تجمع الموقنات برحمة الله(خبرات متبادلة حول مراكز العقم في مصر)الجزء ال19

الله يبارك فيكى و عقبال ما نبارك لك قريب اخبارك ايه و طمنينى عليكى انتى فى الشهر الكام دلوقتى

انا رجعت وراء و عرفت انه كوكر جابت كرمه الف مبروك يا كوكر ربنا يبارك فيها و اسمها جميل ما شاء الله كان زوجى مرشحه من ضمن الاسماء اللى نختارها

رمال كل سنة و انتى طيبة بجد وحشتنى انتى و كل البنات بالملف
انا قريت انك بتسالى عن عمليه الدوالى بصى يا قمر من خبرة طويلة بلاش يستعجل بعمل العمليه لانه فى دكاترة بتقول عمليه و بيكون مش محتاجها و طبعا ممكن تجيب تاثير سلبى و الدكتور ممكن يحدد بالكشف الخارجى من حجم الخصية ان كان المريض محتاج لها او لا لو الحجم طبيعى ده معناه انه الدوالى بسيطة لانه اهم اثر جانبى لها انه بتصغر الحجم
ونصيحة يروح لدكتور محمد ندا اللى عيادته فى بابا اللوق هو جلديةو تناسليه بس بجد ممتاز كلمة قليلة ربنا يبارك له جعله سبب بالشفاء و افضل من اطباء الذكورة اللى زى كمال شعير اللى كشفنا عنده مرتين مااخذنش غير الضحكة الساخرة كانه بيقولنا مستحيل تخلفوا لكن ربك قادر على كل شىء و العلاج عنده الحقن المجرهى بالمستشفى بتاعته يعنى بيعمل شغل علينا و بس مش زى ما الناس قالوا بيدوى علاج و مش بيستعجل

دكتور محمد ندا مش بيستعجل خالص و بيبدا بالعلاج و العلاج حتى مش قوى زى دكاترة تانية يعنى كمال شعير بعد الحاح كتب كمية حقن هرمونات ترعب و انا قلت له حرام الكمية دى كلها لانها ممكن تنزل العدد للصفر هو نفسه قالنا كده اما ترفع العدد و اما تنزله

اما ندا ادويته خفيفه بس فاهم هو بيعمل ايه و الله لو اكتب فيه قصايد ما تكفيهوش انا كنت مجرباه من سنين كدكتور امراض جلدية يعنى لو فى اى مشكله جلديه علاجه ممتا ز و هو من اشهر اطباء الجللدية بمصر بس اول مره نجربه تناسليه
و ربنا يشفيه يارب و يرزقه بالذرية الصالحة

الحمد لله بخير
ودلوقتى فأخر الرابع

ربنا يتم لك بخير و خدى بالك من نفسك يا قمر و كل سنة و انتى طيبة