقلب من اليمين الى اليسار والعكس ر(أي نصف انقلابة)
    بعد الشهر السادس : يستطيع الطفل أن ينقلب من ظهره الى بطنه والعكس

    وهذا تمرين يساعد طفلك بإذن الله على التقلب:



    يمكن لفت نظر الطفل ليدير رأسه الى الجانب باستخدام لعبة أو شخص (الى الجانب الذي يراد أن يستدير الطفل اليه) .... وحينما يلتفت الطفل .... يمكن الاستمرار بجذب انتباهه ليمد يده الى نفس الجهة عن طريق استخدام لعبة ليحاول مد يده والامساك بها ..
    ومن ثم ... يمكن تحريك اللعبة الى الأعلى والجانب أكثر ليحاول الطفل الاستدارة بأكتافه وجسمه..


    وبشرينا إذا راجعتي الطبيب
    ربي يعلم عديتها مثل بنتي وقلت لك ايش تسوين..
    لو مني مهتمة وبس ابي دعوة وأمشي..كان أسهل شي أقول لك عادي وأنا ما أدري شالسالفة..

    وغلا وش علاقة الحبي والمشي بالتقلب في الأشهر الأولى؟

    الله يوفقك يارب
    ومعلش الخوات يعذروني..
    بس جاء في بالي على طول قهري على بنت عم صديقتي اللي توفى ولدها بسبب أن الكل يقول لها عادي عادي..

تابعي تجارب أخرى من هذا القسم.