ابغي افكار للفطور في الدوام ...الموظفات يدخلون الله يوفقكم

صحن فيه جميع انواع الاجبان
بشكل مرتب
ومارتديلا
طبعا بيض على حسب وضع دوامك كيف
سمبوسه
صنيه حمسه بطاطس لحشوة الصامولي
حمسه فاصوليا
وحمسه بازلاء الخضراء
وصحن فيه بطاطس مقلي وسلطه خضراء وفلافل
وصحن مقسم متبل حمص تبوله
والمربيات والعسل العب الصغير الي استخدام مرة وحده والزبده الحبات الصغيرة
وخذي معك خبز مقطع اربع اقسام وحطيه بسله وبشكل مرتب نفس الفنادق وكورسان وتوست طبعا التوست والخبز بتاخذين نوعين بر والابيض والصامولي الصغير ممكن تاخذينه من درة الارياف الي بالدمام مرررة لذيذ اذا انتي من اهل الدمام يجي حجم الصامولي طول لاصبع تقريبا بس لذيذه مرررة
طبعا لازم بتاخذي معك قهوة وشاي واذا عندك غلايه بالدوام شيء حلو خذي معك النسكافيه الي يجي 3بواحد وكابتشينو بالنكهات والبرد جاي لازم دله زنجبيل باليمون وااو هذا فطور الي جاء بالي اختي اتمنى افدتك

توست التونه
http://forums.hawaaworld.com/showthread.php?t=1766975

صينيه التوست (في الرد 3

http://forum.hawaaworld.com/showthread.php?t=893810



مثلثات التوست بالجبن والبقدونس

توست
بيضه
بقدونس
جبن مراعي المالح الحجم الصغير
الطريقه
يخلط البيض +البقدونس+ الجبن
تنزع اطراف التوست وتقطع على شكل مثلثات ثم توضع عليها الخلطه
وتدخل الفرن من اعلى حتى ينضج البيض وتتحمر المثلثات قليلا






نقانق مقطع قطع

فلفل اخضر
بصل اخضر + ابيض مقطع
شرايح جبن رومي او شيدر
سندويش .


الطريقة
تحمرو البصل وتحطو عليه الفلفل والبصل الاخضر
تحطوا النقانق وتحمروا شوية
ونقلب المكونات كلها
نضيف شرااااااائح الجبن وكل مازادت
تكون افضل
وتحركوه لحد ما تذوب الجبنة
وبعدين نحشي السندوتشات


خلطة الجبنة(تجنننننن وكلهم بينهبلون عليها)

هذي خلطة الجبن دايما اسويها وما يبقى منها شي من حلاة طعمها
مقاديرها:
نصف حبة خس مقطع شرايح صغيره يفضل ((ايس بيرج))
نصف حبة فلفل رومي ((اخضر +احمر +اصفر+برتقالي ))مقطع مكعبات صغيرة
صرة صغيرة بقدونس مقطع صغار مع العود نفس التبولة تقطع
تقريبا ثلث كوب به ورق نعناع ((مفروم))
2 حبة جزر مبشورصغير
كوب زيتون شرائح (( اسود+اصفر))
3 حبات فلفل اخضر حار مقطع شرائح صغيره
2 ملعقة اكل اورجانو
ملعقة صغيرة فلفل احمر مطحون
جبنة بيضاء بوك او المراعي الحجم الكبير (( مملحة قليلا )) تقطع مكعبات
لبنة داندي الكبيرة

الطريقة:

(1) تخلطون اللبنة مع الجبن البيضه المقطعه
(2) تضيفون باقي المقادير
(3) تضيفين الاوريجانو
(4) الفلفل الاحمر (اختياري )
(5) تضيفين لها الزيت زيتون وتخلطين الجبنه مع الخضار اللي انتي ضفتيها
(6) تحفظينها في علبة بلاستيك وتغرقينها او تغطينها من فوق بالزيت زيتون وتحفظ في الثلاجة
طبعا انا اسوي كمية كبيرة حق ريوقنا في المدرسه لكن ح هذي الخلطة 4 ايام وتخلص يعني انتي ممكن تقللين من مقاديرها اذا كنتي تبين كمية اقل
ان شاء الله تعجبكم تراها وايد لذيذة ان شاء الله اسويها لكم واحط صورتها

اتمنى اكون افدتك:26:

الله يسهل عليكم والله أنا موظفة لكن ماأفطر بالدوام دايم أفطر مع خواتي بالبيت

مشكور خواتي

وافكار مره رائعه

وماقصرتو والله

فوق