خاص للي عيدو وعيالهم بعيدين عن عينهم يارب صبرنا

الله يصبرك ويبرد على قلبك
يا اختى لاتسوي كذا بعمرك والله انى مثلك محرومه عيالي وابوهم ما يتفاهم وانا ابعد عن المشاكل
علشان الكره ما يزيد بالنفوس وموكله امري لله وحده
يا اختى بنتك لازم تشوفك قويه لازم
قوي قلبك وامسكي دموعك وتوكلي على الله وشوفيها
وكرري هالدعاء اللهم اجعل خيرهم في ايديهم والسنتهم واجعل شرهم تحت اقدامهم
اللهم اكفني بهم كيف شئت وكيفما شئت
اخيتي تماسكي والله ان المكتوب ما منه مهروووب
والله يمتحن صبرك فاصبري اعرف صعب وموت وحرقان قرب ونار ما يعلمها الا الي ذاقها الله لا يذوقها مسلمه
بس يا اختى امر الله نافذ نافذ نافذ ابذلي الاسباب بس تقوي بالايمان
اختي اقسم بالله نار بصدري مايعلمها الا الله وحده
البس قناع قدام الكل علشان محد يشفق على او اضايق احد وخاصة ابوي وامي
اسال الله الاجر والثبات وان يجمعنى فيهم قريب
يااختى قبل قليل قريت موضوع لاخت لنا سبع شهور ما شافت عيالها
وعيالها 4 و3 سنين والامور وصلت المحاكم
وصابره وتقول يارررررررررررررررررب الرضا وتقوي نفسها
انتى وراكي حياة بتعيشيها ما قدر الله لكي مهما كان هذا المقدر
انا الكل يصبرني عيالك لو فيهم خير بيرجعون لك
وانا انتظر بس مو بضعف لا بقوة لانهم مايبون ام مكسورة وضعيفه
لا يبون ام تحتويهم تحميهم تنصحهم تقويهم
لازم اكون كذا ولا ما له داعي اكون لهم ام
الله يوفقك ويبرد عليكي
اكثري من الدعاء فهو سلاحنا والله ما راح يخيب رجانا فيه
وان كنت مظلومه ثقي بالله انه راح ياخذ حقك
فيوم النصر على الظالم اقوى من يوم الجور على المظلوم
لا تتوقعي بيعيش مرتاح لا هو ولا مرت ابوها
بيجيها عيال والدنيا مادوووم لاحد
اصبري وادعي وقوي نفسك علشان بنتك
والله يرزقك برها ويبرد عليكي بشوفتها وضمها وما تنحرمي مننها ابدا
تقبلي كلامي فهو صادر من قلب يعلم الله مابه
لكنه يحب لك الخير ولكي مني الدعاء

الله يعينك اكثري من الاستغفار
ولاترفضين الزواج

يمكن خيرة لك ماتدرين

الله يرد لكل ام اولادها ويفرح قلبك بحضانة بنتك ويخليها لك ولا بحرمك منها ابد