..... تـــــــأثيث منزل مــــــــــثالــــــــــي ..............

السلام عليكم

اخواتي

ما شاء الله تبارك الرحمن

ابغا منكم المعلومات


نحنا ماشالله بنسكن بيت جديد <<<<<<<<<< نحنا من مكة وعادي لو فيه محلات بجدة والطايف >>> ودي باشي اللي يبيض الوجهه
وياليت توضحو بالاسعار والعناوين والاساامي بالضبط


طبعا البيت يحتاج له تأثيث كامل

وابغا منكم المحلات
وافكار لتأثيث
من غرف نوم >ماما وبابا .. وغرف البنات.. وغرف الاولاد<
ثانيا المجالس
مجلس الرجال> من الوان مناسبه ودارجة< والحريم >الدرجات المناسبه< من كنب وستاير فين افضل المحلات والاكسسوارات
والصالون
والتحف
والاكسسوارات والاباجورات والنجفات للمطابخ وغرف النوم والمجالس والصالون
وعرفت المعيشه<الجلوس>
والسجاد والزوالي
والمداخل
ودولاب العبي فين الاقيه نفسي فيه
ودولاب سجاجيد الصلاة او اي شئ بديل
وفين الاقي السجاجيد المشتغله اللي تجئ مع الشرشف فين الاقيها نفسي فيها

وي شئ يطري على باللك لاتقصرين
الله يجعلها بموازين حسناتكم
في ذي الايام العشر الفضيلة

واللي ماتقدر تساعدني ياليــــــــت ترفعو الموضوع لي...

26 تعليق 9,832 مشاهدة

شاركي في النقاش

سجلي الدخول لإضافة تعليق.

التعليقات

26
  1. @akht_aarys_1

    صاحبة الموضوع
    ياابنااات
    اهم شئ الغرف افضل
    جاهزه ولاتفصيل
    فيه محلات تفصل بجدة وش رايكم فيها لوتعطوني اساميها افضل

    وش رايكم بالدولايب اللي اسمها خزاين الظاهر كذا اسمها طبعا اهي تجئ كبيره


    افضل ولا لا

    انتظركم
  2. الله يتمم عليكم حبيبتي .. وتأثثين من احلى الأثااث ..

    انا بالشرقيه ولا كاان قلت لك عن المحلااات .. بس ماادري عندكم ميداس بجده .. لانه مره مميز وحلو

    بالتوفيق ياقلبي ..
  3. @akht_aarys_1

    صاحبة الموضوع
    حلااااااااااا
    الله يتمم عليكم حبيبتي .. وتأثثين من احلى الأثااث .. انا بالشرقيه ولا كاان قلت لك عن المحلااات .. بس ماادري عندكم ميداس بجده .. لانه مره مميز وحلو بالتوفيق ياقلبي ..
    الله يجزاك خير
    اعطيتيني فكره
    يارب بحق اليوم الفضيل
    يبارك لك ف حياتك ويغفر لك ذنوبك
    اميييين
  4. @akht_aarys_1

    صاحبة الموضوع
    افااااااااااااااا
    33 مشاااهدة
    طيب فين الردود
    الله يسااامحكم
    هذا العشم فيكم
  5. @fy_mhb_alryh_1

    روحي محمود سعيد في جده تلاقي الكنب عنده تفصيل وجاهز انا عن نفسي جربت التفصيل روووووعه
    رووووووووعه خامته ويعيش معك فتره طووويله
    اشوف الأحلى لمجلس الرجال الوان البيج والذهبي ودخلوا معه الوان عرضيه مثل الزيتوني او التركواز
    وفيه محل بمكه في العزيزيه اسمه (المتميز للستائر )رووووووووعه الستائر عنده تصاميم عجيبه غريبه ومتميزه
    ومجلس النساء خلي الوانه جريئه شوي ممكن ابيض واسود وخداديات فوشي والستاره بعد والسجاد
    وممكن تخلي لونه موف على نفسجي ومعاه فضي سلفر
    في محل بالعزيزيه اسمه الميرو عنده وق حايط جونآآآآآآآآآآآآآآآآآآآآآن حتى هوم سنتر عنده اشكال عذآآآآآآآآآآآب
    نجي للإكسسوارات خذيها من هوم سنتر او ايكيا بجده او بن داوود <<عجيب هالمحل لما اروحه ادوووخ من الزين اللي فيه
    غرف النوم ماعندي فكره عن الطيب وهوم سنتر عنده اشكال حلووووه بس مايمدحوا الخشب اللي عنده
    نجي للنجف والأبجورات والإضاءه بشكل عااااااااااام روحي عندك في مكه (المتحف) رووووعه
    وبجده سوق غراب ملياآآآآآآآآآآن اشكال حلوه من الإضاءات وكذلك ايكيا حلوه لغرف النوم
    ودواليب الخزاين رووووووووعه اذا كان عندكم غرفة ملابس ياسلااااااااام غير شكلها الخارجي حلو
    والسجاد والزوالي بشكل عام تلاقيها عند السريع
    ودولاب العبي في بالسريع والقفاري اشكال حلوه على 3 الأف ونصف
    ان شاالله اكون افدتك

تابعي تجارب أخرى من هذا القسم.